Fréttablaðið - 08.08.2014, Qupperneq 2

8. ágúst 2014 FÖSTUDAGUR| FRÉTTIR | 2
MANNLÍF „Systir mín fékk hláturs-
kast þegar ég sagði henni hvert ég
væri að fara að flytja,“ segir Sólveig
Ólafsdóttir, staðarhaldari í Ólafsdal
í Gilsfirði við Breiðafjörð. „Henni
fannst þetta hinn besti brandari
en svo runnu á hana tvær grímur
þegar ég sagði henni að þetta væri
ekkert gamanmál.“
Þannig segir hún frá því þegar
hún gerði heyrinkunnugt að hún
ætlaði að eyða
sumrinu sem eini
íbúinn í Ólafsdal,
utan alfaraleið-
ar þar sem brúin
leiðir umferð
þvert yfir Gils-
fjörðinn og trygg-
ir ró inni í firðin-
um.
Það hefur líka
sína kosti fyrir staðarhaldarann
sem tekur á móti gestum í sögu-
frægu húsinu þar í dalnum. „Þetta
verður til þess að hingað kemur
skemmtilegasta fólkið. Fólk sem
leggur það á sig að beygja inn fjörð-
inn. Það er virkilega komið til þess
að fanga sögu og fegurð staðarins.“
Hún segist því hafa kynnst urmul af
hinu skemmtilegasta fólki og eflaust
mun fleira en margir þeirra sem
sækja samkundur og mannfagnaði
af krafti í þéttbýlinu.
„Verslunarmannahelgin var veru-
lega góð en þá komu um hundrað
manns,“ segir hún. En svo koma
dagar þegar fáir banka upp á í
Ólafsdal. Hvað gerir einbúinn þá?
„Það vill nú þannig til að þá er alveg
nóg að gera hjá mér við annað,“
svarar hún enda nóg umstang hjá
henni, ekki síst nú þegar hin árlega
Ólafsdalshátíð er fram undan. Sól-
veig segist hafa kynnst Ólafsdals-
félaginu í námi sínu í Landbúnað-
arháskólanum á Hvanneyri og í
framhaldinu var henni bent á að
staðan væri laus sem hún gegnir nú.
Hún segist una sér vel ein undir
fjallasal og að það eigi greinilega
vel við Reykjavíkurmeyna að búa í
sveit. Hún segir að sér leiðist aldrei
því þegar erill vegna gesta og kynn-
ingarstarfa gefur henni frí getur
hún gleymt sér í fegurð dalsins og
við söguna sem syngur úr hverju
skoti á bænum og hverri þúfu þar
fyrir utan. jse@frettabladid.is
Ungi einbúinn ber
sig vel í eyðidalnum
Eini íbúinn í Ólafsdal í Gilsfirði við Breiðafjörð er enginn afdalabóndi heldur
ung Reykjavíkurmær sem unir hag sínum vel. Fjarri alfaraleið hefur hún kynnst
ógrynni af skemmtilegu fólki. Hún býr í skólahúsi fyrsta bændaskóla landsins.
EIN Í SÖGUFRÆGU HÚSI Það væsir ekkert um eina íbúann í dalnum í þessu sögu-
fræga húsi. Þetta er gamla skólahúsið þar sem lærisveinar mikils frumkvöðuls sátu á
skólabekk. MYND/SÓLVEIG ÓLAFSDÓTTIR
SÓLVEIG
ÓLAFSDÓTTIR
Í dalnum var stofnaður fyrsti bændaskóli landsins árið 1880 og starfaði
hann til 1907. Það var hugsjónamaðurinn Torfi Bjarnason sem það gerði
en hann hafði gríðarleg áhrif á athafna- og menningarlíf landans.
Þar var einnig vísir að kvennaskóla.
Margar byggingar voru í dalnum, eins og til dæmis reisuleg skóla- og
íbúðabygging og smiðja þar sem smíðuð voru um 800 jarðyrkjuverkfæri.
Auk jarðræktunar og saumaskapar var matargerð með veglegasta móti í
Ólafsdal. Þar var til dæmis matjurtaræktun og ostagerð. Matjurtaræktunin
hefur nú verið endurvakin.
Búskapur var í Ólafsdal til 1970 en árið 1990 fór hann í eyði. Ólafsdals-
félagið, sem um þessa helgi heldur sín árlegu hátíð, sér um uppbyggingu
og reksturinn í dag.
Kísildalur síns tíma
Jón Arnór, má troða í inn-
kaupakörfuna?
„Já, það eru þrjú stig fyrir það hjá
okkur.“
Körfuknattleiksmennirnir Jón Arnór Stefáns-
son og Pavel Ermolinskij opna kjöt- og
fiskbúð á næstu dögum.
Þú færð Rosenthal í Höllinni!
R E Y K J AV Í K | A K U R E Y R I
AKUREYRI Bæjarráð Akureyrar boðaði Kristján Þór
Júlíusson heilbrigðisráðherra á fund í gær til að
ræða stöðu heilsugæslunnar á Akureyri eftir sam-
einingu heilbrigðisstofnana á Norðurlandi.
Guðmundur Baldvin Guðmundsson, formaður
bæjarráðs, segir það hljóta að vera keppikefli rík-
isins að efla heilbrigðisþjónustuna
í bænum.
„Það er ljóst að heilsugæslan á
Akureyri verður ekki rekin með
óbreyttu fjármagni,“ segir Guð-
mundur. „Það vantar pening inn í
þetta til að halda uppi þeirri þjón-
ustu sem við viljum sjá hérna.
Þannig að við vonum að ráðherra
komi með aukið fjármagn þegar
ríkið er búið að taka þetta yfir.“
Akureyrarbær hefur rekið heilsugæsluna frá því
að þjónustusamningur við ríkið rann út um áramót.
