Fréttablaðið - 10.06.2014, Qupperneq 58

10. júní 2014 ÞRIÐJUDAGUR| SPORT | 30
PEPSI DEILDIN 2014
STAÐAN
FH 6 4 2 0 8-2 14
Valur 7 3 3 1 12-9 12
Stjarnan 6 3 3 0 9-6 12
Keflavík 6 3 2 1 8-4 11
Fjölnir 6 2 4 0 10-6 10
KR 6 3 1 2 8-7 10
Víkingur 7 3 1 3 8-10 10
Fylkir 6 2 0 4 7-12 6
Fram 6 1 2 3 9-12 5
Þór 7 1 1 5 13-16 4
Breiðablik 6 0 4 2 6-9 4
ÍBV 7 0 3 4 7-12 3
NÆSTU LEIKIR
Í dag: 19.15 Fram - Keflavík.
Miðvikudagur 11. júní: 19.15 Fjölnir - FH,
Fylkir - Breiðablik. 20.00 Stjarnan - KR
Sunnudagur 15. júní: 17.00 FH - Þór, Breiða-
blik - ÍBV. 19.15 Valur - Víkingur, Fjölnir -
Fram, KR - Fylkir. 20.00 Keflavík - Stjarnan.
Víkingar kunnu vel við sig á grasinu FÓTBOLTI Sjöunda umferð Pepsi-
deildar karla hófst í gær og Vík-
ingur gat þá loks spilað á heima-
velli sínum.
Það skilaði sér í flottum sigri
á Þórsurum á meðan ÍBV er ekki
enn búið að vinna leik í deildinni.
ÍBV kastaði frá sér sigrinum í
uppbótartíma gegn Val.
Sjöunda umferðin heldur áfram
í kvöld þegar Fram tekur á móti
Keflavík. - hbg
visir.is
Frekari umfjöllun
um Pepsi-deildina.
Mörkin: 1-0 Pape Mamadou Faye (20.), 2-0 Pape
Mamadou Faye (45.), 2-1 Jóhann Helgi Hannesson
(76.), 3-1 Aron Elís Þrándarson (88.), 3-2 Jóhann
Helgi Hannesson (90.+2).
VÍKINGUR (4-3-3): Ingvar Þór Kale 6 (69.,
Sigurður Hrannar Björnsson 5) - Kjartan Dige
Baldursson 6, Óttar Steinn Magnússon 6, Alan
Löwing 6, Halldór Smári Sigurðsson 7 - Kristinn
Magnússon 6, Igor Taskovic 8*, Aron Elís
Þrándarson 8 - Dofri Snorrason 7, Todor Hristov
6 (73., Arnþór Ingi Kristinsson -), Pape Mamadou
Faye 8 (86., Agnar Darri Sverrisson -).
ÞÓR (4-3-3): Sandor Matus 7 - Halldór Orri Hjalta-
son 6, Orri Freyr Hjaltalín 4, Atli Jens Albertsson 4
(46. Þórður Birgisson 5), Kristinn Þór Björnsson 6
- Ármann Pétur Ævarsson 5 (59. Jóhann Þórhalls-
son 6), Hlynur Atli Magnússon 2, Shawn Nicklaw
5 - Sveinn Elías Jónsson 5, Sigurður Marinó
Kristjánsson 5 (46. Jónas Björgvin Sigurbergsson
6), Jóhann Helgi Hannesson 8.
Skot (á mark): 21-6 (13-3) Horn: 6-3
Varin skot: Ingvar 1 - Sandor 9
3-2
Víkingsvöllur
Áhorf: ?
Kristinn
Jakobsson (7)
Mörkin: 0-1 Magnús Már Lúðvíksson (63.), 1-1
Matt Garner (82.), 2-1 Jonathan Glenn (85.), 2-2
Gunnar Gunnarsson (90.+3).
ÍBV (4-3-3): Abel Dhaira 5 - Jökull I Elísabetarson
5, Eiður Aron Sigurbjörnsson 6, Brynjar Gauti
Guðjónsson 6, Matt Garner 6 - Gunnar Þorsteins-
son 5, Arnar Bragi Bergsson 5, Víðir Þorvarðarson
5 - Ian David Jeffs 5 (74., Bjarni Gunnarsson -),
Jonathan Glenn 6, Jón Ingason 4 (74., Atli Fannar
Jónsson -).
VALUR (4-3-3): Fjalar Þorgeirsson 6 - Gunnar
Gunnarsson 6, Magnús Már Lúðvíksson 7*,
Mads Lennart Nielsen 6, Bjarni Ólafur Eiríksson
7 - Haukur Páll Sigurðsson 6, Kristinn Freyr
Sigurðsson 5, Indriði Áki Þorláksson 5 (90., Ragnar
Þór Gunnarsson -) - Kristinn Ingi Halldórsson 5,
Kolbeinn Kárason 4 (58., Iain James Williamson 6),
Sigurður Egill Lárusson 6 (61., Lucas Ohlander 5).
