Fréttablaðið - 28.04.2014, Blaðsíða 12

28. apríl 2014 MÁNUDAGURSKOÐUN
HALLDÓR
FRÉTTABLAÐIÐ Skaftahlíð 24, 105 Reykjavík Sími: 512 5000, ritstjorn@frettabladid.is FRÉTTASTJÓRI: Andri Ólafsson andri@frettabladid.is RITSTJÓRNARFULLTRÚI: Álfrún Pálsdóttir alfrun@frettabladid.is VIÐSKIPTI: Fanney Birna Jónsdóttir fanney@frettabladid.is MENNING: Friðrika Benónýsdóttir fridrikab@frettabladid.is
DÆGURMÁL: Lilja Katrín Gunnarsdóttir liljakatrin@frettabladid.is VÍSIR: Kolbeinn Tumi Daðason, kolbeinntumi@365.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is ÚTLITSHÖNNUN: Silja Ástþórsdóttir siljaa@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRAR: Ólafur Þ. Stephensen olafur@frettabladid.is, Mikael Torfason mikael@frettabladid.is Fréttablaðið kemur út í 90.000
eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á
landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds.
ISSN 1670-3871
FRÁ DEGI
TIL DAGS
Friðrika
Benónýsdóttir
fridrikab@frettabladid.is
heitir pottar
Auðbrekku 6 · Kópavogi · Sími 565 8899 · www.normx.is
Við hjá NormX höfum framleitt heita potta í yfir 30 ár fyrir
íslenskar aðstæður. Við bjóðum fjölda gerða og lita ásamt öllu
því sem tilheyrir til að koma sér upp glæsilegum heitum potti
á verði sem kemur skemmtilega á óvart.
GERÐU VERÐ-SAMANBURÐ
Enn á ný tröllríður umræða um veiði-
gjöld fjölmiðlum. Því miður virðist hún
nú rétt eins og undanfarin ár aðallega
snúast um hvort gjöldin séu of há eða
lág. Undirstöðuatvinnuvegur þjóðarinn-
ar á að leggja sitt til samfélagsins en það
skiptir máli að vandað sé til verka til að
ekki sé grafið undan því sem vel hefur
verið gert. Sú tillaga sem sett hefur
verið fram um veiðigjöld næsta árs virð-
ist ekki byggjast á nokkurri greiningu á
því hvað sjávarútvegurinn þoli í gjald-
töku, hvaða áhrif aðferðin mun hafa á
fyrirtæki og byggðarlög eða sýn á það
hvernig ríkisstjórnin vill að þessi grund-
vallaratvinnuvegur þróist.
Í stað þess að stökkva út í drullupoll-
inn og tala um fjárhæð þessa gjalds
vildi ég í þessum stutta pistli reyna að
hefja þá umræðu sem þarf að fara fram
um þessa gjaldtöku sem hluta af heild-
stæðu kerfi sem búa þarf sjávarútveg-
inum til framtíðar þannig að við getum
áfram verið stolt af því að á Íslandi sé
rekinn sjávarútvegur sem sé í fremstu
röð í heiminum. Umræðu um það hvern-
ig við viljum sjá atvinnugreinina þróast
til framtíðar þannig að hún geti áfram
skilað sem mestu til samfélagsins alls í
formi gjaldeyristekna, launagreiðslna,
skatttekna, þróunar þjónustugreina eins
og flutninga og fjármögnunar, menntun-
ar og nýsköpunar, þar sem umhverfismál
eru í forgrunni.
Sjávarútvegurinn er að þróast á mikl-
um hraða í að verða þekkingargrein þar
sem forskot og forusta á sviði tækni og
markaðssetningar skiptir miklu máli.
Þessi þróun skapar tækifæri til að auka
enn frekar þau verðmæti sem sjávarút-
vegurinn getur skilað beint og óbeint.
