Fréttablaðið - 11.06.2014, Blaðsíða 46
11. júní 2014 MIÐVIKUDAGUR| LÍFIÐ | 34
„Íslenskt vatn, það er svo ferskt og
svalandi.“
Nína Dögg Filippusdóttir leikkona
SUMARDRYKKURINN
„Við erum að kanna sannleiks-
gildi Íslendingasagnanna. Við
tökum fyrir Njálu og ég ákvað
að fá hann til að prófa hvort það
sé mögulegt að Gunnar á Hlíðar-
enda hafi hoppað hæð sína í loft
upp og svo framvegis,“ segir leik-
arinn Guðjón Davíð Karlsson, oft-
ast kallaður Gói. Hann er þáttar-
stjórnandi Stundarinnar okkar og
fékk kraftajötuninn Hafþór Júl-
íus Björnsson til að leika Gunnar
á Hlíðarenda.
Stundin okkar er í tökum núna
og fer nýja þáttaröðin í loftið næsta
vetur.
„Fjöldi leikara kemur fram í
þessari nýju þáttaröð. Það er mikil
spenna og eftirvænting í loftinu,“
segir Gói en hann vill lítið segja
um hverjir aðrir leggja hönd á plóg
í barnaþættinum.
„Það er hernaðarleyndarmál
enn sem komið er. En þetta verð-
ur eitthvað,“ segir Gói. Heimildir
Fréttablaðsins herma að leikararn-
ir Jóhann Sigurðarson, Ilmur Krist-
jánsdóttir, Halldóra Geirharðs-
dóttir og Sigrún Edda Björnsdóttir
komi við sögu í þáttunum. - lkg
Hafþór Júlíus í Stundinni okkar
Leikur Gunnar á Hlíðarenda í barnaþáttunum sem fara í loft ið næsta vetur.
GÓI OG FJALLIÐ Vel fór á með þeim
Góa og Hafþóri Júlíusi á setti.
MYND/ÚR EINKASAFNI
➜ Hafþór Júlíus hefur vakið
heimsathygli fyrir hlutverk
sitt sem Sir Gregor Clegane,
eða Fjallið, í sjónvarpsþáttun-
um Game of Thrones. Vakti
hrottafengin slagsmálasena
sem sýnd var fyrir stuttu sér-
staka athygli þar sem Fjallið
barðist við Oberyn prins, betur
þekktan sem The Viper.
„Þetta var æðislega gaman að sýna
myndina í fyrsta sinn fyrir almenn-
ing. Ég var pínu stressuð yfir við-
brögðunum en þetta gekk upp,“
segir kvikmyndagerðarkonan Yrsa
Roca Fannberg sem hlaut áhorf-
endaverðlaun Skjaldborgar fyrir
mynd sína Salóme.
Myndin er frumraun Yrsu og
fjallar um samband hennar við
móður sína, Salóme Fannberg
veflistakonu. Myndin hefur verið
fjögur ár í bígerð en Yrsa byrj-
aði á henni er hún stundaði nám í
heimildarmyndagerð á Spáni. „Mig
langaði að gera mynd um mömmu,
manneskjuna á bak við listina. Hún
byrjaði aftur að vefa á sama tíma
og upptökur hófust, eftir 20 ára hlé,
en myndin þróaðist síðan út í mynd
um okkar samband,“ segir Yrsa
sem var sjö mánuði í tökum. „Ég
leigði íbúðina fyrir ofan mömmu
og tökuferlið fór þannig fram að ég
mætti niður til hennar á náttfötun-
um klukkan sjö á hverjum morgni.
