Fréttablaðið - 01.04.2014, Page 34

1. apríl 2014 ÞRIÐJUDAGUR| SPORT | 30
FÓTBOLTI KSÍ tilkynnti félögunum í gær um breytingu á reglugerð um knattspyrnumót. Nú er
mótanefnd heimilt að gera breytingar á niðurröðun leikja eftir 8-liða úrslit bikarkeppninnar
hafi lið spilað sex leiki á undangengnum þremur vikum fyrir leik eða innan við 48 tímar liðið
frá lokum ferðalags í Evrópuleiki, svo framarlega sem annað liðið óski eftir frestun.
Má fastlega reikna með að þetta komi til vegna uppákomunnar í fyrra þegar Breiðablik
spilaði undanúrslitaleik í bikar á sunnudegi, 49 tímum eftir að lenda í Keflavík eftir Evrópu-
leik gegn Aktobe í Kasakstan. „Fyrir mitt leyti fagna ég því að menn taki á þessu en varðandi
árið í fyrra er þetta ári of seint. Það gekk yfir okkur að spila leikina svona en vonandi verður
nú breyting á. Maður getur hæglega verið Skúli fúli yfir þessu öllu en ég fagna því að tekið sé á
þessu,“ segir Ólafur Kristjánsson, þjálfari Breiðabliks, við Fréttablaðið.
Honum finnst tíminn á milli leikja alls ekki mega vera minni en 48 tímar en vill sjá að bætt sé
við einum degi til enn.
„Ég vil stíga skrefið lengra og bæta við sólarhring. 72 tímar eru lágmark. Ég var með rannsókn í
fyrra um áhrif leikjaálags á úrslit leikja og það lá allt á borðinu. Við Rúnar Kristinsson vorum búnir
að benda á þetta. Þetta eru engin ný vísindi,“ segir Ólafur Kristjánsson. - tom
72 klukkustundir eru lágmarkið
FÓTBOLTI Átta liða úrslit Meistara-
deildar Evrópu hefjast í kvöld með
tveimur leikjum. Evrópumeistar-
ar Bayern München sækja þá Man.
Utd heim á meðan Barcelona tekur
á móti Atletico Madrid í barátt-
unni um Spán.
Það þarf líklega að leita lengi
að manni sem hefur trú á Man.
Utd gegn Bayern en stjóri United,
David Moyes, er nokkuð boru-
brattur.
„Við förum í þennan leik vitandi
að á góðum degi eigum við jafna
möguleika gegn hvaða liði sem er.
Við megum vissulega sýna það
oftar en ég hef tröllatrú á mínum
mönnum,“ sagði Moyes á blaða-
mannafundi í gær.
„Ég sé það og finn á mínum
mönnum að þeir bíða spenntir eftir
þessu verkefni. Þeir vilja allir
spila svona stóran leik. Þannig er
menningin hjá þessu félagi. Menn
þrífast á stóru leikjunum.“
Það er bakvarðarvesen hjá
United þar sem Rafael er meidd-
ur, Patrice Evra í banni og Alex
Büttner haltraði af velli um síð-
ustu helgi.
Hinn fertugi Ryan Giggs hefur
staðið í þessum sporum oftar en
aðrir leikmenn og hann er einnig
bjartsýnn.
„Auðvitað er Bayern með frá-
bært lið og sigurstranglegra en hjá
flestum. En við erum Manchester
United. Þessi leikur er á Old Traf-
ford og liðið hefur oft blómstr-
að þar í þessum aðstæðum. Þetta
verður vissulega mjög erfitt en við
erum fullir sjálfstrausts.“ - hbg
Moyes hefur tröllatrú á sínu liði
Bayern mætir á Old Traff ord í kvöld og Atletico Madrid sækir Barcelona heim.
Í SVIÐSLJÓSINU Moyes á blaðamanna-
fundinum í gær. FRÉTTABLAÐIÐ/GETTY
KÖRFUBOLTI „Ég get nú ekki sagt
að ég hafi átt eitthvað sérstaklega
von á þessu. Það er nú aðallega af
því ég var ekkert að spá í þessu,“
segir Hlynur Bæringsson léttur
og hló við. Hann var um helgina
útnefndur besti varnarmaður
sænsku úrvalsdeildarinnar annað
árið í röð.
„Ef ég hefði hugsað um það þá
hefði ég talið mig eiga möguleika
fyrst ég vann nú í fyrra. Það er
mjög gaman að fá svona viður-
kenningar. Það gefur manni auka-
lega og kitlar egóið. Það er ágætt
í hófi.“
Eftir að Hlynur fékk verðlaun-
in í fyrra átti hann ekki sinn besta
leik í kjölfarið.
