Fréttablaðið - 24.09.2014, Blaðsíða 6

24. september 2014 MIÐVIKUDAGUR| FRÉTTIR | 6
1. Hvaða lið varð Íslandsmeistari í
kvennafl okki í fótbolta?
2. Hvað eru margir íbúar á hvern
starfandi lækni á Íslandi?
3. Hversu há er sektin sem Samkeppn-
iseftirlitið hefur lagt á MS?
SVÖR:
1. Stjarnan 2. 295 3. 370 milljónir
VIÐSKIPTI Þegar er búið að bóka
komu fleiri skemmtiferðaskipa
til Reykjavíkur næsta sumar en
hafa komið allt þetta ár saman-
lagt. Þetta segir Ágúst Ágústsson
markaðsstjóri Faxaflóahafna.
Alls hafa 97 skip bókað komu
sína næsta sumar en níutíu eru
bókuð allt þetta ár. Farþegum
skemmtiferðaskipa heldur þar
af leiðandi áfram að fjölga, þeir
voru tæplega tíu þúsund árið
1990 en verða um eitt hundrað
þúsund á þessu ári.
Stjórn Faxaflóahafna ræddi
á mánudag þróun og möguleika
í tengslum við þjónustu við
skemmtiferðarskip.
Kom fram að unnið sé að
þrenns konar markmiðum þegar
kemur að skemmtiferðaskipum
með það fyrir augum að auka
tekjur. Í fyrsta lagi að lengja dvöl
skipanna hér á landi.
Í öðru lagi að hvetja til þess
að skipin skipti um farþega í
Reykjavík og stoppi þar af leið-
andi lengur. Og í þriðja lagi að
fjölga hringsiglingum um Ísland
með viðkomu í fimm til sjö höfn-
um fyrir hvert skip.
Að sögn Ágústs markaðsstjóra
er þetta mikilvægt og tekur hann
sem dæmi að í sumar stoppuðu
aðeins 25 af 90 skipum yfir nótt í
Reykjavík. Aðeins tíu skip skiptu
um farþega.
Tekjur af skemmtiferðaskip-
um skipta Faxaflóahafnir miklu.
Áætla má að hvert skip skili
þremur til fjórum milljónum
króna í hafnargjöld. - aó
Farþegar skemmtiferðaskipa verða yfir eitt hundrað þúsund á næsta ári ef áætlanir ganga eftir:
Enn fleiri skemmtiferðaskip næsta sumar
VIÐ SKARFABAKKA Royal Princess í
Reykjavík. FRÉTTABLAÐIÐ/ERNIR
NÝJA-DELÍ, AP Tígrisdýr drap
mann sem hafði klifrað yfir girð-
ingu á svæði tígrisdýra í dýra-
garði í Nýju-Delí á Indlandi í gær.
Þrátt fyrir ítrekaðar viðvar-
anir um að hann mætti ekki koma
of nærri girðingunni klifraði
maðurinn á endanum yfir hana
og stökk niður til tígrisdýranna.
Lík mannsins lá á jörðinni
í tvær klukkustundir áður en
starfsmenn dýragarðsins náðu að
koma tígrisdýrinu í búr. Garð-
inum var ekki lokað þrátt fyrir
atburðinn. - fb
Fífldirfska í Nýju-Delí:
Tígrisdýr drap
dýragarðsgest
PEKING, AP Dómstóll í Kína hefur
dæmt Ilham Tohti, háskólapró-
fessor sem hampaði múslimska
þjóðarbrotinu Uihgur, í lífstíðar-
fangelsi. Þetta er þyngsta refs-
ingin fyrir ólöglega pólitíska orð-
ræðu í Kína í áratug.
Þjóðarbrotið Uighur hefur
lengi kvartað yfir því að fá
grimmilega meðhöndlun af hálfu
kínverskra stjórnvalda í héraðinu
Xinjiang í vesturhluta landsins.
Tohti starfrækti vefsíðu þar
sem hann skrifaði um málefn-
ið. Eftir tveggja daga réttarhöld
var hann sakfelldur fyrir að vera
aðskilnaðarsinni. - fb
Gagnrýndi aðfarir yfirvalda:
Prófessor fékk
lífstíðarfangelsi
VIÐSKIPTI Erfingjar Rockefeller-
fjölskyldunnar, sem byggði upp
ríkidæmi sitt á olíu, ætla að selja
fjárfestingar sínar í jarðefnaelds-
neyti og endurfjárfesta í hreinni
orku, samkvæmt frétt BBC.
