Fréttablaðið - 10.06.2014, Side 6

10. júní 2014 ÞRIÐJUDAGUR| FRÉTTIR | 6
utilif. isGLÆSIBÆ KRINGLUNNI SMÁRALIND
Á
R
N
A
S
Y
N
IR
tjaldaðu
ekki til einnar nætur
High Peak Como
37.990 / 44.990 KR.
4 og 6 manna traust
fjölskyldutjald
High Peak ancona
59.990 KR.
5 manna þægilegt
fjölskyldutjald
High Peak cave
26.990 KR.
2 manna þægilegt
göngutjald
The north face talus 3
64.990 KR.
3 manna létt og rúmgott
göngutjald
Frábært úrval af tjöldum í glæsibæ
1. Hvað heitir biskup kaþólsku kirkj-
unnar á Íslandi?
2. Hver er formaður Þingvallanefnd-
ar?
3. Hvaða Íslendingur er tilnefndur til
búlgörsku tískuverðlaunanna?
SVÖR
DANMÖRK Danir sem flytja úr
landi þurfa ekki að afsala sér
ríkisborgararétti þótt þeir vilji
gerast ríkisborgarar í öðru landi.
Hið sama á við þá sem flytja til
Danmerkur. Þeir þurfa ekki að
afsala sér fyrri ríkisborgararétti
til þess að fá danskan.
Fyrirhugað er að þessar nýju
reglur taki gildi næsta sumar.
Danir sem þegar hafa afsalað sér
dönskum ríkisborgararétti geta
innan fimm ára eftir að reglurn-
ar taka gildi fengið hann á ný.
- ibs
Nýjar reglur í Danmörku:
Tvöfaldur ríkis-
borgararéttur
FERÐAÞJÓNUSTA Þrjú fyrirtæki
sóttu um leyfi til að nýta land-
svæði í Fjallsárlóni. Bæjarráð
Hornafjarðar ákvað að veita fyr-
irtækinu Fjallsárlón ehf. leyfið.
Fram kemur í fundargerð
bæjarráðs að fyrirtækin Hvítár-
vatn ehf. og Ice lagoon ehf. hafi
einnig sótt um og bæjarráð hafi
talið allar umsóknirnar uppfylla
skilyrði sem sett voru. „Umsókn
Fjallsárlóns ehf. lýsir vel og ítar-
lega áformum og hugmyndum
fyrirtækisins um metnaðarfulla
starfsemi,“ segir í ákvörðun bæj-
arráðs. Leyfið gildir frá 2. júní og
út október á þessu ári. - gar
Leyfi fyrir náttúruperlu:
Fjallsárlón ehf.
fékk Fjallsárlón
UMHVERFISMÁL „Bæjarstjórn telur
algerlega óásættanlegt að opin-
ber úrskurðarnefnd sjái sér ekki
fært að fara að fyrirmælum laga í
starfsemi sinni,“ segir bæjarstjórn
Fljótsdalshérað sem sættir sig ekki
við málshraða hjá úrskurðarnefnd
umhverfis- og auðlindamála.
Fréttablaðið sagði frá því í lok apríl
að bæjarstjórnin ákvað að kæra
Orkustofnun fyrir að neita að taka
upp aftur mál Fljótsdalshéraðs
um skilmála virkjunarleyfa Kára-
hnjúka- og Lagarfossvirkjunar
vegna meira vatnsmagns í Lagar-
fljóti en ráð hafi verið gert fyrir og
tjóns af því.
Úrskurðarnefnd umhverfis- og
auðlindamála segir að jafnvel þótt
nefndin hafi lögum samkvæmt
þrjá til sex mánuði til að kveða upp
úrskurð telji hún sér ekki fært að
ljúka málinu innan árs frá móttöku
kærunnar.
Nanna Magnadóttir, forstöðu-
maður úrskurðarnefndar auð-
linda- og umhverfismála, segir
skýringuna á málshraðanum þá að
málum hafi fjölgað umfram áætl-
anir og mannskapur hafi sömuleið-
is verið minni en gert hafi verið ráð
fyrir þegar nefndin var stofnuð 1.
janúar 2012.
„Það eru samlegðaráhrif af
þessum ástæðum sem valda því að
málsmeðferðartíminn er kominn
langt út fyrir lögmætan afgreiðslu-
tíma,“ segir Nanna sem aðspurð
játar því að margir málsaðilar séu
ósáttir við þessa stöðu. „Fólk býst
eðlilega við að fá afgreiðslu sinna
mála innan þeirra fresta sem lögin
mæla fyrir um. En þetta er bara
staðan eins og hún er og það er bara
ákveðinn ómöguleiki fyrir okkur að
vinna hraðar án þess að eitthvað
annað komi til.“
Nefndin hefur óskað eftir auknu
fjármagni. „Við erum að biðja um
fjárveitingu til að ráða þrjá starfs-
menn tímabundið í eitt ár til að
vinna bug á málahalanum. Það eru
hátt í tvö hundruð mál sem bíða
afgreiðslu,“ segir forstöðumaður
úrskurðarnefndarinnar.
„Kærendur hafa að jafnaði ríka
hagsmuni af því að fá úrskurði í
sínum málum og krefst bæjarráð
þess að yfirvöld sjái til þess að
lögum verði fylgt í þessu máli sem
og öðrum,“ undirstrikar bæjar-
stjórn Fljótsdalshéraðs.