Í þessu eru þó einnig áskoranir því við
erum ekki ein um að eygja þessa mögu-
leika heldur gera okkar helstu samkeppn-
islönd það líka. Við sjáum það nú á sífellt
harðnandi samkeppni við til að mynda
Noreg og Rússland á mörkuðum sem við
höfum hingað til verið í forustu á.
Ég hvet til þess að lagt verði í vinnu
við greiningu á þessum tækifærum og
áskorunum svo mögulegt sé að ræða af
yfirvegun hvert við viljum að sjávarút-
vegur á Íslandi stefni, hvort ekki sé sam-
staða um að við eigum að efla hann þann-
ig að hann verði áfram í fremstu röð og
færi íslensku samfélagi þar með aukn-
ar tekjur. Sem hluta af þessari umræðu
er eðlilegt að fjárhæð veiðigjalda og sú
aðferðafræði sem notuð er við álagningu
þeirra verði rædd.
Framtíð íslensks sjávarútvegs
SJÁVAR-
ÚTVEGUR
Kolbeinn
Árnason
framkvæmdastjóri
LÍÚ
F
imm vikum fyrir kjördag í sveitarstjórnarkosningum
fer lítið fyrir kosningabaráttu flokkanna í Reykjavík.
Það virðist ríkja nokkuð almenn ánægja með núverandi
meirihluta og vandræðagangur Framsóknarmanna
við að berja saman frambærilegan lista vekur frekar
vorkunn en áhuga. Meirihluti Reykvíkinga vill að Dagur B.
Eggertsson taki við borgarstjóra-
stólnum af Jóni Gnarr og til
þess að svo megi verða virðist
alls konar fólk tilbúið til að
kjósa Samfylkinguna, þótt það
hafi ekki gert það áður. Óbreytt
ástand virðist vera efst á óska-
lista reykvískra kjósenda sem
bendir til að öllum að óvörum
hafi stórsigur Besta flokksins í síðustu kosningum ekki verið
bundinn við persónufylgi Jóns Gnarr og uppreisn gegn ríkjandi
flokkakerfi heldur krafa um nýja nálgun á borgarmálefnin, krafa
sem flokkurinn tók alvarlega og stóð undir, sem skilar sér í góðri
stöðu hans – eða afsprengis hans undir nafni Bjartrar framtíðar –
þegar gengið er til kosninga fjórum árum síðar.
Fylgi flokka í sveitarstjórnarkosningum er kannski ekki
raunhæfur mælikvarði á fylgi þeirra í alþingiskosningum, þar
sem ákveðin málefni skipta oft meira máli en stjórnmálaskoðanir
í vali á þeim sem í borgar- og bæjarstjórnum sitja, en engu að
síður hlýtur staðan í skoðanakönnunum að vera ríkisstjórnar-
flokkunum áhyggjuefni. Ári eftir stórsigur Framsóknarflokksins
í kosningum til Alþingis mælist hann með á bilinu tveggja til
þriggja prósenta fylgi í Reykjavík og þótt forystusauður listans,
Óskar Bergsson, hafi stigið til hliðar og tekið á sig sökina á fylgis-
skortinum þá virðist ekki líklegt að nýr listi nái að hífa fylgið
mikið upp, allra síst þar sem fullkomin óeining virðist ríkja innan
flokksins um það hvernig hann eigi að vera skipaður. Það er ekki
traustvekjandi fyrir kjósendur að korteri í kjördag standi enn yfir
æðisgengin leit að frambærilegum kandídat til að leiða flokk for-
sætisráðherra í kosningum til borgarstjórnar.
Í herbúðum Sjálfstæðismanna er ástandið heldur ekkert
glæsilegt en kosningabarátta þeirra hefur verið nánast ósýnileg
hinum almenna kjósenda og ekki líkur á að það breytist mikið á
þessum fimm vikum. Þeir geta reiknað með sínu tuttugu og fimm
prósenta fylgi og miðað við hversu lítið ber á frambjóðendum
þeirra virðast þeir ekki einu sinni ætla að reyna að höfða til fleiri
kjósenda. Það er einhver máttleysislegur uppgjafarbragur á allri
framgöngu Sjálfstæðismanna í aðdraganda borgarstjórnarkosn-
inga, enda alvarlegri mál að hafa áhyggjur af með stofnun nýs
hægri flokks hangandi yfir hausamótunum flokksins.
