Fréttablaðið - 08.08.2014, Side 46

8. ágúst 2014 FÖSTUDAGUR| LÍFIÐ | 30
Kári Helgason útskrifaðist í júlí
með doktorsgráðu í stjörnufræði
frá háskólanum í Mary land en
doktorsverkefni sitt vann hann
ásamt ekki síðri mönnum en
vísindamönnum hjá bandarísku
geimvísindastofnuninni, NASA.
Kári fékk verðlaun fyrir bestan
árangur í rannsóknum á sínu ári.
„Það var frábær viðurkenning
og mikil hvatning,“ segir Kári
þegar blaðamaður Fréttablaðs-
ins nær af honum tali þar sem
hann situr að störfum í Háskóla
Íslands. „The show must go on,“
segir hann og hlær. „Það má ekk-
ert slaka á þó maður sé útskrif-
aður.“
Kári vann gögn úr geimsjón-
aukum NASA sem byggðir voru
á sama stað og hann vann á.
„Maður gat séð verkfræðingana
í hvítu sloppunum setja saman
geimsjónauka sem verða send-
ir út í geim eftir 10 ár,“ útskýrir
Kári. „Þetta var mjög hvetjandi
umhverfi og áhugavert að vera í
námunda við allt.“
Hinn nýútskrifaði doktor fékk
tiltölulega frjálsar hendur síð-
ustu fjögur árin við val á rann-
sóknarefnum. „Ég hef mestan
áhuga á alheiminum þegar hann
var mjög ungur.“ Sérstaklega
þykir honum spennandi að rann-
saka risasvarthol, hvaðan þau
komu og hvort þau hafi haft áhrif
á hvernig stjörnurnar mynduð-
ust.
Starfsumhverfi Kára breyt-
ist þó töluvert á næstu misser-
um þar sem hann fékk styrk frá
Evrópusambandinu til þess að
starfa á geimrannsóknastöðinni
Max Planck Institute for Astro-
physics í Þýskalandi. Hann segir
ákveðna eftirsjá að því að halda
ekki áfram hjá NASA en hann
verður þó í nánu sambandi við
stofnunina.
„Ég lít fyrst og fremst á það
sem forréttindi að fá að starfa á
þessu sviði.“
En er engin löngun til að fara
út í geim? „Ég held að konan
mín vilji það ekki, það er helsta
vandamálið.“ Hann segist þó ekki
munu slá hendinni á móti því að
fara út í geim fái hann boð um
það. „Ef það verður hringt í mig
og ég spurður hvort ég vilji fara
út í geim þá er ég alveg tilbúinn í
það.“
nanna@frettabladid.is
Myndi ekki afþakka
boð um far út í geim
Ungur Íslendingur útskrifaðist nýlega með doktorsgráðu í stjörnufræði. Dokt ors-
verkefnið vann hann með geimförum hjá NASA. Hann segir þetta forréttindi.
MENNTAÐ PAR Hér er Kári ásamt
konu sinni, Þórhildi Halldórsdóttur, sem
útskrifaðist á sama tíma úr klínískri
barnasálfræði. MYND/ÚR EINKASAFNI
„Hestar. Ég er hestakona. Þeir eru
yndislegar og skynugar skepnur.“
Björt Ólafsdóttir alþingiskona.
UPPÁHALDSDÝRIÐ
GEIMVÍSINDAMAÐUR Kári slær ekki
slöku við og starfar nú uppi í Háskóla
Íslands við ritrýni og situr símafundi
með NASA. FRÉTTABLAÐIÐ/STEFÁN
„Já, þetta er í fyrsta sinn sem ég
flyt Pride-lagið og er mjög ánægð
með lagið,“ segir tónlistarkonan
Sigríður Beinteinsdóttir en hún
syngur lagið Á þitt vald sem er
Gay Pride-lag ársins 2014. Lagið
hefur verið í spilun á útvarps-
stöðvum landsins og ætlar Sigga
að flytja það um helgina. „Ég
syng það á Arnarhóli á morgun
og hlakka mikið til, þessi hátíð
er svo frábær og vonandi verður
veðrið ágætt,“ bætir Sigga við.
Lagið sömdu þær Ylva og
Linda Person en þær eru sænsk-
ar og hafa samið fjölda popplaga
sem náð hafa langt. „Ég þekki
þær ekki neitt og hef aldrei séð
þær en þær sendu mér upphaf-
lega nokkur demó og þetta lag
greip ég strax. Lagið var sent í
forkeppni Eurovision en komst
ekki áfram og fannst mér það
mjög skrítið miðað við hvað lagið
er hresst og mikið stuð í því,“
útskýrir Sigga.
Höfundunum var svo boðið að
lagið yrði Gay Pride-lagið í ár og
voru gerðar smábreytingar á því.