„Það var hálfgert „jinx“ að fá
þessi verðlaun. Það lak allt fram
hjá mér fyrstu mínúturnar í leikn-
um.“
Hlynur og félagar í Sunds-
vall Dragons eru á fullu í úrslita-
keppninni þessa dagana. Þar eru
þeir 2-1 undir í rimmu við Uppsala
en vinna þarf þrjá leiki til þess að
komast í undanúrslit.
„Þetta lið var líklegast fyrir
tímabilið en lenti svo í miklum
meiðslum. Þeir eru sigurstrang-
legri í rimmunni en við eigum
góðan möguleika. Við erum ekki
hættir,“ segir Hlynur en ansi
margir afskrifuðu Sundsvall er
það lenti í miklum fjárhagsvand-
ræðum fyrir áramót.
Fyrir vikið varð félagið að senda
Bandaríkjamanninn í liðinu heim
og hætt var við að fá liðsstyrk eftir
áramót eins og annars hefði verið
gert.
„Við erum ekki með mikla
breidd en samt fínir. Þetta hefur
verið öðruvísi áskorun eftir að for-
sendur breyttust svona hjá okkur.
Það hefur verið önnur stemning og
í raun léttara yfir mönnum. Það
er svona „engu að tapa“-fílingur í
mönnum. Við höfum allt að vinna.
Það var mjög gott að ná fjórða sæti
í deildinni eftir allt saman.“
Hlynur segir að það hafi verið
dráttur á launagreiðslum síðan
fjárhagsvandræðin byrjuðu. Laun-
in hafi þó alltaf skilað sér á end-
anum.
„Þetta verður djöfulsins barátta
hjá þeim í framhaldinu ef ég á að
vera heiðarlegur. Það hefur ekki
komið neinn sterkur styrktar aðili.
Við hefðum alveg getað notað einn
útrásarvíking núna. Það hefði lík-
lega bara þurft einn til þess að
bjarga þessu,“ segir Hlynur og
bætir við að félagið hafi tapað
fleiri styrktaraðilum en það hafi
fengið enda var umræðan í kring-
um það mjög neikvæð í talsverðan
tíma.
Landsliðsmaðurinn reiknar með
því að félagið þurfi að keyra á
svipaðan hátt næsta vetur og gert
hefur verið seinni hluta tímabils-
ins enda ekki kominn neinn pen-
ingur. Sjálfur á hann eitt ár eftir
af samningi sínum við félagið og
hann er til í að virða hann enda
líður honum vel í Sundsvall.
„Maður veit aldrei hvað gerist í
þessum bransa. Ef þeir vilja halda
mér þá er ég meira en til í að vera
áfram. Það skiptir ekki öllu máli
að vera í liði sem er líklegt til að
vinna. Það skiptir líka máli að
það sé gaman í vinnunni. Það eru
fínir gaurar í liðinu og gaman hjá
okkur.“
henry@frettabladid.is
Höfum allt að vinna
Körfuknattleikskappinn Hlynur Bæringsson var valinn besti varnarmaður
sænsku úrvalsdeildarinnar annað árið í röð. Hlynur segir stemninguna hjá
Sundsvall vera skemmtilegri eft ir að liðið lenti í fj árhagskröggum.
ÖFLUGUR Hlynur er í miklum metum í Svíþjóð og var valinn besti varnarmaðurinn
annað árið í röð. FRÉTTABLAÐIÐ/DANÍEL
HANDBOLTI Guðmundur Guðmundsson kom fram hefndum
gegn Talant Dujshebaev í gær eftir uppákomuna ótrúlegu
á dögunum þegar spænski þjálfarinn sakaði Guðmund
um dónaskap og sló hann í punginn eftir fyrri leik Rhein-
Neckar Löwen og pólska liðsins Kielce í 16 liða úrslitum
Meistaradeildarinnar.
Kielce vann fyrri leikinn, 32-28, á heimavelli en
Ljónin unnu fjögurra marka sigur, 27-23, í Þýska-
landi í gærkvöldi og fóru áfram á útivallamarka-
reglunni. Það ætlaði allt um koll að keyra hjá
leikmönnum liðsins þegar lokaflautið gall.
Stefán Rafn Sigurmannsson var frábær í
liði Löwen í gærkvöldi og skoraði fimm mörk en
Alexander Petersson skoraði tvö mörk. Þórir Ólafsson
skoraði einnig tvö mörk fyrir Kielce sem er úr leik. - tom
Sæt hefnd hjá Guðmundi
SPORT