Fréttablaðið - 24.07.2014, Síða 2

24. júlí 2014 FIMMTUDAGUR| FRÉTTIR | 2
Bjarki, ertu þá upptekinn?
„Ja, ég er alveg heltekinn af við-
fangsefninu. Svo er ég kominn með
svo mikið af gögnum að ég fer að
verða gagntekinn.“
Bjarki Sveinbjörnsson, forstöðumaður
Tónlistarsafns Íslands, hefur tekið upp um
hundrað viðtöl fyrir safnið.
SPURNING DAGSINS
Smiðjuvegi 2, Kóp - S. 554 0400
3 brennarar úr ryðfríu stáli
Opið laugardaga til kl. 16
SVEITARSTJÓRNARMÁL Valdimar
Lúðvík Gíslason, sem vann
skemmdarverk á friðuðu húsi
á Bolungarvík fyrir skemmstu,
hefur sagt sig úr velferðarráði
Bolungarvíkurkaupstaðar.
Uppsagnarbréf Valdimars var
lagt fyrir á bæjarráðsfundi í
fyrradag. Hann vildi engu svara
þegar Fréttablaðið spurði hvort
hann hefði orðið fyrir þrýstingi
um að segja sig úr ráðinu eða
hverju úrsögn hans sætti. Valdi-
mar hefur sagst hafa skemmt
húsið til að sporna við slysum
sem ástand þess gæti valdið.
- jse
Niðurrifsmaður fyrir vestan:
Sagði sig frá
trúnaðarstarfi
ÞÝSKALAND Nefnd þýska þingsins
sem rannsaka á hleranir banda-
rísku þjóðaröryggisstofnunar-
innar á farsíma Angelu Merkel
kanslara hefur nú fengið ritvél-
ar til umráða. Þær á að nota við
ritun mikilvægra yfirheyrslu-
gagna til þess að koma í veg fyrir
að þau fari á netið.
Þýskur framleiðandi hergagna
hefur notað ritvélar frá því í
fyrra við ritun tilboða og annars
viðkvæms efnis.
Fyrirtækið Bandermann fram-
leiðir nú um 10 þúsund ritvélar á
ári, þriðjungi fleiri en áður.
- ibs
Þýskur krókur á móti bragði:
Ritvélar gegn
netnjósnurum
FERÐAÞJÓNUSTA Tjaldsvæði í Eyjafirði, Þingeyjar-
sýslum og austanlands eru þéttsetin ferðamönn-
um. Ferðaþjónustuaðilar á svæðunum tala um
sprengingu á þessum tíma og hafa á sumum svæð-
um ekki tekið við eins miklum fjölda fólks í yfir
áratug.
Fréttablaðið fór á stúfana og heyrði í umsjónar-
mönnum tjaldsvæða frá Eyjafirði og allt austur á
Egilsstaði. Þeir höfðu allir sömu söguna að segja.
Veðurblíðan sem nú ríkir á norðausturhorninu
hefur haft það í för með sér að tjaldsvæðin eru
mjög mikið notuð. Samtals gistu rúmlega tíu þús-
und á tjaldsvæðunum í fyrrinótt sem verður að
teljast nokkuð gott.
Í Vaglaskógi var tjaldað nokkuð þétt og töldu
umsjónarmenn um 600 gesti hafa gist þar í fyrri-
nótt. Voru umsjónarmenn sammála um að þessi
fjöldi hefði ekki sést í skóginum í háa herrans tíð.
Um þúsund manns voru í Ásbyrgi þegar frétta-
maður náði tali af umsjónarmönnum þar í þjóð-
garðinum. Fregnir hafa borist af því að ferðamenn
hafi þurft frá að hverfa vegna þess að ekki hafi
verið hægt að finna þeim stæði á tjaldsvæðinu.
Um fimmtán hundruð manns voru til að mynda
á tjaldsvæði Eyjafjarðarsveitar í Hrafnagili.
Veðrið hefur verið mjög gott á þessum slóðum
síðustu daga og flykkjast ferðamenn norður í leit
að sumrinu. - sa
Tjaldsvæði á norðaustanverðu landinu fyllast af ferðamönnum í leit að íslensku sumarblíðunni:
Þúsundir á tjaldsvæðum norðaustanlands
ÍÞRÓTTIR „Ég er kominn hingað til
að sjá hvernig aðrir leikmenn spila
og til að bæta minn eigin leik,“
segir hinn fimmtán ára Jahvan
Davidson Miller sem er kominn
hingað til lands til að spila fyrir
hönd Derby County á Rey Cup-
mótinu í Laugardal.
„Ég held að þetta sé frábær
reynsla fyrir okkur alla. Þetta
gefur okkur góða mynd af menn-
ingu annarra þjóða, ekki bara í fót-
bolta,“ bætir hann við.
Þetta er í
þrettánda sinn
sem Rey Cup-
mótið er haldið
og er það stærra
í sniðum en áður.
Jahvan er einn
af 270 erlendum
gestum á mótinu
en alls munu
1.300 börn og
unglingar spila
um sjálfan Rey-
bika r i n n um
helgina.
„Ég hlakka
mjög mikið til.
Ég vil bara sjá
hvernig a l l ir
aðrir spila og
hverju ég get
breytt . Þetta
hjálpar mér að
ná mínum markmiðum og verða
eins góður og mögulegt er,“ segir
Jahvan.
Erlendu leikmennirnir eru frá
tólf ára aldri. Hinn þrettán ára
Rasmus Videgre, sem spilar með
Brondby IF í Kaupmannahöfn, er
ánægður með fyrstu ferðina sína
hingað til lands.
