Fréttablaðið - 01.04.2014, Blaðsíða 10

1. apríl 2014 ÞRIÐJUDAGUR| FRÉTTIR | 10
UMHVERFISMÁL Skorað er á
umhverfis- og auðlindaráðherra að
taka Bjarnarflagsvirkjun úr nýting-
arflokki rammaáætlunar um vernd
og orkunýtingu landsvæða í álykt-
un aðalfundar Fjöreggs, félags um
náttúruvernd og heilbrigt umhverfi
í Mývatnssveit.
„Fundurinn telur að til grundvall-
ar þeirri ákvörðun að setja virkj-
unina í nýtingarflokk hafi legið
ófullnægjandi og úrelt mat á mögu-
legum afleiðingum virkjunarinn-
ar,“ segir í tilkynningu. Enn frem-
ur megi ætla að í litlu sem engu hafi
verið litið til þess hve mikil röskun
sé þegar orðin á vistkerfi Mývatns.
Bent er á að við gerð umhverfis-
mats árið 2003 hafi ekki legið fyrir
niðurstöður rannsókna „á þeim
djúpu sveiflum sem einkennt hafa
lífríki Mývatns frá árinu 1970 og
hafa smám saman leitt til silungs-
leysis í vatninu“. Þá hafi sendinefnd
Ramsar-skrifstofunnar í heimsókn
sinni hingað í fyrrasumar tekið
undir áhyggjur af áhrifum virkjun-
arinnar á vistkerfi Mývatns. - óká
Í BJARNARFLAGI Aðalfundur Fjöreggs
bendir á að Mývatn sé tilnefnt Ramsar-
svæði og eigi að njóta vafans þegar
kemur að óafturkræfum umhverfis-
áhrifum vegna framkvæmda. MYND/BJÖRN Þ.
Vilja fá Bjarnarflag tekið úr nýtingarflokki rammaáætlunar um orkunýtingu:
Mývatn sagt eiga að njóta vafans
LÖGREGLUMÁL Slökkvilið, sjúkra-
lið og lögregla voru kölluð til á
Eyrarbakka vegna elds sem þar
kom upp í mannlausu íbúðarhúsi
fyrir klukkan ellefu í gærmorgun.
Fram kemur í tilkynningu
lögreglu að talsverður reykur
hafi verið innandyra. Greiðlega
hafi hins vegar tekið að slökkva
eldinn, sem við fyrstu sýn hafi
verið talið að kviknað hafi út frá
þvottavél. Hefja átti rannsókn á
eldsupptökunum um leið og búið
væri að reykræsta húsið. - óká
Eldur í húsi á Eyrarbakka:
Kviknaði í út
frá þvottavél
DANMÖRK Aðeins 25 prósent Dana
vilja að vændi verði bannað. Meiri-
hluti Dana telur að bann dragi
ekki úr kaupum á kynlífsþjónustu.
Þetta eru niðurstöður könnunar á
vegum Jyllands-Posten.
Evrópuþingið vill banna sölu
á kynlífsþjónustu í allri Evrópu.
Evrópskir rannsóknaraðilar og
560 samtök hafa hins vegar sent
frá sér sameiginlega ályktun þar
sem lýst er yfir vilja til að vændi
verði löglegt. Það vill einnig
stjórnarandstaðan í Danmörku. - ibs
Ný könnun Jyllands-Posten:
Fjórðungur vill
banna vændi
LANGAR ÞIG AÐ LÆRA AÐ BÚA TIL NÆRINGARRÍKA OG FLJÓTLEGA FÆÐU?
HEILSUHÚSIÐ LÁGMÚLA 5, KL. 18:30-21:00
„Fróðlegt og skemmtilegt námskeið sem sýnir manni að það þarf alls ekki að vera flókið eða
tímafrekt að útbúa hollan og bragðgóðan mat og millimál.“
– Karen Lilja Sigurbergsdóttir
Þriðjudagurinn
8. apríl
7.600 kr.
Hráfæði – Þeytingar – Ofurfæði
Lærðu að búa til kraftmikinn
morgunmat, millimál, þeytinga,
mjólkurlausa mjólk, hráfæði,
aðalrétti, eftirrétti og ís.
Sýnikennsla og fræðsla.
Eingöngu er notast við algeng
eldhúsáhöld, matvinnsluvél og
blandara við matseldina.
