Fréttablaðið - 15.08.2014, Blaðsíða 48

15. ágúst 2014 FÖSTUDAGUR| MENNING | 28
Lögin Stolin stef, Hjarta mitt og Þú
ert eftir Tómas R. Einarsson eru
meðal laga sem hljóma á útgáfu-
tónleikum í Norðurljósasal Hörpu á
sunnudagskvöldið klukkan 20. Þeir
eru haldnir til að fagna Mannabörn-
um, nýútkomnum diski með músík
Tómasar R. Einarssonar í útsetning-
um Gunnars Gunnarssonar píanó-
leikara og organista. Tónleikarnir
eru á dagskrá Jazzhátíðar Reykja-
víkur. Flytjendur eru söngkonan
Sigríður Thorlacius, Sönghópurinn
Við Tjörnina, sem er tólf manna
blandaður kór, Tómas, Gunnar og
kóngaleikarinn Kristófer Rodr íguez
Svönuson. Best að heyra í höfuð-
paurnum Tómasi.
„Þetta eru átján sönglög, frá
síðustu þrjátíu árum, sem ég hef
samið við ljóð eftir ýmis góðskáld
frá 20. öldinni. Svo á ég nokkra
texta sjálfur. Ég var kannski
búinn að semja lag og þegar sú
hugmynd kom upp að syngja það
vantaði texta og þá neyddist ég
til að berja hann saman sjálfur,“
segir Tómas glaðlega. „En ég
kalla hitt fólkið skáld en sjálfan
mig textasmið, geri sterkan grein-
armun þar á milli.“ Tónleikarnir
eru liður í Jazzhátíð Reykjavíkur.
„Þetta er ekki alvenjulegasta djass-
músíkin getum við sagt, því þarna
er höfuðáhersla á sönginn en allt
eru þetta lög sem hafa komið út á
djassplötum mínum og eru upphaf-
lega djasslög þó söngurinn sé núna
númer eitt og tvö og þrjú,“ lýsir
Tómas og segir það forvitnilegt og
skemmtilegt að heyra lögin í þess-
ari útgáfu, þar sem allt snúist um
laglínuna en fá djasssóló. „Lögin
eru samt ekki í einföldum búningi
því útsetningar Gunnars Gunn-
arssonar eru bæði fjölbreyttar og
mjög flottar. Það hefur ekki verið
gert mikið að því að útsetja djass-
lög fyrir blandaðan kór, ég vil ekki
segja að þetta sé í fyrsta skipti en
það fer nálægt því, að minnsta
kosti í heilu verkefni af þessu tagi.“
Í Sönghópnum Við Tjörnina er
ungt fólk sem Gunnar hefur unnið
með í Fríkirkjunni og flest er það
í tónlistarnámi, að sögn Tómasar.
„Þetta eru ungar og ferskar radd-
ir, fólk sem er með annan fótinn í
atvinnumennsku í tónlist.“ Sigríður
Thorlacius er þekktust meðal jafn-
ingja í söngnum. „Mér datt í hug
að gaman væri að fá einsöngvara
til að syngja á móti kórnum hér
og hvar, til að auka fjölbreytnina“
segir Tómas. „Svo þegar við vorum
búin að fá Sigríði til liðs við okkur
var hún svo hrikalega góð að við
freistuðumst til að fá hana í flest
lögin.“ gun@frettabladid.is
Söngurinn númer
eitt, tvö og þrjú
Tómas R. Einarsson og úrvalslið með honum heldur útgáfutónleika í Norður-
ljósasal Hörpu á sunnudagskvöldið 17. ágúst. Þar verða fl utt sönglög eft ir Tómas
við texta eft ir ýmis góðskáld 20. aldar. Einsöngvari er Sigríður Thorlacius.
HLUTI TÓNLISTARHÓPSINS Sigríður Thorlacius, Ásta Björg Björgvinsdóttir, Gunnar Gunnarsson, Tómas R. Einarsson, Kristófer
Rodríguez Svönuson, Guðný Anna Árnadóttir og Anna Dúna Halldórsdóttir. Þær Ásta Björg, Guðný Anna og Anna Dúna eru úr
ellefu manna sönghópnum Við Tjörnina. FRÉTTABLAÐIÐ/STEFÁN
Kristinn Sigmundsson tekur þátt í óperuuppfærslu
Íslensku óperunnar í haust í fyrsta sinn í tólf ár þegar
Don Carlo eftir Verdi fer á svið.
Don Carlo er ein af umfangsmestu óperum Verdis
og hefur aldrei verið sviðsett á Íslandi áður. Ein-
göngu íslenskir söngvarar taka þátt í sýningunni.
Fyrir utan Kristin, sem fer með voldugt bassahlut-
verk Filippusar konungs og föður Don Carlo, má
nefna Jóhann Friðgeir Valdimarsson í titilhlutverk-
inu og Helgu Rós Indriðadóttur, sem einnig snýr
aftur á íslenskt óperusvið eftir nokkurt hlé, í hlut-
verki Elísabetar drottningar.
