Fréttablaðið - 08.08.2014, Side 8

8. ágúst 2014 FÖSTUDAGUR| FRÉTTIR | 8

FERÐAÞJÓNUSTA Gistinóttum á hót-
elum í júní fjölgaði um þrjú prósent
frá því á sama tíma í fyrra, sam-
kvæmt tölum sem Hagstofan birti í
gær. Gistinætur í júní voru samtals
239.700. Gistinætur erlendra gesta
voru 90 prósent af heildarfjöldan-
um en þeim fjölgaði um sex pró-
sent frá sama tíma í fyrra á meðan
gistinóttum Íslendinga fækkaði um
15 prósent.
Hins vegar fjölgaði ferðamönn-
um um 23 prósent í júní frá því í
fyrra, en nú komu um 110 þúsund
erlendir ferðamenn til landsins í
mánuðinum, samkvæmt talningu
Ferðamálastofu í Leifsstöð.
Aukning á íbúðargistingu
Helga Árnadóttir, framkvæmda-
stjóri Samtaka ferðaþjónustunnar,
telur að aukning á íbúðargistingu
hvers konar skýri eflaust stóran
hluta þessa misræmis.
„Fjölgun í framboði á öðrum
gistimöguleikum eins og leigu á
herbergjum í íbúðarhúsnæði og
þess háttar hefur verið mikil eins
og sést vel til að mynda á vefsíðum
eins og airbnb.com. Oft og tíðum
er um að ræða framboð á íbúðar-
gistingu sem ekki er með tilskil-
in leyfi. Það er eitthvað sem þarf
svo sannarlega að ráða bót á, eins
og við höfum oft bent á, til að geta
til að mynda metið umfangið á full-
nægjandi hátt.“
Helga segir nýtingarhlutfall
heilsárshótela hafa verið hátt í júní
eins og síðustu ár. Hún leiðir að því
getum að ferðamenn hafi í meiri
mæli nýtt sér aðrar tegundir gist-
ingar þar sem framboð þess hefur
aukist. „Áætlanir gera ráð fyrir
nýjum hótelum, sér í lagi á höfuð-
borgarsvæðinu, á næstu misserum.
Miðað við nýtingarhlutfall hótel-
anna á markaðurinn inni frekari
fjölgun hótelherbergja.“
Fæstir með leyfi
Í skýrslu sem VSO ráðgjöf vann
nýlega fyrir borgina kemur fram
að framboð heimagistingar á net-
inu hafði þrefaldast á átján mánaða
tímabili, en þá var fjöldi auglýsenda
um 795 og buðu þeir upp á samtals
2.854 rúm.
Vegna fjölda staða segir VSO ráð-
gjöf ljóst að flestir á bókunarvefjum
hafi ekki leyfi fyrir starfsemi sinni.
Borgin jákvæð fyrir hótelum
Ólöf Örvarsdóttir, sviðsstjóri hjá
Reykjavíkurborg, tekur undir með
Helgu og segist jákvæð fyrir þeirri
hóteluppbyggingu sem nú á sér stað.
Sér í lagi fyrir uppbyggingu sem
teygir sig í austurátt, ekki síst til að
létta álagi af Kvosinni.

„Sum hverfi í nágrenni miðborgar-
innar hafa orðið fyrir miklu álagi í
kjölfar fjölgunar ferðamanna. Þetta
álag lendir á íbúðahverfum vegna
þess að það vantar gistingu yfir
sumarmánuðina en aukið framboð
á hótelum gæti haft áhrif á þetta,“
segir Ólöf.
Erlendum ferðamönnum fjölgar
hraðar en gistinóttum á hótelum
Gistinóttum erlendra ferðamanna á hótelum í júní fjölgaði um sex prósent frá því í fyrra. Á sama tíma fjölgaði ferðamönnum um
23 prósent. Framkvæmdastjóri SAF telur þetta skýrast af auknu framboði á öðrum gistimöguleikum og takmörkuðu rými hótela.
HÓTEL Í BYGGINGU VIÐ HÖFÐATORG Áætlanir gera ráð fyrir nýjum hótelum á
höfuðborgarsvæðinu á næstu misserum. FRÉTTABLAÐIÐ/GVA
HELGA ÁRNA-
DÓTTIR
ÓLÖF ÖRVARS-
DÓTTIR
Í aðalskipulagi Reykjavíkur sem tók gildi nú í vor er gert ráð fyrir takmörk-
un á heimildum til að reka gististaði í íbúðabyggð.
Slíkt verði aðeins heimilt við svokallaðar aðalgötur, það er að segja
götur sem þola meiri umferð.
Ólöf nefnir sem dæmi Hofsvallagötu og Lönguhlíð. „Það er götur sem
eru tengigötur, þar sem nú þegar standa til dæmis verslanir eða að þar er
boðið upp á aðra þjónustu,“ segir Ólöf.
Ólöf segir að með þessu sé verið að draga úr álagi á rólegri íbúðagötur,
álagið vegna ágangs ferðamanna megi ekki verða of mikið á einstök
hverfi. „Það þarf að vera gott jafnvægi í þessu.“
Í aðalskipulaginu er hins vegar ekki tekið á heimagistingu í íbúðabyggð,
það er þar sem leigjandi á lögheimili í íbúðinni. Slík gistiþjónusta sé þó
leyfisskyld, þrátt fyrir að fæstir sem standa í slíkum rekstri séu með leyfi.
Gistirými takmörkuð í íbúðabyggð
Fanney Birna
Jónsdóttir
fanney@frettabladid.is
Ferðamenn
í júní
2013 20142013 2014
Gistinætur á
hótelum í júní
231.809
89.859
239.685
+3%
110.602
+23%