Fréttablaðið - 13.09.2014, Síða 92

13. september 2014 LAUGARDAGUR| HELGIN KRAKKAR | 48
Eik, níu ára
teiknaði þessa fallegu
mynd og sendi
Fréttablaðinu.
Hvernig fannst þér að koma
fram á Stuðmannatónleikum?
„Það var mjög gaman. Ég hef
aldrei sungið með þeim áður.“
Hefur þú sungið áður fyrir
framan fullt af fólki? „Já, já,
oft. Þegar ég var nýorðin fimm
ára fékk Tommi í Stuðmönn-
um mig til að syngja og spila á
píanó á afmælistónleikum Paul
McCartney sem hann var að
skipuleggja í Eldborg í Hörpunni.
Það var bara gaman. Svo var ég
líka að syngja og dansa í jólaleik-
riti Skoppu og Skrýtlu í Borga-
leikhúsinu um síðustu jól og verð
þar aftur núna um jólin.“
Hvaða lag finnst þér skemmti-
legast að syngja? „Halo með
Beyoncé.“
Ertu byrjuð í tónlistarskóla,
og ef svo er, þá hvaða og hvað
lærir þú þar? „Ég hef verið hjá
Hönnu Valdísi í Suzuki-skólanum
síðan ég var fjögurra ára að læra
á píanó og á sumrin verið bæði
hjá henni og Þorbjörgu í Retro
Stefson. Mér finnst gaman að
læra á píanó.“
Áttu þér eftirlætis tónlistar-
mann/konu? „Það eru pabbi
(Jakob Frímann) og Katy Perry.“
Hvernig leikur þú þér oftast?
„Ég föndra mjög mikið.“
Upplifðir þú eitthvert ævintýri
í sumar (ferðalag? námskeið?
útilegu?) „Ég fór í ferðalag með
skólanum í vor upp í Vindáshlíð
og við gistum þar í tvær nætur,
líka á afmælisdaginn minn 19.
maí. Svo ferðaðist ég um Ítalíu í
sumar, það var æðislega gaman.“
Í hvaða skóla ertu? „Ég er í
Barnaskólanum í Reykjavík, rétt
hjá Nauthólsvík og Háskólan-
um í Reykjavík. Þetta er svona
Hjallastefnuskóli, mjög fínn.“
Hvað langar þig að verða þegar
þú verður stór? „Ég ákvað þegar
ég var fjögurra ára að stofna
hárgreiðslustofuna Gleðilegt
nýtt hár. Á skiltinu á líka að
standa Happy new hair fyrir
útlendingana. Stofan á að vera á
efri hæð í miðbænum og á neðri
hæðinni verður veitingastaður.
Pabba og mömmu fannst þetta
dálítið skrítin hugmynd hjá mér
en mér finnst hún bara sniðug.“
- gun
Ætlar að stofna
Gleðilegt nýtt hár
Þótt Jarún Júlía Jakobsdóttir sé bara sjö ára er hún þegar orðin býsna sviðsvön
söngkona, enda sló hún í gegn á Stuðmannatónleikunum um síðustu helgi.
SÖNGKONAN „Þegar ég var nýorðin fimm ára fékk Tommi í Stuðmönnum mig til að
syngja og spila á píanó á afmælistónleikum Pauls McCartney.“ FRÉTTABLAÐIÐ/ERNIR EYJÓLFSSON
Gestur á veitingahúsi: „Þjónn það er fluga í súpunni minni!“
Þjónninn: „Nú? Viltu frekar fiðrildi?“
Maður í skóbúð: „Seljið þið krókódílaskó í búðinni?“
Afgreiðslumaðurinn: „Já, fullt af þeim. Númer hvað notar krókó-
díllinn þinn?“
Maður 1: „Af hverju ertu með pylsu á bak við eyrað?“
Maður 2: „Ohh, þá hlýt ég að hafa borðað blýantinn!“
Konan við dýralækninn: „Hvað á ég að gera? Hundurinn minn
eltir alltaf fólk á hjóli.“
Dýralæknirinn: „Taktu bara hjólið af honum!“
Brandarar
Teikningar og texti: Bragi Halldórsson
113
„Þar fór í verra,“ sagði Konráð. „Okkur liggur á en þurfum að komast
í gegnum þetta völundarhús fyrst.“ Hann dæsti og bætti vonsvikinn
við: „Við verðum of sein.“
Getur þú hjálpað félögunum að komast í gegnum þetta völundarhús?