Fréttablaðið - 24.09.2014, Blaðsíða 28

FÓLK|FERÐIR
Arna Björk Jónsdóttir fór í óvenjulega ferð með fjölskyldu sinni fyrir nokkrum vikum
en þau gistu á þýskum herragarði í
Lückendorf í austurhluta Þýskalands.
„Þetta var frábær ferð með manninum
mínum og strákunum okkar tveimur,
mæðrum okkar beggja og bróður
mínum og fjölskyldu hans. Við vorum
tólf saman, sex fullorðnir og sex börn,
frá þriggja ára og upp í 67 ára. Herra-
garðurinn er fimm hundruð fermetrar á
þremur hæðum auk kjallara þannig að
það var nóg pláss fyrir alla hvort sem
maður vildi vera í sameiginlega rýminu
eða fara í sitt eigið herbergi þegar mað-
ur þurfti smá næði. Í kringum húsið er
risastór afgirtur garður með lítilli tjörn,
púttvelli og sandkassa þar sem börnin
gátu leikið sér örugg. Eitt kvöldið grill-
uðum við sykurpúða við sérstakt grill-
stæði í garðinum. Það var fín stemning
og vakti það lukku hjá krökkunum,“
segir Arna Björk og brosir.
Hún segir það helst hafa valdið sér
álagi í ferðinni hversu gaumgæfilega
þurfti að flokka rusl en fyrir utan herra-
garðinn voru sjö ruslatunnur. „Ef við
flokkuðum ekki rétt gátum við átt von
á hárri sekt. Þetta var farið að leggjast
svo á sálina í mér að rusl sem passaði
illa í flokk eða gat jafnvel tilheyrt tveim-
ur flokkum tók ég með mér í dagsferðir
og setti í ruslatunnu í skemmtigörðum.
Ég heyrði svo um daginn að lausn
frænda míns, sem leigði húsið líka í
sumar, var að brenna eins mikið og
hann gat af rusli í kamínunni á kvöldin.
Þrátt fyrir að þetta hafi flækst fyrir mér
fór ég líka að hugsa um hvað ég gæti
tekið mig á hér heima í að flokka rusl
og hvað við værum mörg komin stutt á
veg í þeim málum á Íslandi.“
Fjölskyldan gerði sér margt til
skemmtunar á meðan hún dvaldi í
villunni, fór meðal annars í skemmti-
garðinn Kulturpark þar sem er mikið af
alls konar frumlegum leiktækjum fyrir
börn, á sandströnd stutt frá húsinu, í
Trixi Ferienpark, sem er stórt svæði
við vatn þar sem eru stökkbretti á
fjórum hæðum og til Oybin, nágranna-
bæjar þar sem er kastali og klaustur frá
fjórtándu öld. „Það sem situr helst eftir
er samveran og að eiga alltaf þessa
sameiginlegu upplifun og minningar
saman. Hið mikla vöruúrval í matvöru-
verslununum er ógleymanlegt sem og
lúxusinn við að geta keypt dýrindis
mat og vín án þess að það tæki of
mikið í pyngjuna. Að sitja á risastórum
svölum á kvöldin í blankalogni og 25
stiga hita og spjalla og virða fyrir sér
trjátoppa og akra með mikla fjallasýn
var mikil og góð tilbreyting. Að lokum
var magnað að synda með mörgæsum
í sundlaugar- og rennibrautagarði, ég
hef aldrei upplifað það áður,“ segir
Arna Björk og hlær. ■ liljabjork@365.is
GIST Á GLÆSILEGUM
HERRAGARÐI
FERÐIR Arna Björk Jónsdóttir gisti á glæsilegum herragarði í Þýskalandi á
dögunum og hafði gaman af. Þó var álagið við að flokka rusl meira en hún
átti von á en hætt var við háum sektum ef ekki var nógu vel flokkað í tunnur.
VILLA LÜCKENDORF Herragarðurinn er glæsilegur með stórum, afgirtum garði þar sem er tjörn og púttvöllur. AÐSEND MYND
SYNT MEÐ
MÖRGÆSUM
Arna Björk segir það
hafa verið magnað að
synda með mörgæsum í
sundlaugargarði í Þýska-
landi.
AÐSEND MYND
ARNA BJÖRK Fjölskylda Örnu Bjarkar hafði það gott í sumarfríinu og gisti í
góðu yfirlæti á fimm hundruð fermetra herragarði. MYND/GVA
One week flat

Minnkar Þembu og losar vind úr
meltingunni á viku!
Meltingin er nánast fullkomin eftir
að ég fór að nota OptiBac Probiotics
gerlana og ég get ekki hugsað
mér að vera án þeirra
Marta Eiríksdóttir jógakennari“
”
@OptiBac www.facebook.com/optibaciceland
Sérblað um
Skotveiði

Fyrir auglýsingar/kynningar
skal hafa samband við

Jón Ívar
jonivar@365.is
512-5429/866-6748
Laugardaginn 27.september
gefur Fréttablaðið út