Fréttablaðið - 16.10.2014, Page 8

16. október 2014 FIMMTUDAGUR| FRÉTTIR | 8
NÁTTÚRA Vel gengur að smíða
tröppur og palla fyrir gesti sem
koma til að skoða Hjálparfoss og
umhverfi hans. Á vef Skógrækt-
ar ríkisins kemur fram að lagð-
ir verða vel afmarkaðir stígar
og ætti svæðið því að þola betur
sívaxandi straum ferðamanna.
Gróður hafði mjög látið á sjá við
Hjálparfoss allra síðustu ár. Foss-
inn er í landi Skógræktar ríkisins
og tekur Skógræktin þátt í umsjón
svæðisins ásamt sveitarfélaginu,
Skeiða- og Gnúpverjahreppi.
Áætlað er að framkvæmdirnar
við fossinn kosti um sex milljónir
króna. Ragnheiður Elín Árnadótt-
ir, iðnaðar- og viðskiptaráðherra,
undirritaði í lok maí reglugerð
um úthlutun styrkja vegna átaks
til uppbyggingar á ferðamanna-
stöðum sumarið 2014. Markmiðið
var að styrkja sérstaklega fram-
kvæmdir á gönguleiðum og göngu-
stígum sem lægju undir skemmd-
um. Hjálparfoss var einn þeirra
staða. - jhh
Náttúran mun þola betur ágang ferðamanna:
Byggja tröppur og
palla við Hjálparfoss
FOSSINN Hjálparfoss er á Suðurlandi
og er einn af fallegustu fossum landsins.
FRÉTTABLAÐIÐ/VILHELM
20%
AFSLÁTT
UR
Gildir í október
Lyfjaauglýsing
SJÁVARÚTVEGUR Afli í úthafs-
karfa hefur aldrei verið minni
síðan íslensk skip hófu beina
sókn á karfaslóðina á Reykja-
neshrygg.
Vertíðinni þetta árið er lokið
og fengust aðeins 2.436 tonn af
úthafskarfa. Í fyrra var aflinn
hins vegar 8.617 tonn. Á vel-
mektarárum úthafskarfaveiða
Íslendinga frá 1994 til 2004 var
heildarafli íslensku skipanna á
bilinu 28.000 til 47.000 tonn, og
fór yfir 57.000 tonn árið 1996
þegar mest var. Það ár var heild-
arveiði allra þjóða 140.000 tonn.
Kristján Kristinsson, sérfræð-
ingur á Hafrannsóknastofnun,
segir að þegar allt er talið hafi
veiðin því minnkað um 100.000
tonn frá 1996.
Spurður hvort um ofveiði sé
að ræða, eða hvort skýringarnar
séu flóknari, segir Kristján ljóst
að það hefur verið veitt langt
umfram ráðleggingar Alþjóða-
hafrannsóknaráðsins (ICES) síð-
astliðin tíu ár eða svo, og langt
umfram afrakstursgetu stofns-
ins. Vísitölur úr úthafskarfa-
leiðöngrum frá 1999 sýni það,
en hún hefur lækkað umtalsvert
frá árinu 2001 þegar hún var
hæst, eða úr einni milljón tonna
í 280.000 tonn.
Með samkomulagi árið 2011,
sem var tekið meðal allra aðila
innan NEAFC nema Rússa, var
ákveðið að draga úr veiðum, og
að árið 2014 yrði aflamarkið
það sama og ráðleggingar ICES.
Rússar standa hins vegar utan
þessa samkomulags og setja sér
einhliða aflamark, sem útskýrir
að stórum hluta að afli er mun
meiri en ráðgjöf ICES.
Kristján slær hins vegar þann
varnagla að veiðar á úthafskarfa
séu öðrum veiðum ólíkar; afli
eða aflabrögð virðist segja lítið
um ástand stofnsins. Í fyrra voru
aflabrögð gríðarlega góð og hratt
gekk hjá öllum þjóðum að ná
sínum kvóta. Árið áður voru þau
mjög léleg, en þokkalega gekk
árin 2009-2011. - shá
Afli Íslendinga af úthafskarfa hefur fallið úr 57.000 tonnum frá því þegar best lét árið 1996 niður í tæp 2.500 í ár:
Veiði á úthafskarfa aldrei minni síðan bein sókn hófst
Í HÖFN Í fyrra tók það skip HB Granda
innan við hálfan mánuð að klára úthafs-
karfakvóta sinn og veiði var góð.
MYND/HGGRANDI
DÓMSMÁL Tólf ára drengur í
Reykjavík þarf ekki að hitta kyn-
móður sína gegn vilja sínum
segir kærunefnd barnaverndar-
mála sem þar með staðfestir
ákvörðun Barnaverndarnefndar
Reykjavíkur.
Drengurinn var settur í fóstur
tveggja ára gamall og býr nú hjá
fósturföður sínum. Kynmóðir
hans hafði áður umgengni við
drenginn tvisvar á ári í þrjár
klukkustundir í senn. Drengur-
inn á sammæðra yngri systur
sem einnig er undir forsjá Barna-
verndarnefndar. Fram kemur í
úrskurði að umgengni við móður-
ina valdi drengnum truflun og
umgengni við hana fari augljós-
lega gegn hagsmunum hans. - gar
Tólf ára drengur í Reykjavík:
Ekki neyddur á
fund kynmóður
ÁKVÖRÐUN STENDUR Umgengni
veldur truflun. FRÉTTABLAÐIÐ/PJETUR
IÐNAÐUR Útflutningsverð á sölt-
uðum grásleppuhrognum hefur
hækkað um 5,5 prósent á fyrstu
átta mánuðum ársins. Þannig fást
nú 800 evrur fyrir tunnuna miðað
við 450 evrur árið 2013. Frá
þessu er greint í tilkynningu frá
Landssambandi smábátaeigenda.
