Skessuhorn - 05.06.2013, Blaðsíða 4

4 MIÐVIKUDAGUR 5. JÚNÍ 2013
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á
þriðjudögum. Auglýsendum er bent á að panta auglýsingapláss tímanlega.
Skilafrestur smáauglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.277 krónur með vsk. á mánuði. Elli- og örorkulífeyrisþegar
greiða kr. 1.980. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Heiðar Lind Hansson, blaðamaður hlh@skessuhorn.is
Áslaug Karen Jóhannsdóttir, blaðamaður aslaug@skessuhorn.is
Samúel Karl Ólason, blaðamaður sko@skessuhorn.is
Auglýsingar og dreifing:
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Tækifærin eru
til staðar, ef...
Þó að sumarið ætli að byrja með hryssingslegri hætti en við eigum að venj-
ast eru þó hinir venjubundnu vorboðar fyrir löngu búnir að láta á sér kræla.
Í steinbeði við húsið sem ég bý í kom t.d. fyrsti vorboðinn þegar evrópsk
ættaðir vorlaukar teygðu anga sína upp úr moldinni snemma í febrúar. Það
var náttúrlega enginn sem sagði þeim að moldin sem þeir nærðust á væri á
Íslandi og þeim væri því hollast að halda sig neðan hennar eitthvað leng-
ur en forfeður þeirra í Hollandi gera. Það skipti því engum togum að blöð
og blóm þessara lauka voru löngu kalin af áður en þau fengu tækifæri til að
verða að einhverju. Ekki er ég að fordæma innflutning á útlendum blóm-
um, en kannski mættu þeir sem kaupa inn hjá Blómavali hafa það í huga
næst þegar þeir panta inn að veðráttan hér er ekki sú sama og í Hollandi.
Lóan, sá fugl sem flestir tengja komu sumars, er mætt á svæðið fyrir nokkru,
þó hún hafi komið mun síðar en undanfarin ár. Auðvitað spilar veðráttan
ytra og hér heima inn í þá ákvörðun hennar. En það eru aðrir vorboðar sem
eru fyrir löngu komnir og láta sér hvergi bregða þótt íslenska vorið sé kalt.
Þetta eru erlendu ferðamennirnir. Hin nýja gullnáma Íslendinga.
Við greindum nýverið frá því hér í blaðinu að nú styttist óðfluga í að
tekjur af ferðaþjónustu hér á landi verði meiri en gjaldeyristekjur af sjáv-
arútvegi. Ferðaþjónustan er nú í öðru sæti, einu sæti framar en stóriðjan í
tekjuöflun. Aukning í komu ferðamanna það sem af er þessu ári bendir til
að samtals verði á níunda hundrað þúsund ferðamanna sem sækja land-
ið heim nú í ár þannig að líklegt verður að teljast að fjöldi þeirra fylli eina
milljón á næsta ári. Þessi þróun er því miklu hraðari en allar spár fram að
þessu hafa gert ráð fyrir.
Um leið og fagna ber fjölgun erlendra ferðamanna hingað til lands er
ástæða til að íhuga af hverju þessi aukning skilar sér ekki í sama mæli á
Vesturland eins og á höfuðborgarsvæðið, Reykjanes eða Suðurland. Er
ferðaþjónustan á Vesturlandi að standa sig að einhverju leyti verr, eða eru
aðrir landshlutar einfaldlega fallegri eða betri? Ég held að svarið við þess-
ari spurningu sé býsna margþætt. Í fyrsta lagi hefur Suðurland og höfuð-
borgarsvæðið forskot, því þar hófst uppbygging m.t.t. ferðaþjónustu löngu
áður en nokkrir hér á Vesturlandi, nema vera skyldi Kristleifur á Húsa-
felli og Óli Jón Ólason, litu á þetta sem vænlega atvinnugrein. Forskot
annarra er því mikið og verður að telja í áratugum. Peningaöfl ráða miklu
um hvert ferðamenn eru leiddir og hér á Vesturlandi er fjárfesting, þekk-
ing og reynsla í ferðaþjónustu minni en á fyrrgreindum svæðum. Þetta er
hluti skýringarinnar. Annar þáttur sem spilar veigamikið hlutverk eru sam-
göngurnar. Þar höfum við setið eftir íbúar þessa landshluta. Nefna má að
hér þykir erfitt að fara hringleiðir með ferðamenn, sem er nauðsynlegt.