Með sameiningu heilbrigðisstofnana á Norðurlandi
mun ríkið hins vegar taka alfarið yfir reksturinn.
Kristján Þór segir í samtali við Fréttablaðið að það
sé skiljanlegt að menn hafi áhyggjur af fjármögn-
un heilsugæslunnar. Hann segir hinsvegar enga
ástæðu til að ætla það að þjónusta muni dragast
saman við yfirtöku ríkisins.
„Það er eitthvað sem hann verður að standa við
og við munum fylgja því eftir,“ segir Guðmundur
og ítrekar að það sé ekki nóg að þjónustan standi í
stað. - bá
Bæjarráð Akureyrar vonar að þjónusta heilsugæslu bæjarins verði efld:
Aukið fjármagn þarf frá ríkinu
AKUREYRI Heilsugæslan í bænum verður hluti af nýrri Heil-
brigðisstofnun Norðurlands. FRÉTTABLAÐIÐ/PJETUR
GUÐMUNDUR B.
BALDVINSSON
STJÓRNMÁL „Utanríkismálanefnd
hefur ekki fjallað um slitatillögu
Gunnars Braga Sveinssonar utan-
ríkisráðherra frá því í vor,“ segir
Birgir Ármannsson, formaður
nefndarinnar.
Utanríkisráðherra lagði fram
umdeilda þingsályktunartillögu
sína um slit á viðræðum við Evrópu-
sambandið í febrúar. Eftir umræður
í þinginu var tillagan send utanrík-
ismálanefnd Alþingis til umfjöllun-
ar um miðjan mars og þar dagaði
hana uppi.
„Ég geri ekki ráð fyrir að þetta
mál komi á dagskrá hjá nefndinni
nema tillagan verði endurflutt í
haust annaðhvort óbreytt eða í
breyttri mynd,“ segir Birgir. Hann
segir að ekki liggi fyrir hvaða skref
verði stigin næst í málinu.
Gunnar Bragi gaf sér ekki tíma
til að svara fyrirspurn um málið í
gær. Aðstoðarmaður ráðherra sagði
að ekki hefði verið tekin ákvörðun
um hvort önnur tillaga yrði lögð
fram um formleg slit á viðræðum
við Evrópusambandið. - jme
Utanríkismálanefnd fjallar ekki frekar um slitatillögu utanríkisráðherra:
Verður að flytja nýja tillögu
BIRGIR ÁRMANNSON Segir næstu
skref í málinu óákveðin.
BANGLADESS Lögregla í Dakka, höfuðborg Bangladess, réðst í gær inn
í fataverksmiðju til að reka út stóran hóp verkamanna sem hafa verið
í hungurverkfalli frá því 28. júlí. Táragasi var beitt á verkamennina,
sem fara fram á að fá greidd laun fyrir vinnu sína síðustu þrjá mánuði.
Samkvæmt Reuters taka um 1.600 verkamenn þátt í hungurverk-
fallinu. Bangladess er ódýrasti staður í heimi til að framleiða föt
vegna lágs launakostnaðar verkamanna. - bá
Um 1.600 verkamenn eru nú í hungurverkfalli í Bangladess:
Táragasi beitt á mótmælendur
SLASAÐIR FLUTTIR Á BROTT Verkamenn koma slösuðum vinnufélögum sínum til
aðstoðar eftir átök við lögreglu í gær. FRÉTTABLAÐIÐ/AP
STJÓRNMÁL Stuðningur við ríkis-
stjórnina mældist 36,2 prósent í
nýjustu könnun MMR en var 38
prósent í könnun frá því í júní.
Lítil breyting er á fylgi annarra
flokka.
Sjálfstæðisflokkurinn er
stærsti flokkur landsins sam-
kvæmt könnuninni með 24,1 pró-
sents fylgi. Björt framtíð mælist
með 19,2 prósent, Samfylking-
in fær 17 prósenta stuðning og
Framsóknarflokkurinn 11,8 pró-
sent. Vinstri græn mælast nú
með 11,6 prósenta og Píratar 9,6
prósenta fylgi. - ih
Lítil breyting á fylgi flokka:
Álíka fylgi við
ríkisstjórnina
LANDBÚNAÐUR Hjónin Jóhanna og
Þorbjörn á Háfelli í Borgarnesi
halda úti 400 geitum, um helm-
ingi íslenska geitastofnsins sem
er í útrýmingarhættu.
Fari fram sem horfir munu
hjónin missa bú sitt um miðjan
september vegna mikilla skulda.
Þá mun flestum geitunum lík-
lega verða slátrað samkvæmt
geitabændunum á Háfelli. Erlend
söfnun er hafin til að bjarga geit-
unum. Söfnunin hófst að stórum
hluta vegna þess að geiturnar
komu fyrir í hinum heimsfrægu
Game of Thrones þáttum. - bb
Erlend söfnun til bjargar:
Íslenska geitin í
mikilli hættu
AMSTERDAM, AP Alþjóðadómstóll-
inn í Haag segir Argentínumenn
hafa óskað eftir því að úrskurður
bandarísks dómstóls sem leiddi
til greiðslufalls Argentínu verði
tekinn fyrir. Úrskurðurinn sagði
til um að Argentínumönnum bæri
að greiða þá 1,3 milljarða Banda-
ríkjadala sem ríkið skuldaði fjár-
festum í New York.
Í erindi Argentínumanna til
Alþjóðadómstólsins segir að þessi
úrskurður hafi brotið gegn full-
veldi ríkisins. - bá
Leita til Alþjóðadómstólsins:
Argentína vill
kæra úrskurðinn
SPURNING DAGSINS