Öðru máli gegnir um kavíar en
verð á honum hefur lækkað eftir
verðhrun á hráefninu. Hvert kíló
skilar nú um fjórtán prósent lægri
fjárhæð í evrum talið en á sama
tímabili árið 2013. - nej
Kavíar hefur lækkað í verði:
Meira grætt á út-
flutningi hrogna
SKIPULAGSMÁL „Það þarf að glæða
miðbæinn lífi. Þetta er eitt af því
sem gæti mögulega gert það,“ segir
Ásdís Helga Ágústsdóttir, hjá Yrki
arkitektum sem standa að því að
breyta efri hæðum verslunar- og
skrifstofuhússins á Strandgötu
31-33 í Hafnarfirði í fjölbýlishús.
Skipulags- og byggingaráð
Hafnarfjarðar hefur samþykkt
að breyta deiliskipulagi svo áform
Yrkis geti gengið eftir. Yrki gerði
Hafnarfjarðarbæ og Landsbank-
anum kauptilboð í húsið með fyrir-
vara um samþykki fyrir íbúðum
sem verða 20 til 25 talsins. Byggð
verður inndregin fjórða hæð ofan
á húsið og þar verða íbúðir sem og
á annarri og þriðju hæð. Áfram
verða verslanir á jarðhæðinni.
Nágrannarnir eru ekki allir
hrifnir og bárust fjölmargar
athugasemdir, þar af níu skrif-
legar. „Ef tillaga Yrkis arkitekta
hefði verið uppi á borðinu árið
2004 hefði ég ekki einu sinni leitt
hugann að því að kaupa lóðina að
Gunnarssundi,“ segir í athuga-
semd konu sem býr í Gunnars-
sundi aftan við Strandgötu 31-33.
Hún telji íbúðablokk í bakgarðin-
um rýra verðgildi húss hennar og
lífsgæði þeirra sem þar búa.
„Ég tel að í þessu tilviki sé
Hafnarfjarðarbær að fórna hags-
munum íbúa Hafnarfjarðar fyrir
hagsmuni fjárfesta sem vilja
græða sem mest,“ segir konan
og krefst þess að bærinn kaupi
hús hennar verði breytingin sam-
þykkt.
„Að mínu mati er búið að eyði-
leggja svolítið miðbæinn í Hafnar-
firði með því að setja íbúðabyggð
um næstum alla Strandgötuna,“
segir íbúi við Austurgötu. „Ekk-
ert er að finna í gildandi deili-
skipulagi né aðalskipulagi sem
takmarkar eða kemur í veg fyrir
að efri hæðum þessara húsa sé
breytt í íbúðarhús með verslun
og þjónustu í götuhæð,“ svarar
skipulagssvið bæjarins í umsögn.
Í aðalskipulagi segi að þar sem
aðstæður leyfi megi gera ráð fyrir
íbúðarhúsnæði, sérstaklega á efri
hæðum bygginga.
Þá segir skipulagssviðið málið
ekki vera fordæmisgefandi því
aðeins fjögur hús við norðan-
verða Strandgötu gætu tekið slík-
um breytingum. „Það væri alvar-
leg hugsanavilla ef sótt væri um
sambærilega stækkun við járn-
varin timburhús, byggingar með
bröttum mænisþökum eða hús
sem bera til dæmis sterk einkenni
hins íslenska afbrigðis af nota-
gildisstefnunni.“
Skipulagssvið segir að umhverf-
isgæði verði ekki skert. „Með
breytingu í íbúðir, þá aukast að
vísu líkur á umgangi fólks um
lóð og næsta nágrenni eftir að
vinnudegi lýkur, en nágranna-
varsla og samkennd ætti frekar að
aukast. Innsýn í íbúðir og skerð-
ing á einkahögum fólks við slíkar
aðstæður eykst ekki frá því sem
nú er.“
gar@frettabladid.is
Breytt í íbúðarhús þrátt fyrir
hörð mótmæli nágrannanna
Skipulags- og byggingaráð Hafnarfjarðar heimilar að efri hæðum verslunar- og skrifstofuhússins á Strandgötu
31-33 verði breytt í íbúðir og að fjórðu hæðinni verði bætt við. Nágrannarnir telja vegið að hagsmunum sínum.
STRANDGATA 31-33 Þannig sjá Yrki arkitektar fyrir sér húsið eftir breytingar. Bætt verður inndreginni hæð ofan á húsið og
svalir byggðar utan á húsið. Á innfelldu myndinni sést hvernig húsið lítur út í dag. MYND/YRKI ARKITEKTAR
Í DAG Þannig lítur Strandgata 31-33 út í
dag. Bærinn hefur haft skrifstofur á efri
hæðunum sem nú eru hálftómar.
FRÉTTABLAÐIÐ/VILHELM