Fréttablaðið - 10.06.2014, Blaðsíða 20

FÓLK|HEILSA
Júlía Magnúsdóttir, heilsumark-þjálfi og næringar- og lífsstíls-ráðgjafi, skorar á Íslendinga að
sleppa sykri í fjórtán daga. „Áskor-
unin hefst 16. júní og það er
öllum frjálst að taka þátt.
Það eru engar reglur,
boð eða bönn. Hver
og einn fer í þetta á
sínum forsendum
en áskorunin snýst
um það að taka
hvítan sykur út úr
mataræðinu,“ segir
Júlía.
MINNI SYKURLÖNGUN
Júlía mun senda uppskrift-
ir og heilsuráð til þeirra
sem skrá sig í áskorunina.
„Ég mun senda uppskrift
fyrir hvern virkan dag í
þessar tvær vikur ásamt
innkaupalista. Uppskriftirnar eru
samsettar úr fæðu sem dregur úr
sykurlöngun þannig að eftir tvær
vikur ætti sykurþörfin að vera orð-
in minni hjá þeim sem taka þátt.
Við leggjum áherslu á að fólk taki
einfaldlega áskoruninni og geri sitt
besta. Það er engin krafa um að all-
ir sleppi öllum sykri, þetta fer eftir
því hvernig mataræði fólks er í dag
og fer eftir einstaklingum. Þeir sem
borða mikinn sykur geta valið að
sleppa engu en nota uppskriftirnar
og borða þessa fæðu sem minnkar
sykurlöngun og sjá svo til hvað
gerist. Sykurþörf þeirra gæti þá
verið orðin minni og þá er kannski
hægt að taka sykurinn út
smátt og smátt.“
Júlía segir margt
unnið með því að
taka hvítan syk-
ur úr mataræð-
inu. Bæði hún
sjálf og konur
sem hún hefur
verið með í
þjálfun segja að
jafnvægi í líkam-
anum sé meira,
orkan meiri og heilsan
almennt betri. „Auk þess
tapast oft einhver þyngd
í leiðinni sem er bara
plús.“
MINNI SYKUR, BETRI HEILSA
Aðspurð segir Júlía að sykurlaust
fæði sé alls ekki leiðigjarnt og að
sykurlaus matur sé bæði góður
og girnilegur. „Mig langar að sýna
fólki með þessari áskorun að
þetta er ekki eins mikið mál og
margir halda. Íslendingar borða
almennt alltof mikið af sykri og
sykurneyslan hefur aukist undan-
farin ár. Ég glímdi sjálf við sykur-
púkann lengi en hef verið án hvíts
sykurs í þó nokkur ár núna. Ég
fann hvað sykurinn fór illa í mig,
hann fór í liðina á mér, skapið
varð leiðinlegt, hormónarnir fóru
í eitthvað rugl og þyngdin stóð
í stað þrátt fyrir að ég væri á
fullu í ræktinni. Eftir að ég hætti
að neyta hvíts sykurs líður mér
mikið betur og er í meira jafnvægi.
Sykurlaust fæði er langt frá því að
vera leiðigjarnt og í raun kynnt-
ist ég nýjum heimi fæðutegunda
þegar ég hætti að borða sykurinn.
Við gleymum oft að nota það nátt-
úrulega, það eru mörg sætuefni
sem fást beint úr náttúrunni eins
og döðlur og hunang.“
Sem dæmi um gómsætan sykur-
lausan mat gefur Júlía uppskrift
að svartbaunabrúnkum hér fyrir
neðan. „Sem fyrrverandi sætinda-
fíkill hef ég sett uppskriftirnar
þannig saman að þær slá á sykur-
þörfina á náttúrulegan hátt og
þær bragðast mjög vel.“
Hægt er að skrá sig í áskor-
unina með Júlíu á vefsíðunni lifdu-
tilfulls.is. ■ liljabjörk@365.is
ÁSKORUN — EKKI BORÐA SYKUR
SYKURLAUS Í 14 DAGA Sykurlaus matur er góður og girnilegur segir Júlía Magnúsdóttir sem skorar á fólk að hætta að borða hvítan
sykur í tvær vikur. Hún tók hvítan sykur út úr eigin mataræði fyrir nokkrum árum og líður mikið betur án hans.
SYKURÁSKORUN Júlía hefur sagt sykurpúkanum stríð á hendur og vill fá fleiri í lið með sér en hún skorar á fólk að taka hvítan sykur
út úr mataræðinu. MYND/GVA
HOLLT FÆÐI Sykur-
laust fæði getur verið
bæði gott og girnilegt.
„Brúnkurnar eru hollar, góm-
sætar og auðveldar, betri eftir-
réttur fæst varla. Auk þess þá
slá þær á sykurþörfina,“ segir
Júlía.
Uppskrift
1 dós svartar baunir (eða 1¾
bolli eldaðar)
2 hörfræegg (2½ tsk hörfræ + 6
tsk. vatn)
3 tsk. kókosolía (fljótandi,
krukka lögð í heitt vatn)
¾ bollar lífrænt kakóduft
¼ tsk. salt
1 tsk. vanilludropar
½ bolli hunang eða annað nátt-
úrulegt sætuefni
1½ tsk. vínsteinslyftiduft
Valhnetur til að setja ofan á
Aðferð
•1. Hitið ofninn í 180°C.