„Það er ótrúlegt hvernig veðr-
ið breytist hér og náttúran ykkar
er falleg,“ segir Rasmus. Hann er
mjög metnaðarfullur fyrir fram-
tíð sinni í fótboltanum og stefnir á
atvinnumennsku þegar unglings-
árunum lýkur. Hann segist hafa
háleit markmið fyrir mótið um
helgina. „Ég er kominn hingað til
að sigra.“
Alls eru um áttatíu lið skráð
til keppni í ár og gistir stór hluti
þeirra í skólabyggingum nærri
Laugardalnum. Mótið var sett með
skrúðgöngu og húllumhæi í gær-
kvöldi en alvaran tekur við í dag.
Hingað til lands eru komnir
erlendir útsendarar til að fylgjast
með keppendum spila í von um að
finna hæfileikaríka en óuppgötv-
aða leikmenn. Það má því búast
við að leikmenn muni reima á sig
sparitakkaskóna áður en haldið er
út á völlinn.
Lokahóf mótsins verður haldið
með pompi og prakt á laugardags-
kvöld með dansleik á Nordica hotel
við Suðurlandsbraut. Úrslitaleikir
mótsins verða leiknir á sunnudag.
Á meðan á mótinu stendur verð-
ur þátttakendum boðið ókeypis í
Laugardalslaug en þar mun fara
fram sundlaugapartí í kvöld.
Það viðrar vel til fótboltaiðk-
unar um helgina þótt búast megi
við rigningu á föstudag. Aðra daga
verður þurrt, hlýtt og hægur vind-
ur. snaeros@frettabladid.is
Komnir til að sigra
Fótboltamótið Rey Cup 2014 var sett í Laugardalnum í gærkvöldi. 1.300 börn og
unglingar munu keppa um helgina og þar af hátt í 270 ungmenni frá nágranna-
löndum okkar. Erlendir útsendarar munu fylgjast með efnilegum leikmönnum.
NEYTENDAMÁL Hvorki eigandi Bæjarins bestu né
þekktasti pylsusalinn þeirra hafa orðið varir við
kvartanir frá fólki í sumar, eftir að SS pylsur
hófu að blanda dönsku nautakjöti í pylsurnar.
„Við vissum af þessu. Það er dálítið síðan það
var farið að blanda þessu í pylsurnar og við
heyrðum af þessu í vor,“ segir Guðrún Krist-
mundsdóttir, eigandi Bæjarins bestu. Fáir
Íslendingar, ef nokkrir, selja jafnmargar pyls-
ur og hún. „Við verðum bara að sætta okkur við
að það vantar nautakjöt á markaðinn á Íslandi,“
segir Guðrún og bætir við að enginn hafi kvart-
að.
María Einarsdóttir, pylsusali á Bæjarins bestu,
tekur í sama streng. Hún bendir á að uppistaðan í
pylsunum sé lambakjöt en svo sé smá nautakjöt
og svínafita. „Ég held að það hafi enginn haft
hugmynd um þetta. Útlendingar eru æstir í þetta
og koma þarna unnvörpum,“ segir María. Hún
heldur að enginn hafi orðið var við nautakjötið
fram að þessu. „Það hefur í það minnsta enginn
haft orð á því við mig.“ - jhh
Unnendur SS pylsa gera ekki athugasemdir við breytingar á vörunni:
Vita ekki af danska kjötinu
BÆJARINS BESTU Eigandinn segir viðskiptavini ekki finna fyrir
breytingum. FRÉTTABLAÐIÐ/STEFÁN
KAMPAKÁTIR KEPPENDUR Þessir unglingspiltar frá Derby voru að koma sér fyrir
þegar blaðamann og ljósmyndara Fréttablaðsins bar að garði. Fyrsta íslenska liðið
sem þeir mæta er Þróttur í þriðja flokki karla. FRÉTTABLAÐIÐ/ARNÞÓR
RASMUS FRÁ
BRONDBY
JAHVAN FRÁ
DERBY
ÁSBYRGI Um þúsund manns gistu í Ásbyrgi
í fyrrinótt og var tjaldsvæðið þétt skipað.
VENESÚELA Lilian Tintori, eiginkona venesúelska stjórnmálamannsins
Leopoldo López, steytti hnefann við hlið pappaspjalds af honum í
mótmælum í höfuðborginni Karakas á miðvikudag. Réttarhöld yfir
Leopoldo hófust á sama tíma en hann er sakaður um að hvetja til
ofbeldis og um eignaspjöll í mótmælaöldu sem geisað hefur í landinu
allt þetta ár. Leopoldo er hagfræðimenntaður frá Harvard-háskóla í
Bandaríkjunum og hefur verið helsti leiðtogi uppreisnarinnar gegn
stjórnvöldum. Hann á yfir höfði sér allt að tíu ára fangelsi verði hann
fundinn sekur.
Lilian hefur sjálf haldið mótmælunum áfram í fjarveru eiginmanns
síns og hefur meðal annars skrifað um réttarhöldin og handtökuna
í Washington Post. Hún segir að hann hafi ætlað sér að fara í fram-
boð til borgarstjóra Karakas árið 2008 en fengið á sig ólöglegt bann.
Jafnframt hafi skoðanakönnun sýnt hann með meiri stuðning en Hugo
Chávez, fyrrverandi forseta Venesúela, sem lést árið 2013. - ssb
Mótmæli í Venesúela eru nú daglegt brauð:
Eiginmaðurinn mótmælti á pappa
BARÁTTUNNI
EKKI LOKIÐ
Mikil mótmæli
hafa geisað í
Venesúela á
þessu ári. Lilian
Tintori lætur
engan bilbug á
sér finna þrátt
fyrir að eigin-
maður hennar
hafi setið í
fangelsi frá því í
janúar. NORDIC-
PHOTOS/AFP
270
erlendir gestir eru meðal
1.300 unglinga sem taka
þátt í Rey Cup í þetta sinn.