Oddur Arnþór Jónsson, sem nýverið lauk söng-
námi frá Mozarteum í Salzburg og sópar að sér
spennandi verkefnum um þessar mundir, verður
í hlutverki Rodrigo. Auk þess syngja Hanna Dóra
Sturludóttir, Guðjón Óskarsson, Viðar Gunnarsson,
Erla Björg Káradóttir og Hallveig Rúnarsdóttir í
sýningunni.
Þórhildur Þorleifsdóttir leikstýrir Don Carlo og
hefur Pál Ragnarsson ljósahönnuð og Þórunni Sig-
ríði Þorgrímsdóttur, búninga- og leikmyndahöfund,
sér til fulltingis. Guðmundur Óli Gunnarsson verður
hljómsveitarstjóri. gun@frettabladid.is
Kristinn Sigmunds með Íslensku
óperunni í fyrsta skipti í tólf ár
Í óperunni Don Carlo eft ir Giuseppe Verdi sem Íslenska óperan setur upp í
október fer Kristinn Sigmundsson með eitt voldugasta bassahlutverk tónbók-
menntanna, Filippus konung, föður Don Carlo.
Ný sýning verður opnuð í Lista-
safni ASÍ á morgun, laugardag,
klukkan 15. Um er að ræða inn-
setningu, margradda frásögn af
Sniffer. En hver er hann? Sigga
Björg er í safninu og verður fyrir
svörum því Erica er ekki komin til
landsins þegar ég hef samband.
„Sniffer er karakter sem við Erica
erum búnar að þróa nokkuð lengi.
Við gerðum bók með textum um
hann. Þar getur fólk fengið að
skyggnast inn í hið aumkunar-
verða líf þessarar persónu sem
er unninn með skírskotunum í
Óliver Tvist. Svo eru líka teikn-
ingar, skúlptúrar og vídeóverk.
Allt safnið snýst um Sniffer,“ segir
hún og tekur því vel að deila aðeins
meiri upplýsingum um persónuna.
„Sniffer er lánlaus karakter, þján-
ingarbróðir Ólivers Twist. Var
ungur yfirgefinn af foreldrum
sínum og eyddi æskuárunum ein-
samall á götunni í stefnulausri leit
að næringu og ást. Hann er klofinn
persónuleiki og það veldur honum
ómældum erfiðleikum þegar hann
reynir að finna sinn stað í tilver-
unni.“
Erica býr í Skotlandi og Sigga
Björg líka að hluta til. Þær unnu
þessa sýningu alla í Glasgow, bæði
saman og hvor í sínu lagi að sögn
Siggu og voru með hana á sýningu
sem nefnist Glasgow International
fyrr á árinu.
Sýningin í Listasafni ASÍ er
opin alla daga nema mánudaga
frá klukkan 13 til 17 og aðgangur
er ókeypis.
gun@grettabladid.is
Sniff er er þjáningar-
bróðir Ólivers Twist
Listasafn ASÍ verður undirlagt af karakternum
Sniff er næstu vikur. Höfundar hans eru listakon-
urnar Sigga Björg Sigurðardóttir og Erica Eyres.
STÓRSÖNGVARINN Kristinn mun taka á því sem Filippus
konungur í haust. FRÉTTABLAÐIÐ/VILHELM
SIGGA BJÖRG „Sniffer er karakter sem við Erica erum búnar að þróa nokkuð lengi,“
segir hún. FRÉTTABLAÐIÐ/ARNÞÓR
„Sýningin samanstendur af mynd-
list, gjörningum, vöruhönnun,
matvælaiðnaði og verslun,“ segir
Hlynur F. Þormóðsson hjá Lista-
safni Akureyrar um sýningu sem
verður opnuð í Ketilhúsinu á morg-
un klukkan 15. Hann segir tilgang-
inn þann að skoða samlegðaráhrif
þessara ólíku sviða og þá orku sem
losnar úr læðingi þegar skapandi
greinar á borð við myndlist kom-
ast í tæri við fjármagn sem teng-
ist viðskiptalífinu – og öfugt. Enda
heitir sýningin Urta Islandica ehf.
– Skapandi greinar. Hún stendur til
21. september og verður opin alla
daga nema mánudaga milli 10 og 17
til að byrja með.
Sýningarstjóri er Þóra Þórisdótt-
ir myndlistar- og athafnakona. - gun
Leysa orku úr læðingi
Sýningin Urta Islandica ehf. – Skapandi greinar
verður opnuð í Ketilhúsinu á Akureyri á morgun.
VIÐ UPPSETNINGU Sigurður Magnússon, framleiðslustjóri Urta Islandica, að ganga
frá græjum. MYND/HLYNUR
MENNING