Fréttablaðið - 16.10.2014, Blaðsíða 6

16. október 2014 FIMMTUDAGUR| FRÉTTIR | 6
1. Hvaða sjóður heyrnarlausra er
galtómur?
2. Hvað komast margir farþegar og bílar
í nýja Breiðafjarðarferju?
3. Hvað taka mörg íslensk lið þátt í
Evrópumeistaramótinu í hópfi mleikum?
SVÖR:
1. Túlkasjóður 2. 280 manns og 55 bílar
3. Fimm.
SJÁVARÚTVEGUR
Mikil verðhækkun
Mikil verðhækkun hefur orðið á
sjófrystum karfa- og ufsaafurðum á
þessu ári, að því er fram kemur á vef
HB Granda. Verð á 300-500 gramma
ullkarfa hefur til að mynda hækkað um
33 prósent. „Viðbrögð við því hafa verið
að auka vægi sjófrystingar á kostnað
landfrystra afurða fyrir þessar tegundir,“
segir Smári Einarsson, sölustjóri hjá HB
Granda, á vef fyrirtækisins.
STJÓRNMÁL
Nýjar hættur
Varðberg boðar til hádegisfundar með
Birgi Ármannssyni, formanni utanríkis-
málanefndar Alþingis, í Þjóðminjasafn-
inu í dag. Þar verða heimsmálin rædd,
en fyrir fáeinum vikum komu leiðtogar
NATO-ríkjanna saman til fundar í Wales
til að ræða samskipti Rússa og Úkraínu-
manna. Í byrjun mánaðar tók Jens
Stoltenberg við embætti framkvæmda-
stjóra NATO af Anders Fogh Rasmussen.
Orkhúsinu / Suðurlandsbraut 34 / 517 3900
Ertu með
verki í
hnjám eða
ökkla?
Flexor býður mikið úrval af
stuðningshlífum fyrir flest
stoðkerfisvandamál.
Kringlan
588 2300
BANDARÍKIN, AP Heilbrigðisstarfsfólk í Bandaríkj-
unum og á Spáni hefur gagnrýnt fyrirkomulagið
sem haft var þegar tekið var á móti ebólusjúkling-
um frá Afríku.
Á Spáni hefur ein hjúkrunarkona smitast og í
Bandaríkjunum hafa tveir hjúkrunarfræðingar
smitast eftir að hafa unnið við umönnun ebólusjúk-
linga.
Yfirmaður bandarísku smitsjúkdómastofnunar-
innar CDC viðurkennir að ekki hafi verið gerðar
nógu strangar ráðstafanir á sjúkrahúsunum.
„Við hefðum getað sent á vettvang öflugra eftir-
litsteymi til að fylgjast með smithættu á sjúkra-
húsinu. Við hefðum einnig getað tekið fastar á því
gagnvart sjúkrahúsinu strax frá fyrsta degi hvern-
ig nákvæmlega ætti að bregðast við,“ segir Tom
Frieden. Það hefði getað komið í veg fyrir smit.
Hálfum mánuði áður var hann ekki jafn áhyggju-
fullur: „Í sjálfu sér getur hvaða sjúkrahús sem er í
landinu sinnt ebólusjúklingum. Það þarf ekki sér-
staka sjúkrastofu til þess,“ sagði hann þá.
- gb
Annar heilbrigðisstarfsmaður smitaður af ebólu í Bandaríkjunum:
Ráðstafanir voru ófullnægjandi
HEILBRIGÐISMÁL Tíu Íslendingar
bíða þess að fá grætt í sig nýra.
Enginn er á biðlista eftir nýju
hjarta en einn bíður eftir nýrri lifur
og annar eftir lunga.
Þetta kemur fram í svörum Krist-
jáns Þórs Júlíussonar heilbrigðis-
ráðherra við fyrirspurn Silju
Daggar Gunnarsdóttur, þingkonu
Framsóknar.
Í nokkrum tilvikum hefur biðtím-
inn eftir nýrri lifur verið of langur
að mati lifrarlækna á Landspítal-
anum.
Árið 2012 lést sjúklingur sem var
á biðlista fyrir bæði lifur og nýru
en árið áður var sjúklingur með
lifrarfrumukrabbamein metinn
óskurðtækur eftir sex mánaða bið
og því tekinn af biðlista.
Meðalbiðtími eftir nýra frá látn-
um gjafa hefur verið 23 mánuðir
en biðtíminn er æði misjafn. Þann-
ig getur hann verið allt frá tveimur
mánuðum upp í sjö og hálft ár. „Alls
hafa fimm einstaklingar beðið í
þrjú ár eða lengur,“ segir enn frem-
ur í svari heilbrigðisráðherra. - ak
Ráðherra segir að nú sé enginn Íslendingur á biðlista eftir hjartaígræðslu:
Tíu á biðlista eftir að fá nýra
TRÚMÁL Séra Jón Dalbú Hró-
bjartsson hefur ákveðið að láta af
störfum sem prestur og sóknar-
prestur Hallgrímskirkju. Hann
kveður söfnuð sinn á sunnudag-
inn. Hann hefur einnig verið
sóknarprestur í Laugarneskirkju
og þjónað íslenskum söfnuðum
erlendis. Hann stofnaði meðal
annars söfnuð í Gautaborg 1994.