Sjóðurinn The Rockefeller
Brothers er hluti af hópi aðgerða-
sinna og mannvina sem hafa
heitið því að losa sig við fjárfest-
ingar sínar í jarðefnaeldsneyti
fyrir um sex þúsund milljarða
króna. Þetta var tilkynnt í tilefni
af loftslagsráðstefnu Sameinuðu
þjóðanna sem hefst í dag. Alls
eru um 650 einstaklingar og 180
stofnanir hluti af hópnum. - fb
Rockefeller-ættin breytir til:
Fjárfestir í
hreinni orku
HORFA Á LÍK Hópur lögreglumanna
horfir á lík mannsins sem tígrisdýrið
drap í dýragarðinum. FRÉTTABLAÐIÐ/AP
FJÖLMIÐLAR Vilhjálmur Bjarna-
son, alþingismaður Sjálf-
stæðis flokks, er óánægður með
dagskrár breytingar á Rás eitt
Ríkisútvarpsins. „Til er gömul
stofnun sem heitir Ríkisútvarpið
og nú er svo komið að það taldi
það helst geta orðið þjóðinni til
bóta að fella niður hugleiðingu
að morgni sem ég veit ekki til að
hafi unnið nokkrum manni sálu-
tjón,“ sagði Vilhjálmur. „Næst
hefur stjórnendum Ríkisútvarps-
ins dottið í hug að færa síðasta
lag fyrir fréttir fram fyrir til-
kynningar þannig að á eftir síð-
asta laginu fyrir fréttir koma
leiknar auglýsingar sem mis-
þyrma því,“ sagði Vilhjálmur í
ræðustóli á Alþingi í gær. - jme
Ósáttur alþingismaður:
Síðasta laginu
er misþyrmt
VILHJÁLMUR BJARNASON Vill hug-
leiðingu að morgni. FRÉTTABLAÐIÐ/GVA
STJÓRNSÝSLA Veikindi starfsmanna
hjá Reykjavíkurborg virðast vera
vandamál víðar en á velferðar-
sviði. Eins og áður hefur komið
fram kosta veikindi starfsmanna
velferðarsviðs borgina 145 millj-
ónir á fyrstu sex mánuðum ársins.
Á þeim tíma var veikindahlut-
fall sviðsins 6,1 prósent
Meðaltal veikindahlutfalls hjá
skóla- og frístundasviði á fyrstu
sex mánuðum ársins var 6,2 pró-
sent en umhverfis- og skipulags-
svið var hæst með 6,9 prósent að
meðaltali.
Að sögn Ingunnar Bjarkar Vil-
hjálmsdóttur, mannauðsstjóra hjá
Attentus, eru þær tölur háar og
ástæða til að athuga nánar.
„Með þessu áframhaldi hjá vel-
ferðarsviði gæti talan endað í 10
til 12 prósentum við árslok. Það
er mjög alvarleg tala og bendir til
að grípa þurfi til aðgerða,“ segir
Ingunn.
Aðspurð hvað teljist eðlilegt
veikindahlutfall starfsmanna á
vinnumarkaði segir Ingunn að því
sé erfitt að svara.
„Það er erfitt að bera saman
veikindahlutföll á milli vinnustaða
þar sem oft eru mismunandi upp-
lýsingar notaðar við skráningu
á hverjum stað fyrir sig. Þumal-
puttareglan er að ef veikindahlut-
fall er komið yfir fjögur prósent á
árs grundvelli, þá er það á rauðu
svæði. Maður vill helst sjá tölur
frá 0 upp í 2-3 prósent yfir árið. Ég
sem mannauðsstjóri skoða þetta
árlega með þeim fyrirtækjum sem
ég vinn fyrir og ef ég sé að meðal-
talið er komið yfir fjögur prósent
þá gríp ég til aðgerða.“
Samþykkt var á fundi borgar-
stjórnar fyrr í mánuðinum að
skoða gagngert hvers vegna veik-
indi starfsmanna borgarinnar
séu jafn mikil og raun ber vitni
og hvernig bregðast megi við en
mannauðsdeildir borgarinnar hafa
að undanförnu unnið að viðveru-
stefnu fyrir starfsmenn.
Markmið stefnunnar er að
styðja við og hlúa að starfsmönn-
um vegna fjarveru frá vinnu,
vegna veikinda, slysa eða áfalla
um lengri eða skemmri tíma og
draga úr veikindafjarvistum með
markvissum aðgerðum.
Hannes G. Sigurðsson, aðstoðar-
framkvæmdastjóri hjá Samtökum
atvinnulífsins, segir veikindafjar-
vistir hafa fylgni við efnahags-
sveifluna. „Þegar mikil eftirspurn
er eftir fólki er veikindahlutfall
starfsmanna hærra og öfugt. Það
virðist vera sem fólk leyfi sér frek-
ar að vera veikt heima þegar það
er ekki atvinnuleysi.“
hannarut@365.is
Veikindi vandi víða
hjá Reykjavíkurborg
Vandamál vegna veikinda starfsmanna hjá Reykjavíkurborg einskorðast ekki við
velferðarsvið. Mannauðsstjóri segir veikindahlutfall hjá borginni geta orðið alvar-
lega hátt ef ekki er brugðist við.
VEIKINDI Svo virðist sem óvenju mikið sé um veikindi á meðal starfsmanna
Reykjavíkurborgar. FRÉTTABLAÐIÐ/STEFÁN
Ef
veikindahlut-
fall er komið
yfir fjögur
prósent á árs
grundvelli, þá
er það á
rauðu svæði.
Ingunn Björk Vilhjálmsdóttir,
mannauðsstjóri hjá Attentus.
VEISTU SVARIÐ?