Fréttablaðið - 07.08.2014, Blaðsíða 44

7. ágúst 2014 FIMMTUDAGUR| LÍFIÐ | 36
KYNLÍF TAKTU ÞÁTT!
Sendu Siggu Dögg póst og
segðu henni frá vandamáli
úr bólinu. Lausnin gæti
birst í Fréttablaðinu.
kynlif@frettabladid.is
Ég sá ótrúlega áhugaverða heim-
ildarmynd um intersex í boði
Hinsegin daga. Myndin heitir
Intersexion og rekur sögu nokk-
urra intersex-einstaklinga, bæði
persónulega og læknisfræðilega.
Hjartað mitt kramdist oft og
mörgum sinnum er einstaklingar
greindu frá alls konar tilrauna-
starfsemi skurðlækna og útskúf-
un samfélagsins. Foreldrarnir
treystu og trúðu læknunum sem
horfðu á gullfallegt nýfætt barn
en í stað þess að sjá kraftaverk,
fullkomnun og fegurð, sáu bara
eitthvað sem þurfti að laga. Eitt-
hvað var öðruvísi en þeirra lækn-
isfræðilega fyrirfram skilgreinda
mót.
Barn með „óþægileg“ kynfæri
er best að skera, teygja, sauma,
dæla í hormónum og lyfjum, segja
foreldrunum hvernig skuli ala það
upp og gera barnið svo að ævilöng-
um spítalagesti. Kynfærin voru
endurhönnuð til að falla í „eðlilegt“
mót. Annað gæti verið hættulegt,
jafnvel leitt af sér stríðni, eða það
sem ekki má segja og er með öllu
óhugsandi, kynlífsleysi því enginn
vill stunda kynlíf með ljótum hálf-
kláruðum kynfærum.
Ég steingleymdi að segja þér
hvað intersex er. Einstaklingar
sem fæðast með kynfæri sem eru
tvíræð í útliti teljast sem intersex.
En það er ekki alveg svo auðvelt því
kynfærin geta litið „venjulega“ út
utan á en eru það mögulega ekki
að innan. Það kemur þá ekki í ljós
fyrr en um kynþroska þegar hann
lætur á sér standa eða seinna þegar
fólki gengur erfiðlega að geta barn.
Það er áætlað að um 1,7% einstak-
linga séu intersex en aðeins brot af
þeim einstaklingum sé með tvíræð
kynfæri og því eru margir inter-
sex án þess að vita af því. Færustu
sérfræðingar og heilbrigðissam-
tök hvetja foreldra til þess að láta
ekki barnið undir skurðarhnífinn
heldur bíða og sjá hvað barnið vill
gera þegar það hefur aldur og vit
til. Sumir vilja láta breyta kynfær-
unum og aðrir láta þau ósnert. Hér
gildir val.
Það var svo augljóst í heimildar-
myndinni að við þurfum að átta
okkur á fjölbreytileika mannslík-
amans og hætta að halda að kynlífi
snúi að samförum lims og legganga.
Kynlíf snýst um unað og þar er
stærð kynfæranna ekki lykilatriði
heldur einstaklingurinn og hversu
vel honum líður í eigin skinni.
Í kynfæramyndatökunni hjá
mér um daginn töluðu margir
þátttakendur um kynfæraskömm.
Hversu erfitt það var að vera á
einhvern hátt öðru vísi. Það er svo
merkilegt að við skulum flokka
eitthvað sem öðru vísi þegar það
er ekki til neitt viðmið, það er ekki
til nein fullkomnun nema fjöl-
breytileikinn. Það er mikilvægt að
við förum að átta okkur á því. Við
erum einstaklingar en ekki klofið
á okkur. Klof mitt segir hvorki til
um hver uppáhaldsliturinn minn
sé né hvernig kynlíf ég stunda.
Nýlega voru stofnuð intersex-
samtök á Íslandi, sem betur fer.
Nú er nefnilega komið nóg og við
skulum segja stopp við tilrauna-
starfsemi. Við ætlum að fagna
fjölbreytileikanum og hvert öðru.
Gleðilega Hinsegin daga.
