Skessuhorn - 03.01.2014, Síða 19

19FIMMTUDAGUR 3. JANÚAR 2014
Vilja endurskoðun
á verðlagsmálum
AKRANES: Á aðalfundi sjó­
mannadeildar Verkalýðsfélags
Akraness, sem haldinn var daginn
fyrir gamlársdag, voru samþykktar
nokkrar ályktanir. Meðal annars til
sjávarútvegsráðherra um að taka
verðlagsmál sjávarafurða til gagn­
gerrar endurskoðunar. Einkum í
ljósi þeirrar staðreyndar að þjóð­
arbúið í heild sinni verði af millj­
örðum króna ár hvert vegna þess
að nú sé í gildi tvöföld verðlagn­
ing á sjávarafurðum. Á fundinum
var mótmælt afnámi sjómannaaf­
sláttar. Einnig krafðist aðalfund­
ur sjómannadeildar VLFA þess að
allur fiskur færi á markað, eða að
fiskmarkaðsverð verði ætíð látið
gilda þegar veiðar og vinnsla eru á
einni og sömu hendi og afla land­
að beint inn í vinnsluna. –þá
Stungu af án þess
að borga
REYKH/DALIR: Félagar úr
Björgunarsveitinni Heimamönn­
um í Reykhólahreppi og Björgun­
arsveitinni Dagrenningu á Hólma­
vík fóru skömmu fyrir jól upp á
Þröskulda til aðstoðar fólki sem
sat þar fast í þremur bílum. Fólkið
var flutt á gististað hjá Ferðaþjón­
ustunni Þurranesi í Saurbæ en bíl­
arnir skildir eftir. Þegar kom fram
á morgundaginn eftir kom í ljós
að fólkið var farið frá Þurranesi og
hafði fengið far til að sækja bílana.
Í einum bílnum var par sem kom
svo aftur og gerði upp gistinguna
en fólkið í hinum bílunum lét
aldrei sjá sig né heldur heyra frá
sér. Frá þessu er sagt á vef Reyk­
hólahrepps. „Maður bara skilur
þetta ekki,“ segir Brynjólfur Víðir
Smárason formaður Björgunar­
sveitarinnar Heimamanna. „Þarna
eru menn úr tveimur björgunar­
sveitum búnir í sjálfboðavinnu að
bjarga fólki í vandræðum og svo er
ekki einu sinni hægt að borga fyrir
gistinguna sem búið var að kaupa,
heldur stungið af. Þetta er ekki
bara leiðinlegt, þetta er ljótt,“ seg­
ir Brynjólfur. –þá
Lántaka vegna
framkvæmda á
Höfða
AKRANES: Á fundum bæjar­
ráðs og bæjarstjórnar Akraness
milli jóla og nýárs var samþykkt
ábyrgð á lántöku dvalarheimil­
isins Höfða upp á 60 milljónir
króna. Lánið er tekið hjá Lána­
sjóði sveitarfélaga vegna bygg­
ingar nýrrar hjúkrunarálmu og
breytingu á tvíbýlum í einbýli,
sem komu til framkvæmda fyr­
ir nokkru. Ábyrgðin skiptist milli
eignaraðila að Höfða, en þar
á Akraneskaupstaður 90% og
Hvalfjarðarsveit 10%. Lántakan
var samþykkt samhljóða í bæjar­
stjórn Akraness. –þá
Tilfæringar á
brennustæði á
Hvanneyri
LBD: Vegna framkominna kvart­
ana frá hesteigendum á Hvann­
eyri til lögreglunnar í Borgar­
firði og Dölum var fyrirhugað
brennustæði fært á Hvanneyri.
Sátt náðist um að brennan yrði
tendruð þar sem hún var stað­
sett fyrir ári. Um litla áramóta­
brennu var að ræða og tókst vel
með að kveðja árið við þá „krútt­
legu“ brennu eins og einn að­
komumaður hafði á orði, en hann
var þarna í fyrsta sinn um áramót,
segir í dagbók lögreglunnar. -þá
Á fundi sveitarstjórnar Dalabyggð­
ar rétt fyrir jólin var samþykkt að
hefja undirbúning fyrir félagsmið­
stöð ungmenna í sveitarfélaginu.