Markaðsstofa Vesturlands hefur nú hafið skipulagningu og kynningu á ein-
um fjórum hringleiðum sem hver um sig mun gera svæðið vænlegra fyr-
ir ferðaskrifstofur og gesti sem hingað koma. Forgangsatriði er að opna
augu stjórnmálamanna fyrir uppbyggingu vega t.d. um Uxahryggi, Kalda-
dal, Skógarströnd, Grunnafjörð og víðar á Vesturlandi. Þessi skortur stend-
ur uppbyggingu í ferðaþjónustu á Vesturlandi fyrir þrifum. Ferðaþjónusta
hér er einna lengst komin á Snæfellsnesi þar sem greinin er almennt viður-
kennd sem góð viðbót við sjávarútveginn. Á öðrum svæðum finnst mér eins
og skorti á samfélagslega viðurkenningu á að ferðaþjónusta sé eftirsóknar-
verð. Vannýtt mannvirki og stofnanir á borð við söfn í eigu sveitarfélaga,
opnunartími sem ekki tekur tillit til ferðafólks, skortur á salernisaðstöðu
og sitthvað fleira sem vissulega verður að skrifa á reikning heimafólks. Já-
kvætt í þessu samhengi er að svo virðist sem hagsmunaaðilar í ferðaþjón-
ustu séu nú að þétta hópinn. Tek ég þar mið af mætingu á aðalfund Ferða-
málasamtaka Vesturlands sem fram fór í liðinni viku þar sem atvinnugrein-
in valdi sér nýja forystu. Ef íbúar á Vesturlandi ætla að fá hlutdeild í þeirri
miklu fjölgun ferðamanna sem fyrirsjáanleg er, verða þeir að spýta í lófana.
Líta jafnt í eigin barm um hvað megi bæta, ýta við sveitarstjórnarfólki og
vera auk þess öflugri hagsmunagæsluaðili gagnvart fjárveitingavaldinu sem
á lögheimili við Austurvöll.
Magnús Magnússon.
Leiðari
Í síðustu viku var lokið við að
leggja fyrra klæðningarlagið á veg-
tenginguna beggja vegna við nýju
brúna yfir Reykjadalsá ofan við
Kleppjárnsreyki í Borgarfirði. Þá
var einnig við sama tækifæri lögð
klæðning á veginn frá Kleppjárns-
reykjum að félagsheimilinu Loga-
landi, alls um 1500 metra leið. Það
var klæðningarflokkur frá Borgar-
verki sem annaðist þessi verk. Að
sögn Óskars Sigvaldasonar fram-
kvæmdastjóra Borgarverks verður
nú farið í að koma fyrir vegriðum
við nýju brúna og að því búnu lag-
færðar tvær hvimleiðar mishæðir á
veginum í Reykholtsdal, önnur við
slökkvistöðina í Reykholti og hin
við verslunina Hverinn á Klepp-
járnsreykjum.
Að sögn Óskars er verkefnastaða
Borgarverks góð um þessar mund-
ir. Fyrirtækið fékk í útboði fyrr í
vor vegaklæðningar allt frá Bakka-
firði í austri, um Norðurland og að
Hvalfjarðarbotni, eða nánast hálft
landið. Vegir á þessu svæði eru víða
illa farnir og komnir að þolmörk-
um viðhalds. Þá sér Borgarverk um
fræsingu á um fimm kílómetra veg-
arkafla á Þverárfjalli og ýmis önn-
ur verk. „Það eru nú um 30 starfs-
menn á launaskrá hjá okkur, sem er
með besta móti miðað við undan-
gengin ár,“ sagði Óskar í samtali
við Skessuhorn. mm
Skrifað var undir nýjan stofnana-
samning við hjúkrunarfræðinga
HVE sl. miðvikudagskvöld. Í til-
kynningu á heimsíðu Heilbrigðis-
stofnunar Vesturlands segir að for-
sendur samningsins sé 4,8% hækk-
un launa skv. jafnlaunaátaki stjórn-
valda. Þar sem að enginn stofnana-
samningur hafði verið gerður við
HVE, voru í gildi átta samning-
ar við hjúkrunarfræðinga frá fyrri
tíð með nokkrum blæbrigðamun.
