Fréttablaðið - 26.11.2013, Blaðsíða 24

FRÉTTABLAÐIÐ
BÍLAR2 26. nóvember 2013 ÞRIÐJUDAGUR
www.visir.is/bilar
BÍLAR Umsjón blaðsins Finnur Thorlacius
finnurth@365.is
Útgáfufélag
365 miðlar ehf.
Skaftahlíð 24,
105 Reykjavík,
sími 512 5000
Auglýsingar
Sverrir Birgir Sverrisson
sverrirbirgir@365.is
Sími 5125432
Hönnun
Silja Ástþórsdóttir
siljaa@frettabladid.is
2,0 L DÍSILVÉL, 140 HESTÖFL
Fjórhjóladrif
Eyðsla 5,3 l/100 km
í bl. akstri
Mengun 140 g/km CO2
Hröðun 9,8 sek.
Hámarkshraði 214 km/klst.
Verð 5.940.000 kr.
Umboð Brimborg
VOLKSWAGEN CC
VOLKSWAGEN CC
Finnur Thorlacius reynsluekur
V
olkswagen CC hefur ekki verið í boði
ýkja lengi og kom fyrst á markað árið
2008 og hét þá Volkswagen Passat CC.
Þetta tvöfalda C stendur fyrir Comfort
Coupé en bílar með því lagi eru iðu-
lega mjög sportlegir. Það á við þennan
bíl og er hann ansi vænn fyrir augað.
CC hefur nú verið aðgreindur frá Passat-bíln-
um, enda örlítið lengri og breiðari. Eigi að síður
er CC ekki miklu dýrari og reyndar vill svo til að
CC með 177 hestafla 2,0 lítra dísilvél er ódýrari
en Passat með sömu vél, en sá er hins vegar fjór-
hjóladrifinn. Volkswagen CC sker sig úr meðal
coupé-bíla í því tilliti að hann er fjögurra dyra en
flestir aðrir tveggja dyra. Vilja reyndar marg-
ir meina að ekki ætti að kalla bíl coupé-bíl nema
hann sé tveggja dyra, en hvað um það. Volkswa-
gen CC hefur svo til ekkert breyst í útliti frá upp-
hafi og þrátt fyrir að línur hans séu til prýði er ef
til vill kominn tími á endurhönnun í takt við nýja
tíma.
Óhætt að mæla með stærri dísilvélinni
Eins og á við svo marga bíla í dag er áhersla lögð
á dísilvélar við sölu á CC hjá Heklu og þannig var
reynsluakstursbíllinn. Hann var með 2,0 lítra og
140 hestafla dísilvél, en einnig má fá 177 hestafla
dísilvél með sama sprengirými. Sú vél er reynd-
ar eyðslugrennri og mengar minna, sem furðu
sætir. Það besta er að ekki munar nema 150.000
á þessum útfærslum – 140 hestafla úgáfan kost-
ar 5.940.000 kr. en sú 177 hestafla 6.090.000 kr.
Það færi því ekki á milli mála í tilfelli undirritaðs
hvor þeirra yrði fyrir valinu. Volkswagen CC má
einnig fá með 1,8 lítra og 160 hestafla TSI-bensín-
vél og er hann þeirra dýrastur á 6.140.000 kr. Því
er ekki nema vona að öll áherslan sé lögð á dísil-
bílana, en þeir falla í mun lægri tollflokk vegna
lítillar mengunar þeirra og skýrir það lægra verð
þeirra. Örðugt reyndist hins vegar að ná uppgef-
inni eyðslu bílsins við reynsluakstur og á það við
um alltof marga bíla. Var meðaleyðsla hans ávallt
á milli 9 og 10 lítrar, en hafa skal í huga að kalt
var í veðri.
Góðar dísilvélar og sportlegur akstur
Akstur CC-bílsins með þessari minni dísilvél er
ótrúlega ljúfur og það merkilega er að þessi vél
er nægilega öflug fyrir bílinn, þó svo viljinn hafi
enn frekar staðið til öflugri dísilvélarinnar. Akst-
urseiginleikar bílsins eru eins og vænta mátti
með Volkswagen-bíl hreint ágætir og henda má
honum hratt í beygjur án þess að beri á undir-
stýringu. Þó varð reynsluaksturinn nokkuð tak-
markaður við afar slæma færð í höfuðborginni
þar sem mikil hálka var þessa helgi og því erf-
itt að ná því besta út úr bílnum. Það kom á óvart
að þrátt fyrir að bíllinn liggi nokkuð neðarlega á
vegi tók hann aldrei niðri á hraðahindrunum bæj-
arins og má þakka það góðri fjöðrun hans, sem
í leiðinni fer afar vel með farþega. Eiginleikar
bílsins ríma ágætlega við útlit bílsins, sem sagt
sportlegir og hefði annað aðeins verið úr takti
og valdið vonbrigðum. Sjö gíra DSG-skiptingin
er eins og ávallt frábær og skilar afli vélarinnar
fimlega og átakalaust.
Aftursætisrými líður fyrir coupé-lag bílsins
Einn af stórum kostum þessa bíls er flott innrétt-
ing. Hann klórar hressilega í lúxusflokk bíla með
sína vönduðu og vel smíðuðu innréttingu og ekki
versnar það ef valin er mjög smekklega Ambi-
ente-útfærsla hennar. Þá er hann eins og sann-
ur lúxusbíll og gefur ekkert eftir flottum innrétt-
ingum í Audi, BMW og Benz. Þarna gerir Volks-
wagen ávallt vel. Flott efnisval og greinilega góð
smíði innréttinga er reyndar vörumerki Volks-
wagen. Framsætin eru góð og þau eru rafstýrð
að öllu leyti nema því að þau renna fram og aftur
SPORTLEGUR
Í ÚTLITI OG AKSTRI
Er með coupé-lagi en samt fjögurra dyra. Er örlítið stærri en
Volkswagen Passat en sáralítið dýrari.
Einkar vel formaðar línur leika um þennan laglega bíl. FRÉTTABLAÐIÐ/GVA
Sprengi-
sandur
Sigurjón M. Egilsson
Sunnudagsmorgna kl. 10 – 12