Skot (á mark): 4-13 (3-6) Horn: 8-8
Varin skot: Abel 4 - Fjalar 1
2-2
Hásteinsvöllur
Áhorf: 531
Vilhjálmur
Þórarins. (4)
HEITUR Pape er hér nýbúinn að skora fyrir Víkinga við litla hrifningu Þórsara. Pape
var ánægður með að fá grasleik í Víkinni og var í miklu stuði. FRÉTTABLAÐIÐ/PJETUR
SPORT
HM Í FÓTBOLTA Í BRASILÍU
2 DAGAR Í FYRSTA LEIK
Brasilíumaðurinn Vavá varð fyrstur til að skora í tveimur
úrslitaleikjum þegar hann innsiglaði 3-1 sigur á Tékkum í
úrslitaleik HM í Síle 1962 en Vavá hafði skorað tvö mörk í 5-2
sigri á gestgjöfunum, Svíum, í úrslitaleiknum fjórum árum fyrr.
Pele komst í hópinn þegar hann skoraði í úrslitaleik HM í
Mexíkó 1970, tólf árum eftir að hann skorað tvö mörk í
umræddum sigri á Svíum í úrslitaleik HM 1958. Síðan
hafa tveir bæst við, Vestur-Þjóðverjinn Paul Breitner
(1974 og 1982) og Frakkinn Zinedine Zidane. Zidane
skoraði tvö mörk í 3-0 sigri á Brasilíu í úrslitaleik HM
1998 og eitt mark átta árum síðar.
Vavá, Zidane og Pele eru markahæstu menn úrslita-
leiks HM frá upphafi ásamt Englendingnum Geoff Hurst
sem skoraði öll þrjú mörkin sín í úrslitaleiknum 1966.
FRJÁLSAR Ísland eignaðist tvo
Norðurlandameistara á NM í fjöl-
þrautum unglinga sem fram fór í
Kópavogi um nýliðna helgi.
FH-ingurinn Sveinbjörg Zoph-
oníasdóttir vann í sjöþraut, flokki
yngri en 23 ára, og hlaut alls 5.723
stig sem er bæting um 244 stig.
Blikinn Ingi Rúnar Kristinsson
varð yfirburðameistari í tugþraut
í flokki yngri en 23 ára með 7.156
stig, en besti árangur Inga fram
til þessa var 6.955 stig. Árangur
Inga Rúnars er þriðji besti árang-
ur í tugþraut í flokki 22 ára og
yngri frá upphafi. Aðeins Einar
Daði Lárusson og Örn Clausen
eiga betri árangur í þessum ald-
ursflokki.
Árangur Sveinbjargar er annar
besti árangur í sjöþraut frá upp-
hafi og 155 stigum frá Íslandsmeti
Helgu Margrétar Þorsteinsdóttur
frá 2009. Með sigri sínum sínum
varði hún titil sinn frá þessu móti í
fyrra. Þá hlaut hún 5.212 stig
Yfirburðirnir komu á óvart
„Þetta voru talsverðir yfirburð-
ir hjá mér og nokkuð öruggt eftir
þrjár til fjórar greinar. Ég átti
ekki von á þessum yfirburðum
enda átti ein stelpan skráðan betri
árangur en ég,“ segir Sveinbjörg
sem var eðlilega hæstánægð með
þrautina sína.
Hún vann þrjár greinar af sjö
og varð önnur í öðrum þremur
og bætti sinn árangur í sex af sjö
greinum keppninnar.
„Ég átti ekki von á svona góðum
árangri svona snemma á tíma-
bilinu hjá mér. Ég er samt búin að
æfa rosalega vel og búin að leggja
vel inn fyrir þessum árangri. Þetta
kom mér ekki þannig séð mikið á
óvart en gekk engu að síður vonum
framar. Þetta var algjör drauma-
þraut hjá mér.“
Það var aðeins í hástökki sem
hún bætti ekki sinn besta árangur
í þraut en það dugði henni samt til
sigurs í greininni.
„Ég var ánægðust með grinda-
hlaupið og kúluvarpið hjá mér í
þrautinni. Ég var óánægðust með
800 metra hlaupið hjá mér og hugs-
aði þegar ég kom heim að ég hefði
nú alveg getað hlaupið hraðar.
Maður getur alltaf fundið eitthvað
að þó svo það hafi gengið fáran-
lega vel hjá mér,“ segir Sveinbjörg
og hlær við.
Staðan var reyndar þannig fyrir
800 metra hlaupið að Sveinbjörg
hefði nánast getað hlaupið aftur á
bak og samt unnið þrautina. Slíkir
voru yfirburðirnir hjá henni.
Lyftingarnar breyttu miklu
Þetta var fyrsta mót Sveinbjarg-
ar á keppnistímabilinu og því er
árangurinn vonum framar eins
og hún segir. Hún þakkar þennan
árangur mikilli vinnu.
„Ég hef lyft meira núna en áður
og er sterkari. Það er aðalbreyt-
ingin hjá mér. Ólympísku lyfting-
arnar komu sterkar inn hjá mér
og svo slapp ég alveg við meiðsli
sem hefur einnig mikið að segja.