Ungmennaráð Dalabyggðar skor­
aði á sveitarstjórn að setja í for­
gang að útvega húsnæði fyrir félags­
miðstöð fyrir ungmenni í sveitarfé­
laginu. Sveitarstjórn og byggðaráð
samþykktu að ráðinn verði starfs­
maður í samvinnu við UDN sem
fyrst og að honum verði m.a. falið að
aðstoða ungmennaráð við að koma
á fót félagsmiðstöð. „Það hefur ver­
ið helsta baráttumál hjá okkur að fá
félagsmiðstöð fyrir unglinga. Það
vantar nauðsynlega fyrir unglinga
hér einhvern stað þar sem þeir geta
hist, sinnt áhugamálum og haft fé­
lagsskap. Eftir grunnskólann er lítið
hér fyrir unglingana við að vera. Við
erum líka að vonast til að ef við fáum
félagsmiðstöð geti hún orðið kveikja
að meira starfi hjá unglingunum,“
segir Elísabet Ásdís Kristjánsdóttir
einn þriggja fulltrúa í ungmennaráði
Dalabyggðar. þá
V i ð b r a g ð s á æ t l u n
Hvalfjarðarganga hef­
ur verið endurskoðuð
og samþykkt af þeim
sem hlut eiga að máli,
sú þriðja sinnar teg­
undar frá upphafi. Hún
tekur til verkaskipt­
ingar og samskipta
þeirra sem að málum
koma við óhöpp eða
slys í göngunum. Sér­
stök viðbragðsáætlun
var í gildi þegar göng­
in voru opnuð sumar­
ið 1998. Hún var end­
urskoðuð frá grunni 2004 og hefur
verið í gildi í þeim búningi þar til
nú að nýja viðbragðsáætlunin leysti
hana formlega af hólmi miðviku­
daginn 18. desember síðastliðinn.
Almannavarnadeild ríkislög­
reglustjóra stýrði vinnu við end­
urskoðun áætlunarinnar. Megin­
markmið þess verkefnis var að setja
áætlunina upp á sama hátt og aðrar
séráætlanir í almannavarnakerfinu,
svo sem fyrir flugvelli, hafnir, jarð­
skjálfta og eldgos. Ný viðbragðs­
áætlun Hvalfjarðarganga nær til
lögreglu, slökkviliða, starfsmanna
Spalar, björgunarsveita, Landhelg­
isgæslunnar, sjúkrahúsa, Vegagerð­
arinnar og fleiri. þá
Fjárhagsáætlun sveitarfélagsins
Dalabyggðar fyrir næsta ár og næstu
þrjú ár var samþykkt við seinni um­
ræðu á fundi sveitarstjórnar þriðju­
daginn 17. desember sl. Þar er
gert er ráð fyrir að rekstarniður­
staða Dalabyggðar verði lítillega
jákvæð á hverju ári á áætlunartíma­
bilinu. Skuldahlutfall verði áfram
um 70%, það er að meðtöldum líf­
eyrisskuldbindingum, og að fjár­
hagsleg viðmið sem sett eru fram
í sveitarstjórnarlögum séu þann­
ig uppfyllt. Til að þetta sé mögu­
legt þarf að sýna töluvert aðhald í
rekstri sveitarfélagsins, segir í bók­
un frá fundinum.
Á árinu 2014 er gert ráð fyrir að
heildartekjur A­ og B­hluta sveit­
arsjóðs Dalabyggðar verði um 664
millj. kr. en heildargjöld án fjár­
magnsliða um 643 millj. kr. Fjár­
magnsliðir verða neikvæðir um 20
milljónir króna og rekstrarniður­
staða samstæðu jákvæð um rúma
eina milljón króna. Áætlað er að
rekstarniðurstaða A­hluta verði já­
kvæð um 2,6 millj. kr.