Mamma fékk sérsýningu á mynd-
inni og ég held að hún hafi verið
nokkuð sátt.“
Myndin er framleidd af Skark-
ala, sem er fyrirtæki Yrsu og Helgu
Rakelar Rafnsdóttur, sem einnig á
stóran þátt í myndinni ásamt fleir-
um sem lögðu hönd á plóg við gerð
myndarinnar. Yrsa segir verðlaun-
in hafi komið sér á óvart og að hún
voni að myndin fái áframhaldandi
líf í kjölfarið. „Mig langar að sýna
hana í Reykjavík. Næst á dagskrá
er að gera stuttmynd, eitthvað sem
er á mörkum myndlistar og heim-
ildarmyndar.“ Hægt er að fræðast
um Yrsu og hennar verk á vefsíðun-
um Yrsarocafannberg.net og Yrsa-
rocafannberg.info. - áp
Myndaði samband sitt við móðurina
Yrsa Roca Fannberg hlaut áhorfendaverðlaun Skjaldborgar fyrir myndina Salóme.
ÁNÆGÐAR Þær Yrsa Roca Fannberg
og Helga Rakel Rafnsdóttir voru sáttar
með áhorfendaverðlaunin.
„Ég er að búa mér til skemmtileg-
asta verkefni sem ég gæti mögu-
lega búið mér til, ég er bíladellu-
kall og hef gengið með þessa
hugmynd í um tólf ár,“ segir leik-
arinn Gunnar Hansson en hann
er höfundur og leikstýrir nýrri
íslenskri kvikmynd ásamt Davíð
Óskari Ólafssyni. Myndin ber tit-
ilinn Bakk. Ásamt því að leikstýra
myndinni leikur Gunnar einnig eitt
aðalhlutverkanna en auk hans leika
Víkingur Kristjánsson og Saga
Garðarsdóttir einnig í myndinni.
„Eins og ég segi þá hef ég gengið
með þessa hugmynd í um tólf ár
en þetta fór svo á flug þegar Davíð
Óskar og Árni Filippusson hjá
Mystery komu inn í þetta, þá fór
þetta að gerast,“ bætir Gunnar við.
Framleiðslufyrirtækið Myst ery
hefur unnið að gerð fjölda vinsælla
kvikmynda og má nefna Málm-
haus, Sveitabrúðkaup og Á annan
veg, svo nokkrar séu nefndar.
Myndin, sem er gamanmynd,
fer í tökur í ágústmánuði og fara
tökur fram víðs vegar um land-
ið. „Myndin fjallar um tvo æsku-
vini sem ákveða að bakka hring-
inn í kringum landið. Að keyra
aftur á bak á fimmtán til tuttugu
kílómetra hraða er ekki alveg það
auðveldasta en við erum að fara að
gera þetta,“ segir Davíð Óskar.
Þetta er þó ekki í fyrsta sinn
sem einhverjum dettur í hug að
bakka hringinn í kringum landið.
„Árið 1981 bakkaði Hallgrímur
Marinósson hringinn í kringum
landið, þetta var fyrsta landssöfn-
un einstaklings fyrir góðan mál-
stað, hann gerði þetta einn í ævin-
týramennsku. Helsti munurinn á
honum og persónum myndarinnar
er að þær fara vanhugsað út í þetta
og lenda í veseni. Hallgrímur var
aftur á móti betur undirbúinn og
notaði meðal annars stóra spegla,“
útskýrir Gunnar.
Ekki liggur fyrir hvernig bíll
verður notaður í myndinni en það
verður að minnsta kosti mikið álag
á honum. „Við erum enn að velta
þessu fyrir okkur, bíllinn leikur
allavega stórt hlutverk,“ bætir
Gunnar við.
Gert er ráð fyrir að myndin
verði tilbúin á næsta ári, í kring-
um páskaleytið.
gunnarleo@frettabladid.is
Bakka hringveginn
Ný íslensk gamanmynd er væntanleg en hún ber nafnið Bakk. Í myndinni bakka
aðalleikarar myndarinnar hringinn í kringum landið og lenda í ýmsu.
BAKKARI Gunnar
Hansson er
höfund ur kvik-
myndarinnar
BAKK en hann
leikstýrir myndinni
og leikur einnig
eitt aðalhlutverkið.
FRÉTTABLAÐIÐ/STEFÁN
Að keyra
aftur á bak á
fimmtán til
tuttugu
kílómetra
hraða er ekki
alveg það
auðveldasta en við erum
að fara að gera þetta.
Davíð Óskar Ólafsson