Fréttablaðið - 10.06.2014, Blaðsíða 62

10. júní 2014 ÞRIÐJUDAGUR| LÍFIÐ | 34
„Allir eiga rétt á frelsi til ákvarðana
um líf sitt og líkama. Víða eru þó
margir sviptir þessum sjálfsákvörð-
unarrétti og sæta refsingu fyrir að
nýta þann rétt. Í Úganda er fólk
til dæmis sett á bak við lás og slá
fyrir það eitt að elska einstakling
af sama kyni. Í El Salvador er for-
takslaust bann við fóstureyðingum
jafnvel þótt líf konu eða stúlku sé í
húfi eða þungun afleiðing nauðgun-
ar eða sifjaspells. Þetta eru brot á
alþjóðlega viðurkenndum mannrétt-
indum sem kallast kyn- og frjósem-
isréttindi en milljónir sæta slíkum
brotum á hverjum degi,“ segir Ásta
Kristjánsdóttir ljósmyndari sem
opnar ljósmyndasýninguna Minn
líkami, mín réttindi í samvinnu við
Íslandsdeild Amnesty International
á Kexi Hosteli á morgun.
Sýningin er liður í herferð
Amnesty International sem beinir
sjónum að þessum réttindum fólks.
Á sýningunni túlkar Ásta þær til-
finningar sem fólk upplifir þegar
það sætir brotum á þessum rétt-
indum sem lúta að kynferði, líkam-
anum, kynhneigð og frjósemi. Þeir
aðilar sem komu að þessu verkefni
gáfu vinnu sína en í hlutverkum
þolenda voru til dæmis Brynhildur
Guðjónsdóttir, Ólafur Darri Ólafs-
son, Páll Óskar Hjálmtýsson og
Erna Ómarsdóttir. - mm
Þetta eru brot á
alþjóðlega viðurkenndum
mannréttindum sem kallast
kyn- og frjósemisréttindi
en milljónir sæta slíkum
brotum á hverjum degi.
„Það er frábært samstarf í gangi
hjá okkur, við erum að semja
saman tónlist og texta,“ segir
Eyþór Ingi Gunnlaugsson, einn
söngvara hljómsveitarinnar
Todmobile. Sveitin á nú í sam-
starfi við tónlistargoðsögnina
Jon And erson. Anderson og Tod-
mobile semja nú tónlist fyrir
væntan lega plötu Todmobile.
„Samstarfi ð er í raun bara fram-
hald af þessum tónleikum sem
við spiluðum á saman í fyrra í
Hörpu. Það gekk svo vel að Jon
fékk mikinn áhuga á frekara
samstarfi ,“ bætir Eyþór Ingi við.
Þorvaldur Bjarni og Jon Ander-
son sömdu saman lagið Wings
of Heaven sem var frumfl utt á
tónleikunum. Jon Anderson er
eins og fl estir vita þekktastur
fyrir að hafa verið söngvari
progg sveitarinnar Yes. Hann er
þó ekki staddur hér á landi með
sveitinni. „Samskiptin fara fram
í gegnum netið og símann.“
Anderson syngur lag á væntan-
legri plötu sveitarinnar og þá
er hann einnig að semja enska
texta. „Hann er meðal annars
að semja enskan texta við lagið
Hafmey, sem kom út á síðustu
plötu, 7,“ bætir Eyþór Ingi við.
Hann segist sjálfur vera mikill
aðdáandi Jons Anderson. „Þetta
er náttúrulega bara frábært. Það
var algjörlega mögnuð upplifun
að stíga á stokk með kallinum á
síðasta ári,“ segir Eyþór Ingi.
Tónleikar Todmobile og Jons
Anderson voru teknir upp og
nú á að gefa þá út á DVD í
Bandaríkjunum. „Þetta er DVD-
diskur sem inniheldur samstarf
hans við sinfóníuhljómsveitir
víðs vegar um heiminn og svo
eru tónleikarnir okkar líka á dis-
knum,“ bætir Eyþór Ingi við. - glp
Goðsögn semur
með Todmobile
Jon Anderson, söngvari Yes, á nú í samstarfi við Tod-
mobile og semur bæði tónlist og texta. Hann syngur
meðal annars lag á væntanlegri plötu sveitarinnar.
SAMSTARF Hljómsveitin Todmobile og Jon Anderson vinna saman að næstu plötu
Todmobile. FRÉTTABLAÐIÐ/DANÍEL
Afh júpandi ljósmyndasýning
Ásta Kristjánsdóttir opnar sýningu í samstarfi við Amnesty International.