Jón þjónaði í Hallgrímskirkju í
17 ár. Hann átti meðal annars þátt
í að koma á messuþjónahópum í
messuhaldi kirkna. - nej
Séra Jón Dalbú hættir:
Kveður söfnuð
sinn á sunnudag
BANDARÍSKIR HERMENN Búa sig undir að takast á við eból-
una. FRÉTTABLAÐIÐ/AP
LANGUR BIÐTÍMI Í svari ráðherra
kemur fram að í nokkrum tilvikum hafi
biðtími eftir nýrri lifur verið of langur.
FRÉTTABLAÐIÐ/PJETUR
SAMGÖNGUR Með óbreyttum fjár-
framlögum til nýframkvæmda í
vegakerfinu mun það taka rúma
fjóra áratugi að uppfylla fram-
kvæmdamarkmiðin sem sett eru
fram í samgönguáætlun áranna
2011 til 2022. Mjög aðkallandi og
fjölbreytt verkefni bíða í öllum
landsfjórðungum.
Hreinn Haraldsson vegamála-
stjóri segir að framkvæmda-
markmiðin í samgönguáætluninni
séu til að sýna
umfang verk-
efnisins í heild,
og hvað er talið
nauðsynleg upp-
bygging. Eng-
inn hafi gert ráð
fyrir að raun-
hæft væri að
ná þeim innan
þ e s s a t í m a -
ramma en framtíðarsýnin sé hins
vegar á hægagangi.
„Við vitum ekki hvaða fjármagn
verður sett í þetta á næstu árum
en það er auðvelt að reikna að ef
áfram verða settir um 10 milljarð-
ar á ári í framkvæmdir tekur þetta
um 40 ár,“ segir Hreinn.
Framkvæmdamarkmið sam-
gönguáætlunarinnar leggja sig á
um 385 milljarða króna á verðlagi
dagsins. Það skiptist í þrennt: 236
milljarðar í stofnvegi, 35 milljarð-
ar í tengivegi og 94 milljarðar til
jarðgangagerðar.
Árin 2011 og 2012 voru settir
rúmir sex milljarðar á ári í nýjar
framkvæmdir á ári; um 7,5 millj-
arðar árið 2013. Á þessu ári
voru rúmir átta milljarðar sett-
ir í nýframkvæmdir og tæpir
níu milljarðar eru eyrnamerktir
þessum verkefnum á næsta ári. Á
þessum fimm árum renna því 36,5
milljarðar til málaflokksins, og
nær ekki tíunda hluta þeirra mark-
Tekur 40 ár að bæta
vegakerfið svo vel sé
Óbreyttar áherslur í nýbyggingum í vegakerfinu þýða að settum markmiðum verður
ekki náð fyrr en 2055. Markmið samgönguáætlunar 2011 til 2022 kosta 385 millj-
arða. Minna en tíundi hluti þess hefur verið lagður í framkvæmdir 2011 til 2015.
Þegar Hreinn er spurður um þær framkvæmdir sem honum eru efstar
í huga, þá nefnir hann án undirbúnings að Vestfirðir sitji eftir varðandi
almenna uppbyggingu vega. Þá sé einnig eftir töluvert átak á Norðaustur-
horninu á milli Bakkafjarðar og Þórshafnar. Hreinn nefnir sérstaklega
veginn um Öxi sem á sínum tíma var kominn á útboðsstig.
Hreinn nefnir átak í að breikka og styrkja helstu flutningsleiðir út frá
höfuðborgarsvæðinu; til Akureyrar, í Vík og á Ísafjörð. Auk þess þurfi að
aðskilja akstursstefnur á fjölfarnari vegum vegna umferðaröryggis.
Hreinn segir að margar stórbrýr verði að komast á dagskrá í náinni
framtíð, t.d. Jökulsá á Sólheimasandi, Ölfusárbrú, Jökulsá á Fjöllum, Skjálf-
andafljót, Lagarfljótsbrú og brú yfir Hornafjarðarfljót. Og enn fleiri styttri
brýr, segir Hreinn.
Þá séu ótalin jarðgöng sem bíða í röðum, endurbætur á hálendisvegum
og ýmsum ferðamannaleiðum og að leggja bundið slitlag á fjölfarnari
malarvegi en alls staðar bíða mörg verkefni á því sviði.
Á höfuðborgarsvæðinu bíða stór verkefni; Sundabraut og Arnarnesvegur
og endurbygging hættulegra gatnamóta.
Mörg krefjandi verkefni eru aðkallandi
VEGAGERÐ Helmingi meira fjármagn á ári til vegagerðar myndi fleyta þjóðinni
hratt nær ásættanlegu vegakerfi. FRÉTTABLAÐIÐ/GVA
HREINN
HARALDSSON
miða sem sett hafa verið fram um
uppbyggingu.
„Varðandi það hversu háa upp-
hæð þyrfti að setja í þessa upp-
byggingu svo vel sé gæti ég nefnt,
án þess að vera með einhverja
gífurlega óskhyggju, að ef settir
væru t.d. 15 milljarðar í almenna
vega- og brúagerð á ári og þrír
til fjórir milljarðar í jarðgöng,
myndi okkur miða vel áfram í átt
að ásættanlegu vegakerfi í land-
inu,“ segir Hreinn.
svavar@frettabladid.is
VEISTU SVARIÐ?