Allir fara saddir og sælir heim
með glænýtt uppskriftasafn
auk þess sem Facebook-hópur
verður stofnaður þar sem hægt
er að spyrja spurninga og deila
reynslu eftir námskeiðið.
SIF GARÐARSDÓTTIR
Sif Garðarsdóttir er heilsu-
mark þjálfi og einka þjálfari
með yfir 15 ára reynslu.
Nánari upplýsingar
og skráning:
sifg@hotmail.com
www.sifgardars.is
STJÓRNSÝSLA Persónuvernd segir
vafa leika á því hvort Þjóðskrá
Íslands sé heimilt að afhenda afrit
kjörskrárstofna til stjórnmála-
flokka.
Í bréfi til Persónuverndar segir
Þjóðskrá að innanríkisráðuneytið
hafi falið stofnuninni að afhenda
stjórnmálaflokkum afrit af kjör-
skrárstofnum fyrir alþingiskosn-
ingar auk lista og límmiða um til-
tekna hópa kjósenda, til dæmis
þá sem kjósa í fyrsta sinn. Þar
komi fram lögheimili, kyn, nafn
og kennitala einstaklinga með
kosningarétt. Þjóðskrá telji engin
ákvæði í lögum heimila afhend-
ingu kjörskrárstofna til annarra
en sveitarstjórna.
Auk þess sem afhendingin eigi
sér ekki lagastoð samræmist hún
ekki tilgangi kjörskrárstofna.
Kjósendur njóti mögulega ekki
verndar samkvæmt reglum um
bannskrá þegar stjórnmálaflokk-
arnir noti kjörskrárstofnana sem
úthringilista.
Innanríkisráðuneytið segir í
svarbréfi til Persónuverndar að í
aðdraganda alþingiskosninganna
í fyrra hafi forsætisráðuneytið
óskað eftir að innanríkisráðuneyt-
ið fæli Þjóðskrá, samkvæmt hefð,
að afhenda stjórnmálasamtökum
kjörskrárstofnana.
Um lögmæti afhendingarinn-
ar segir innanríkisráðuneytið að
áratugum saman hafi tíðkast að
afhenda stjórnmálasamtökum
sem hyggist bjóða fram afrit kjör-
skrárstofna. „Þó ekki sé kveðið á
um þessa afhendingu með skýr-
um hætti í kosningalöggjöfinni
byggir hún á langri og ríkri hefð
í samskiptum stjórnarráðsins og
stjórnmálasamtaka sem hyggjast
bjóða fram og hefur þar verið gætt
fyllsta jafnræðis milli framboðs-
aðila,“ segir ráðuneytið sem kveð-
ur það „í þágu lýðræðisins að auð-
velda þeim sem bjóða sig fram í
kosningum að ná eyrum kjósenda“.
Innanríkisráðuneytið bætir
við að í ljósi efasemda Þjóðskrár
Íslands muni ráðuneytið kanna
við endurskoðun kosningalög-
gjafarinnar hvort þurfi að kveða
á um það með skýrum hætti að
afhending gagnanna sé heimil. Því
verði þó ekki lokið fyrir sveitar-
stjórnarkosningar 31. maí. „Ráðu-
neytið gerir því ráð fyrir því að
framboðsaðilum við sveitarstjórn-
arkosningar verði að öllu óbreyttu
afhent umrædd gögn með sama
hætti og verið hefur, komi fram
beiðni um slíkt.“
Persónuvernd segir hvergi í
lögum vikið að afhendingu kjör-
skrárstofna til annarra en sveitar-
stjórna. „Í ljósi þess að slíkt
ákvæði skortir telur Persónu-
vernd vafa leika á um að miðlunin
sé heimil.“ gar@frettabladid.is
Afhenda kjörskrá þótt
vafi leiki á lögmætinu
Innanríkisráðuneytið segist gera ráð fyrir að samkvæmt venju fái stjórnmálaflokk-
ar afhenta kjörskrárstofna fyrir komandi sveitarstjórnarkosningar þótt Þjóðskrá
og Persónuvernd telji lagaheimild skorta. Í þágu lýðæðisins segir ráðuneytið.
Á KJÖRSTAÐ Stjórnmálaflokkar sem bjóða fram og þess óska fá afhenta kjörskrár-
stofna í aðdraganda kosninga samkvæmt hefð. FRÉTTABLAÐIÐ/PJETUR
Í þágu lýðræðisins að
auðvelda þeim sem bjóða
sig fram í kosningum að
ná eyrum kjósenda.
Innanríkisráðuneytið.