Eins og fram kemur á for-
síðu blaðsins segir Sigurður Ingi
Jóhannsson, umhverfisráðherra
stöðuna óásættanlega. Hann hyggst
leggja fram frumvarp á Alþingi í
haust um auknar fjárveitingar til
úrskurðanefndarinnar.
gar@frettabladid.is
Geta ekki úrskurðað
í samræmi við lögin
Bæjarstjórn Fljótsdalshéraðs segir algerlega óviðunandi að þurfa að bíða í heilt ár
eftir úrskurði í kærumáli tengdu hæð vatnsborðs Lagarfljóts í kjölfar Kárahnjúka-
virkjunar. Ómöguleiki að uppfylla lög um frest, segir formaður úrskurðarnefndar.
TÆKNI Í fyrsta sinn tekst mann-
gerðri gervigreind að standast
hið fræga Turing-próf.
Forritarar frá Rússlandi og
Úkraínu skrifuðu forritið, sem
ber nafnið „Eugene Goostman“,
en Eugene segist vera 13 ára
úkraínskur strákur.
Prófið gengur svo fyrir sig að
hópur fólks rabbar við gervi-
greindina gegnum netspjall, og
metur svo eftir á hvort það hélt
viðmælanda sinn mannlegan eða
forritaðan.
Ef þriðjungur þáttakenda telur
gervigreindina mennska telst hún
standast prófið. - kóh
Gervigreindarforrit gabbar:
Turing-prófið
loks unnið
SAKAMÁL Lögreglan átti erilsam-
an vinnudag í gær, en alls var til-
kynnt um átta innbrot og þjófnaði
úr vesturbæ og austurbæ Reykja-
víkur, sem og úr Kópavogi.
Afbrotin voru öll tilkynnt á sex
klukkustunda tímabili.
Í Vesturbænum var lögreglu
tilkynnt um þjófnað í verslun, en
einnig voru framin tvö innbrot og
stolið var úr bíl.
Í Austurbænum var tilkynnt
um innbrot og þjófnað úr sam-
eign fjölbýlishúss.
Í Kópavogi var lögreglu gert
viðvart um að þvotti hefði verið
stolið úr þvottahúsi. - kóh
Þjófar fara mikinn í Reykjavík:
Innbrot um
allan bæ
HAFRANNSÓKNIR Hafrannsóknastofnun segir
áhyggjuefni hversu lítið fékkst af smáum humri
í nýafstöðnum árlegum humarleiðangri.
Svo virðist sem útbreiðslusvæði humars hafi
farið stækkandi vestur af landinu með hækkandi
hitastigi, en haustið 2012 veiddist humar í fyrsta
sinn í Ísafjarðardjúpi sem talinn er hafa borist
þangað með náttúrulegum hætti.
Stofnvísitala humars mældist rétt undir meðal-
tali síðasta aldarfjórðungs og hefur farið lækk-
andi eftir metmælingu árið 2008. Alls voru gerð-
ar mælingar á 55 stöðvum frá Jökuldjúpi austur
í Lónsdjúp.
Í frétt Hafró segir að tog hafi verið tekið á
nýjum slóðum þar sem veiði á humri tekur nú til
nýrra svæða. Veiddust um 70 tonn í Grindavík-
urdýpi í fyrrasumar, þar sem ekki voru gjöful
mið áður.
Síðar í sumar á að fara í Kolluál, úti fyrir
Snæfellsnesi, til að kortleggja útbreiðslusvæði
humars, sem hefur fengist þar í auknum mæli
sem meðafli. - shá
Áhyggjur af hversu lítið er af smáhumri en stofninn mældist í meðallagi stór í nýjum leiðangri:
Humar breiðist út og stækkar heimkynni sín
1. Pétur Bürcher.
2. Sigrún Magnúsdóttir.
3. Elínrós Líndal, eigandi tískuhússins Ellu.
HUMARVINNSLA Staða stofnsins er bærileg en
áhyggjur eru af magni smáhumars. MYND/ÓSKAR
➜ Stofnvísitala humars mældist rétt
undir meðaltali síðasta aldarfjórð-
ungs og hefur farið lækkandi eftir
metmælingu árið 2008.
Það er
bara ákveðinn
ómöguleiki
fyrir okkur að
vinna hraðar
án þess að
eitthvað annað
komi til.
Nanna Magnadóttir, forstöðumaður
úrskurðarnefndar auðlinda- og
umhverfismála.
LAGARFLJÓT Meira vatnsmagn í Lagarfljóti eftir Kárahnjúkavirkjun en ráð var fyrir
gert veldur tjóni og setur spurningarmerki við starfsleyfi virkjunarinnar segir bæjar-
stjórn Fljótsdalshéraðs. FRÉTTABLAÐIÐ/VILHELM
VIÐ JÖKULSÁRLÓN Sigling á jökullón-
um er aðdráttarafl fyrir ferðamenn.
FRÉTTABLAÐIÐ/VALLI
LÖGREGLUSTÖÐ Lögregla átti annríkan
dag í gær, en alls voru átta innbrot og
rán tilkynnt á höfuðborgarsvæðinu.
FRÉTTABLAÐIÐ/ANTON
VEISTU SVARIÐ?