Við fórum síðan í æfingaferð til
Tenerife þar sem við tókum tutt-
ugu æfingar á tíu dögum. Það er
því búið að vinna vel fyrir þessum
árangri. Svo hefur reynslan líka
sitt að segja. Ég er búin að upplifa
góðar og slæmar þrautir og það
hlaut að koma að draumaþrautinni.
Reynslan skilar sér á endanum,“
segir hin 22 ára gamla Sveinbjörg.
Hugsar sem minnst um metið
Eins og áður segir er Sveinbjörg
nú aðeins 155 stigum frá Íslands-
meti Helgu Margrétar í sjöþraut-
inni.
„Ég reyni að tala sem minnst um
það,“ segir Sveinbjörg og hlær. „Ég
vil ekki setja pressu á sjálfa mig.
Auðvitað horfi ég til þessa mets og
veit hvað ég get. Ég er samt ekkert
að flýta mér enda aðeins 22 ára.
Það kemur þegar það kemur að ég
slái þetta met.“
Það er ýmislegt á döfinni hjá
Sveinbjörg í sumar og þar á meðal
landsliðsverkefni. Stóra mótið
hennar er aftur á móti Evrópubik-
arinn á Madeira sem fer fram eftir
mánuð.
„Ég tek því rólega út þessa viku
og svo hefst undirbúningurinn
fyrir Evrópubikarinn. Ég vil ekki
gefa neitt út um nein markmið á
því móti. Ég ætla að fara út og
markmiðið er fyrst og fremst að
halda áfram að bæta minn besta
árangur.“ henry@frettabladid.is
Þetta var draumaþraut
Sveinbjörg Zophoníasdóttir og Ingi Rúnar Kristinsson urðu Norðurlandameistarar á NM í fj ölþrautum
unglinga. Sveinbjörg náði að verja sinn titil frá því í fyrra og hafði hreint ótrúlega yfi rburði í þrautinni. Hún
bætti sig í sex greinum af sjö og er til alls líkleg í framtíðinni. Hún nálgast Íslandsmet Helgu Margrétar.
AFREKSKONA Sveinbjörg er orðin vön því að fá gull á Norðurlandamóti. Hún er á mikilli uppleið eins og árangur hennar um
helgina sannar. Verður gaman að fylgjast með henni í framhaldinu. FRÉTTABLAÐIÐ/DANÍEL
FORMÚLA 1 Daniel Ricciardo á Red
Bull sigraði í gríðarlega spennandi
kappakstri í Kanada í gær. Nico
Rosberg á Mercedes varð annar og
Sebastian Vettel á Red Bull þriðji.
Ricciardo varð fyrsti ökumaður-
inn sem ekur ekki fyrir Mercedes
til að ná sigri í ár.
Keppnin hófst eins og aðrar á
þessu tímabili, Mercedes öku-
mennirnir byggðu upp forskot
sem enginn virtist geta ógnað. Svo
komu í ljós bilanir í rafkerfi hjá
þeim. Sú bilun leiddi til að Lewis
Hamilton hætti keppni. Rosberg
tókst að keyra í kringum vanda-
málið.
Vandamál Mercedes liðsins hóf-
ust á 37. hring. Vandamálið var það
að kerfið sem aðstoðar við hemlun
og breytir þeirri orku sem mynd-
ast við hemlun í rafmagn til að
knýja bílinn, bilaði og hætti því
að aðstoða við hemlun. Bremsurn-
ar ofhitnuðu í kjölfari. Það nýtti
Ricciardo sér á lokasprettinum og
kom fyrstur í mark.
„Þegar ég var ungur strákur
ímyndaði ég mér oft að ég myndi
standa efstur á palli. Þegar maður
loksins kemst þangað þá er til-
finningin skrítin,“ sagði Ricciardo
brosmildur eftir keppnina.
„Það hljómar samt ótrúlega vel
að heyra að ég sé efstur. Þetta er
frábært en samt svo óraunverulegt
því allt hefur gerst svo hratt hjá
mér.“
Ricciardo kom til Red Bull fyrir
tveimur árum eftir að hafa verið
í tvö ár hjá Toro Rosso. Hann er
fjórði Ástralinn sem nær að sigra
í Formúlu 1.
Rosberg leiðir stigakeppni öku-
manna með 140 stig og Lewis
Hamilton er annar með 118 stig.
Ricciardo er nú kominn upp í
þriðja sætið með 79 stig og Fern-
ando Alonso kemur þar á eftir með
69 stig.
Mercedes er með yfirburðastöðu
í keppni bílasmiða með 258 stig.
Red Bull er með 139 stig og önnur
lið mun minna. - hbg
Skrítin tilfi nning að sigra í keppni
Ástralinn Daniel Ricciardo ók best allra í kanadíska kappakstrinum í gær.
ÁNÆGÐUR Ricciardo fagnaði innilega í
Kanada. FRÉTTABLAÐIÐ/GETTY