„Talsvert verkefni var því að leita
eftir samræmingu ýmissa þátta og
náðust áfangar í þeim efnum. Samn-
ingurinn er gerður í trausti þess að
fé fáist svo hægt verði að efna þau
ákvæði sem leiða munu til aukinna
útgjalda,“ segir í tilkynningunni.
Stofnanasamningurinn var gerður
þegar biðlund hjúkrunarfræðinga á
HVE var á þrotum, einkum þeirra
sem starfa á hand- og lyflækninga-
deild sjúkrahússins á Akranesi. Eins
og fram kom í frétt Skessuhorns í
síðustu viku höfðu þeir boðað upp-
sagnir, en um 25 hjúkrunarfræð-
ingar starfa á áðurnefndum deild-
um á Akranesi. þá
Á kynningarfundi um tillögu að
nýju aðalskipulagi fyrir Akra-
nes 2013-2025 sem haldinn var sl.
miðvikudagskvöld komu fram all-
margar fyrirspurnir. Þar á meðal
var spurt um fjölda ófrágenginna
og lausra íbúða í bænum og einn-
ig fjölda tilbúinna lóða. Fram kom
að í hverfum í uppbyggingu væru
lausar og tilbúnar lóðir fyrir 281
íbúð í einbýli og rað- eða parhús-
um í Flata- og Skógahverfi. Í fram-
haldi af svörum Runólfs Þórs Sig-
urðssonar skipulags- og bygginga-
fulltrúa og Regínu Ásvaldsdóttur
bæjarstjóra var leitt að því líkum að
þegar búið væri að byggja á lóðun-
um og koma uppsteyptum húsum í
not, væri um að ræða húsnæði fyr-
ir hundruð íbúa þannig að nálgað-
ist þúsundið.
Sem kunnugt er var fjölda út-
hlutaðra lóða í Flata- og Skóga-
hverfi skilað í hruninu og aðdrag-
anda þess og er áætlað að Akranes-
kaupstaður eigi þar í jörð verðmæti
um 800 milljónir króna. Tvær stór-
ar blokkir hafa staðið uppsteyptar
frá hruni og lentu undir Íbúðalána-
sjóði. Önnur þeirra við Holtsflöt
seldist á dögunum en hin við Haga-
flöt er óseld. Framkvæmdir eru að
hefjast við blokkina við Holtsflöt
og einnig eru byrjaðar framkvæmd-
ir við blokkina Sólmundarhöfða 7
eins og Skessuhorn hefur greint frá
og er nú komin í hendur einkaaðila
frá Landsbankanum.
Regína Ásvaldsdóttir bæjarstjóri
sagði á fundinum að margar auð-
ar íbúðir og hús á Akranesi væri í
eigu Íbúðalánasjóðs. „Við höfum
mikinn áhuga fyrir að koma þess-
um íbúðum í not og helst vildum
við að þær yrðu lagfærðar og settar
á sölu eða í leigu. Það gefur bænum
slæma ásýnd að hafa þessar íbúðir
tómar og svo er þörf fyrir leiguhús-
næði á Akranesi. Við eigum í við-
ræðum við Íbúðalánasjóð um hugs-
anlegt samstarf á þessu sviði.“ Að-
spurð segir Regína að þetta séu
tugir íbúða en það sé samt einhver
hreyfing á markaðnum, til dæmis
með nýlegri sölu á Holtsflötinni.
þá/ Ljósm. Friðþjófur Helgason.
Tilbúnar lóðir og lausar íbúðir fyrir
fleiri hundruð manns á Akranesi
Svipmynd frá nýjum vegarkafla í Reykholtdal og hluti tækjakosts Borgarverks.
Ljósm. bhs.
Góð verkefnastaða hjá Borgarverki
Nýr stofnanasamningur við
hjúkrunarfræðinga hjá HVE