„Þorvaldur Bjarni útsetti lagið
og setti meiri diskóbrag á það en
það var rokkaðra áður. Ég elska
þetta lag, við í Stjórninni tókum
lagið meira að segja um verslun-
armannahelgina á Akureyri og
fólk tók mjög vel í það.“
Sænsku lagahöfundarnir ætla
einnig að syngja bakraddir með
Siggu á laugardaginn á Arnar-
hóli. - glp
Syngur Pride-lagið í fyrsta sinn
Sigríður Beinteinsdóttir syngur lagið Á þitt vald og er það Pride-lag ársins 2014.
MIKIÐ STUÐLAG Sigríður Beinteins-
dóttir syngur Gay Pride-lagið í ár sem
ber titilinn Á þitt vald. FRÉTTABLAÐIÐ/GVA
„Ég hef nú aldrei hitt hann en hann
er flottur. Ég hef séð myndirnar
hans og hann var flottur í Pitch
Black og The Fast and the Furious-
myndunum,“ segir leikarinn Ólafur
Darri Ólafsson. Hann leikur á móti
stórleikaranum Vin Diesel í nýrri
kvikmynd sem ber nafnið The Last
Witch Hunter. Ólafur Darri mun
þar leika stórt hlutverk sem norn
sem Diesel þarf að berjast við en
hann leikur nornaveiðarann. „Við
munum hittast í myndinni, það verð-
ur skemmtilegt,“ bætir Ólafur Darri
við. Hann segist hafa fengið að vita
að hann hefði fengið hlutverkið í síð-
ustu viku en hann fór í prufur fyrir
myndina í maí.
Í myndinni leika fleiri kanónur
á borð við Michael Caine og Elijah
Wood. „Mig hefur alltaf langað til að
hitta Michael Caine, ég veit að hann
er góður vinur Dorritar þannig að
ég ætla að muna að skila kveðju frá
Dorrit,“ segir Ólafur Darri og hlær.
Myndin fer í tökur í byrjun septem-
ber og fara þær fram í Pittsburgh
í Pennsylvaníu og hlakkar Ólaf-
ur Darri mikið til. „Það er alltaf
gaman þegar maður fær vinnu og
ég er mjög þakklátur.“
Leikstjóri myndarinnar er Breck
Eisner. „Ég hef bara séð myndina
The Crazies, sem er endurgerð af
gamalli hryllingsmynd, og var
mjög hrifinn og hlakka til að
vinna með honum,“ segir
Ólafur Darri.
Þá er hann einnig að fara
til Los Angeles að leika í
prufuþætti fyrir AMC-sjón-
varpsstöðina sem fram-
leiddi meðal annars
Break ing Bad-þætt-
ina. - glp
Ólafur Darri berst við Vin Diesel
Ólafur Darri leikur stórt hlutverk í nýrri mynd sem ber nafnið The Last Witch Hunter. Ólafur Darri er vel kunnugur
Hollywood-myndum en ekki er langt
síðan hann lauk við tökur á mynd-
inni A Walk Among the Tombstones
þar sem hann leikur meðal annars á
móti Liam Neeson.
Hann lék einnig í The Secret
Life of Walter Mitty á móti Ben
Stiller. Þá lék hann í Contra-
band árið 2012 á móti Mark
Wahlberg. Í nýju myndinni, The
Last Witch Hunter, leikur hann
meðal annars á móti Rose
Leslie, Vin Diesel, Elijah
Wood og Michael
Caine.
Nokkur verk Ólafs
Darra í Hollywood
– Reykjavík – Akureyri –
E I T T S Í M A N Ú M E R 5 5 8 1 1 0 0
– KOMDU NÚNA –
TAXFREE
DAGAR
20,32% AFSLÁTTUR AF ÖLLUM VÖRUM
Að sjálfsögðu fær ríkissjóður 25.5% virðisaukaskatt af söluverði.
20,32% afslátturinn er alfarið á kostnað Húsgagnahallarinnar.
AROS
stóll,
margir litir
IVV SPEEDY
skálar,
6 í setti
TAXFREE
VERÐ!
12.741
KRÓNUR
SÍÐUSTU
DAGAR
EKKI MISSA AF ÞESSU
BRIGHTON – 3JA SÆTA SÓFI – EIK & LEÐUR
TAXFREE VERÐ!254.972KRÓNUR
TAXFREE
VERÐ!
10.350
KRÓNUR
SÓFAR | SÓFASETT | HÆGINDASTÓLAR | SÓFABORÐ | BORÐSTOFUBORÐ | BORÐSTOFUSTÓLAR |
SVEFNSÓFAR | BORÐSTOFUSKÁPAR | BAKBORÐ | HORNBORÐ | ALLSKONAR-SMÁVARA | O.FL. | O.FL.