Það eru margir intersex án þess að hafa hugmynd um það
69.900
FULLT VERÐ 99.9
00
59.900
FULLT VERÐ 89.9
00
„Það voru leigð hjá okkur 160 tjöld samanlagt af
3 týpum sem gera um 700 einstaklinga í gistingu
hjá okkur. Það var því gífurleg ábyrgð á okkar
herðum og óþægilegt að vera svona máttvana
gagnvart veðurguðunum og geta lítið annað gert
en að takmarka óþægindi hvers og eins gests,“
segir Ernir Skorri Pétursson, annar af eigendum
Rentatent.is en mikið var að gera hjá liðsmönnum
fyrirtækisins á Þjóðhátíð í Vestmannaeyjum um
helgina.
Mikill vindur sett svip sinn á hátíðina aðfara-
nótt mánudags og mældist hann 28 metrar á sek-
úndu í verstu hviðum og blés fram undir hádegi á
mánudag. Stór hluti allra tjalda í Eyjum eyðilagð-
ist og sömu sögu var að segja um tjöldin á Renta-
tent-svæðinu. „Þetta var vissulega mjög erfitt um
tíma aðfaranótt mánudags og fram undir morgun
en heilt yfir gekk þetta mjög vel. Allt okkar starfs-
fólk var að nánast alla nóttina að hæla niður og
hlúa að tjöldum og búnaði í vindinum, það gekk
ágætlega framan af en svo þegar að vindurinn tók
að aukast þegar leið á nóttina var þetta orðið erf-
itt og tjöld og annað fór að fjúka. Maður sá alveg
glitta í fljúgandi tjöld í heilu lagi í Herjólfsdaln-
um,“ útskýrir Ernir Skorri.
Er hægt að undirbúa sig fyrir svona aðstæður?
„Við gerðum í raun ráð fyrir að þetta gæti gerst
og vorum með viðbragðsáætlun klára. Um leið og
við sáum hvað í stefndi báðum við um að íþrótta-
húsið yrði opnað en við vorum með nokkur hund-
ruð dýnur umfram þær sem hægt var að leigja til
að tækla aðstæður sem þessar. Við sendum strax
hluta af okkar fólki í íþróttahúsið að blása þær
upp og taka á móti okkar gestum. Við vorum einn-
ig með aukalega 45 tjöld á staðnum til að skipta út
fyrir þau sem gáfu sig ef aðstæður hefðu leyft.“
Viðskiptavinir Rentatent.is tóku óveðrinu með
jafnaðargeði og illa leiknir Þjóðhátíðargestir
voru ánægðir með að fá þak yfir höfuðið í íþrótta-
húsi ÍBV. „Það gerðu sér allir grein fyrir því að
þetta voru óviðráðanlegar aðstæður og við fund-
um fyrir miklu þakklæti fyrir að gera allt sem
í okkar valdi stóð.“ Spurður út í hvort eyðilegg-
ing á mörgum tjöldum hafi áhrif á framhaldið hjá
þeim félögum segir hann: „Þetta er auðvitað mjög
mikið tjón en við munum yfirstíga þetta eins og
allt annað. Ég er enn að vinna í því að koma óskil-
amunum okkar fólks til síns heima og stefni á að
fara fyrir búnaðinn og stöðuna í næstu viku.“
gunnarleo@frettabladid.is
Tjöld tókust á loft
Ernir Skorri Pétursson og félagar hans hjá Rentatent höfðu í nógu að
snúast í rokinu sem skall á aðfaranótt mánudags á Þjóðhátíð í Eyjum.
Fjöldi tjalda eyðilagðist og mikið gekk á.
Þetta er auðvitað mjög mikið tjón en við
munum yfirstíga þetta eins og allt annað. Ég er enn að vinna
í því að koma óskilamunum okkar fólks til síns heima og stefni
á að fara fyrir búnaðinn og stöðuna í næstu viku.
FYRIR ROKIÐ Svona leit hluti tjaldsvæðis Rentatent út áður en vindurinn tók að aukast.
MYND/EINKASAFN
NÓG AÐ GERA Hér sjáum við hvernig hluti svæðisins leit út þegar leið á aðfaranótt mánudags. Í ROKINU Starfmenn Rentatent höfðu í nógu að snúast þegar rokið skall á.