MÖGNUÐ MYND Erna Ómarsdóttir í
hlutverki þolanda. MYND/ÁSTA KRISTJÁNSDÓTTIR
„Ég er fastagestur á Snaps Bistro
á Þórsgötu. Frábært starfsfólk og
ljúffengur matur!“
Íris Hrund tónlistarkona
BESTI BITINN
„Ég hef ekki fagnað jafn mikið
og síðan Liverpool vann Meist-
aradeild Evrópu árið 2005,“ segir
Arnór Björnsson en hann og Óli
Gunnar Gunnarsson hlutu tvær
tilnefningar Grímuverðlaunanna,
íslensku sviðslistaverðlaunanna,
á dögunum. Þeir eru höfundar
verksins Unglingurinn sem er til-
nefnt sem barnasýning ársins en
verkið var sýnt í Gaflaraleikhús-
inu. Þá hlutu þeir Arnór og Óli til-
nefningu sem sproti ársins.
„Þetta er svakalega skrítið, upp-
runalega þegar við vorum að
skrifa leikritið, hugsuðum við að
það væri frábært að ná kannski
átta sýningum en við höfum núna
sýnt yfir fjörutíu sýningar,“ bætir
Arnór við.
Arnór er fimmtán ára gamall og
Óli Gunnar er fjórtán ára og þeir
eru miklir vinir.
„Við erum geggjað teymi, erum
góðir vinir og hugsum dálítið eins
og skiljum hvor annan vel.“
Áður en þeir skrifuðu Ungling-
inn höfðu þeir skrifað dagskrá
og kynnt sýningu fyrir Listdans-
skóla Hafnarfjarðar og komust þá
að því að þeir náðu vel saman. Þeir
hafa undanfarna daga verið í útrás
með verkið og eru staddir í Noregi
þessa dagana.
„Við erum á smá túr um Noreg
núna og sýnum í Bergen, Stav-
anger, Kristiansand og Ósló. Það
gengur rosalega vel,“ bætir Arnór
við.
Fyrir utan leikritasmíðina eru þeir
báðir miklir knattspyrnukappar.
„Eftir Noreg förum við með fót-
boltanum til Portúgals í æfinga-
búðir en við æfum báðir með FH.“
Arnór segir samvinnu þeirra á fót-
boltavellinum vera nokkuð svipaða
og í leiklistargeiranum.
„Ég er miðvörður og Óli er miðju-
maður, hann er því aðeins villtari
og djarfari eins og gerist í bolt-
anum. Ég er passívari, eins og við
varnarmennirnir erum. Þá þurf-
um við oft að aðstoða miðjumenn-
ina ef þeir verða of villtir og lenda
í vanda, þannig vinnum við saman
á vellinum og í leiklistinni,“ segir
Arnór léttur í lundu.
Þeir ætla að sjálfsögðu báðir að
vera viðstaddir Grímuna. „Við
mætum klárlega á Grímuna og
hlökkum mikið til.“
gunnarleo@frettabladid.is
Geggjað teymi tilnefnt
til Grímuverðlauna
Arnór Björnsson og Óli Gunnar Gunnarsson hlutu tvær tilnefningar til Grímu-
verðlaunanna fyrir verkið Unglingurinn. Þeir bjuggust ekki við þessari velgengni.
Á TÚR Arnór og Óli eru nú á ferðalagi um Noreg með sýninguna. MYND/ÚR EINKASAFNI
Þetta er svakalega
skrítið, upprunalega þegar
við vorum að skrifa leik-
ritið, hugsuðum við að það
væri frábært að ná
kannski átta sýningum en
við höfum núna sýnt yfir
fjörutíu sýningar.
Arnór Björnsson
Hafðu samband og láttu
sérfræðinga okkar aðstoða þig
Hringhellu 2
221 Hafnarfjörður
Hrísmýri 8
800 Selfoss
Malarhöfða 10
110 Reykjavík
Berghólabraut 9
230 Reykjanesbær
Sími 4 400 400
www.steypustodin.is
Steypustöðin býður upp á mikið úrval af
fallegum hellum og mynstursteypu fyrir
heimili, garða, göngustíga og bílaplön. 20
YFIR
TEGUNDIR AF HELLUM
Allar hellur Steypustöðvarinnar eru framleiddar
samkvæmt viðurkenndum stöðlum.