•2. Smyrjið möffinsform með
olíu.
•3. Útbúið hörfræeggin með
því að setja hörfræ og vatn í
matvinnsluvél. Setjið vélina í
gang nokkrum sinnum og leyfið
innihaldinu síðan að bíða í
nokkrar mínútur. Bætið þá við
eftirstandandi innihaldsefnum
og hrærið saman í þrjár mín-
útur. Þetta á að vera frekar
mjúkt og slétt. Ef þetta lítur út
fyrir að vera of þykkt bætið þá
við 1-2 msk. af vatni og setið
matvinnsluvélina aftur í gang.
Þetta á ekki að vera þykkt en
samt ekki þannig að þetta leki
út um allt.
•4. Deilið þessu jafnt í möffins-
form og notið skeið eða fingur
til að ýta létt ofan á kökurnar.
•5. Stráið muldum valhnetum
yfir (valfrjálst) og bakið í 20-26
mínútur eða þar til toppurinn
eru þurr og brúnirnar byrjaðar
að losna frá hliðunum.
Fjarlægið úr ofninum og látið
kólna í þrjátíu mínútur áður en
þið fjarlægið af ofnplötu. Þær
eiga að vera mjög mjúkar, svo
verið ekki áhyggjufull ef þær
virðast of rakar.
SYKURLAUSAR SVART-
BAUNABRÚNKUR
Þessar brúnkur eru mjúkar og sætar en líka fullar
af trefjum, prótíni, ómega-3 og góðri næringu.
GIRNILEGAR Svartbaunabrúnkurnar eru
gómsætar og auðvelt er að búa þær til.
Hjartasjúkdómar
Ert þú í áhættuhópi?
Hjarta-Aspirín inniheldur asetylsalicylsýru, sem í litlum skömmtum
tilheyrir flokki lyfja sem hindra samloðun blóðflagna. Blóðflögur eru
örsmáar frumur í blóðinu sem valda því að blóðið storknar og taka
þátt í segamyndun. Þegar blóðtappi myndast í slagæð kemur hann í
veg fyrir blóðstreymi og hindrar súrefnisflutning. Þegar þetta gerist í
hjartanu getur það valdið hjartaáfalli eða hjartaöng; í heilanum getur
þetta valdið heilablóðfalli.
Fræðsla
Notkunarsvið: Hjarta-Aspirín er notað til að minnka hættu á að blóðtappar myndist og fyrirbyggja þannig hjartaáfall, heilablóðfall eða vandamál
í hjarta og æðum hjá sjúklingum með hjartaöng. Hjarta-Aspirín er einnig notað til að koma í veg fyrir myndun blóðtappa eftir ákveðnar tegundir
hjartaaðgerða. Ekki má nota Hjarta-Aspirín: Ef um er að ræða ofnæmi fyrir asetylsalicylsýru eða einhverju öðru innihaldsefni lyfsins, ofnæmi
fyrir öðrum salicylötum eða bólgueyðandi gigtarlyfjum. Ef þú hefur fengið astmakast, eða þrota á ákveðnum svæðum á líkamanum, eftir töku
salicylata eða bólgueyðandi gigtarlyfja. Ef þú ert með eða hefur verið með sár í maga eða smáþörmum eða einhverja aðra tegund blæðingar,
svo sem heilablóðfall. Ef þú hefur einhvern tíma verið með blóðstorknunarvandamál. Ef þú ert með alvarleg lifrar- eða nýrnavandamál. Ef þú ert
að nota lyf sem kallast methotrexat í skammti sem er stærri en 15 mg á viku. Varnaðarorð og varúðarreglur: Leitið ráða hjá lækninum áður en
Hjarta-Aspirín er notað ef þú ert með; nýrna-, lifrar- eða hjartavandamál, hefur einhvern tíma verið með vandamál í maga
eða smáþörmum, ert með háan blóðþrýsting, ert með astma, frjókornaofnæmi, sepa í nefi eða annan langvinnan sjúkdóm
í öndunarfærum, hefur verið með þvagsýrugigt eða færð miklar tíðablæðingar. Láttu lækninn vita ef þú þarft að fara
í aðgerð. Ekki ætlað börnum yngri en 16 ára. Gæta skal þess að ofþorna ekki þar sem notkun asetylsalicylsýru við slíkar
aðstæður getur valdið skerðingu á nýrnastarfsemi. Meðganga og brjóstagjöf: Leita skal ráða hjá lækninum áður en lyfið
er notað. Skömmtun: Fullorðnir: Til að fyrirbyggja hjartaáfall, hjarta- og æðasjúkdóma hjá sjúklingum með hjartaöng eða
blóðtappa eftir ákveðnar tegundir hjartaaðgerða er ráðlagður skammtur er 75-160 mg einu sinni á dag. Til að fyrirbyggja
heilablóðfall er ráðlagður skammtur er 75-325 mg einu sinni á dag. Aldraðir: Eins og hjá fullorðnum. Algengar auka-
verkanir: meltingartruflanir, aukin blæðingartilhneiging. Lesið vandlega fylgiseðil sem fylgir lyfinu. SmPC: Febrúar 2013.