Það eru því allar líkur á að Reykvíkingar búi áfram við stjórn
Samfylkingar og Besta flokksins/Bjartrar framtíðar næstu
fjögur árin, enda bendir nákvæmlega ekkert til þess að meirihluti
borgarbúa hafi áhuga á að breyta þeirri skipan mála. Það hlýtur
að teljast nokkuð eindreginn sigur sprellframboðsins frá því fyrir
fjórum árum og þeir sem hæst höfðu um hversu lélegt það grín
væri sitja nú eftir með sárt ennið og eru sjálfir stærsti brandar-
inn. Það er nefnilega merkilegt hvað grínið er orðið alvarlegt og
alvaran mikið grín.
Lítið um baráttumál í kosningabaráttunni.
Almenn sátt um
óbreytt ástand
Skýrslan dýra
Margir vilja fá skýringar á því hvers
vegna skýrslan um orsökina fyrir falli
sparisjóðanna var svo dýr sem raun
bar vitni. Málið var rætt í þættinum
á Sprengisandi á Bylgjunni í gær og
þar sagði Guðmundur Hálfdánarson
prófessor að það væri óskiljanlegt að
skýrslan hefði kostað rúmar 600 millj-
ónir króna, mun meira en skýrsla Rann-
sóknarnefndar Alþingis um aðdraganda
og fall íslensku bankanna sem
kom út 2010. Sú skýrsla
kostaði 450 milljónir, það tók
styttri tíma að vinna hana
og hún er talsvert ítarlegri
en sparisjóðaskýrslan. Undir
gagnrýnina tók Jakob Ásgeirs-
son rithöfundur og útgefandi
Þjóðmála. Hann sagði
kostnaðinn yfirgengilegan og
óskiljanlegan. Guðmundur sagði svo að
ef kostnaðurinn við sparisjóðaskýrsluna
væri eðlilegur þá yrðu ekki gerðar
fleiri skýrslur. Líklega hárrétt. Það væri
kannski ekki úr vegi að ríkið léti rann-
saka kostnaðinn við gerð sparisjóða-
skýrslunnar og hvað hafi farið úrskeiðis.
Nema það sé allt of dýrt.
Litið inn á við
Frjálslyndi evrópusinninn Ragnheiður
Ríkharðsdóttir, þingmaður og
formaður þingflokks
Sjálfstæðisflokksins
var ómyrk í máli í
þættinum Sunnudags-
morgni með Gísla
Marteini. Hún gagnrýndi
Sjálfstæðisflokkinn fyrir
einstrengingslega
stefnu í evrópumál-
um en sagðist þrátt fyrir það ekki ætla
að ganga til liðs við nýjan evrópusinn-
aðan hægriflokk verði af stofnun hans.
Ragnheiður sagði að sjálfstæðismenn
yrðu að horfa inn á við og velta því fyrir
sér hverju þurfi að breyta til að auka
fylgi flokksins á ný. Hún sagði að það
yrði að taka umræðu um hugmynda-
fræðina og spyrja spurninga á borð við
hvers vegna kjörnir fulltrúar flokksins
séu ekki að slást fyrir afnámi tolla og
vörugjalda. Það sé ýmislegt á stefnu-
skrá flokksins sem ekki sé verið að
berjast fyrir. Ragnheiður er ein fárra
þingmanna Sjálfstæðisflokksins
sem talar á þessum nótum. Ef
flokkurinn ætlar að ná fyrri styrk
ætti hann að hlusta betur á
Ragnheiði og þá sem hafa yfirgefið
flokkinn.
johanna@frettabladid.is