Fjárfest verður samkvæmt áætl­
uninni fyrir 38 milljónir og ný lán­
taka verður allt að 35 milljónum
króna. Gert er ráð fyrir að á næsta
ári verði komið upp aðstöðuhúsi á
íþróttavelli í Búðardal, urðunarstað
í landi Höskuldsstaða, endurnýja
aðstöðuhús á tjaldsvæði í Búðardal,
ljúka endurbótum utanhúss á Dala­
búð og stjórnsýsluhúsi og byrja
á fráveitukerfi í hesthúsahverfi.
Gert er ráð fyrir að leik­ og tón­
listarskólagjöld og mötuneytisgjöld
hækki um 2,5% en aðrar gjaldskrár
hækki almennt um 4,2%. Í fjár­
hagsáætluninni er gert ráð fyrir að
framlegðarhlutfall verði um 7% og
handbært fé í árslok 2014 verði um
30 milljónir króna.
þá
Sturlaugur H. Böðvarsson AK var
eitt fárra skipa á veiðum í lok árs­
ins. Skipið kom til hafnar aðfarar­
nótt gamlársdags með 80 tonn af
góðum fiski. Lagt
var upp í túrinn
á miðnætti ann­
ars í jólum en ekki
var hægt að veiða
fyrsta sólarhringinn
vegna veðurs. ,,Það
var ekki fyrr en um
miðnætti sólarhring
síðar að vindhrað­
inn fór niður fyrir
20 m/s og þá gátum
við tekið fyrsta holið. Við byrjuð­
um í kantinum vestur af Halanum
og veiddum austur eftir og á laug­
ardeginum vorum við að veiðum
á Þverálshorninu. Þorskveiðin var
góð og við fengum einnig ýsu með.
Síðasta holið tókum við svo út af
Snæfellsjökli og fengum þá fjögur
til fimm tonn af ufsa og karfa. Allt
er þetta mjög góður fiskur og vel á
sig kominn,“ sagði Eiríkur Jónsson
í frétt á vef HB
Granda. Eirík­
ur segir veiðarnar
hafi að mestu hafa
verið á Vestfjarða­
miðum á þessu
ári. Lætur nærri
að þorskafli skips­
ins sé um 2.300
tonn á árinu. Það
er veruleg aukn­
ing frá fyrri árum
þegar mest áhersla ísfisktogaranna
var lögð á veiðar á karfa og ufsa.
,,Hér áður fyrr vorum við um það
bil með 800 til 1.200 tonn af þorski
á ári sem nokkurs konar meðafla
með karfa og ufsa,“ segir Eiríkur.
þá
Þokkalegur jólatúr
hjá Sturlaugi
Viðburðir um hátíðirnar
Ýmsar samkomur eru fastir liðir yfir
hátíðarnar, jól og áramót. Hér eru
nokkrar svipmyndir af samkomum
í Borgarfirði og Borgarnesi.
Í Brúarási í Hálsasveit er áratuga hefð fyrir jólatréssamkomu. Komið er saman,
dansað í kringum jólatréð og jólasveinar kíkja í heimsókn. Á eftir er síðan drekk-
hlaðið kökuhlaðborð. Ljósm. bhs.
Hópur ungs tónlistarfólks í Borgarfirði hefur nú í nokkur ár boðið íbúum í hér-
aðinu á tónleika. Að þessu sinni smekkfyllti Uppsveitin Reykholtskirkju með söng
og tónlistarflutningi. Ljósm bhs.
Hinn guðdómlegi gleðileikur var sýndur á þriðja dag jóla í Hjálmakletti í Borgar-
nesi, en verkið er nú sýnt annað hvert ár á sama tíma. Að þessu sinni var Eiríkur
Jónsson leikstjóri en söngur og leikur í höndum Borgnesinga og nærsveitunga.
Nær húsfyllir var á sýninguna og góð stemning. Ljósm. Guðrún Jónsdóttir.
Félagsmiðstöð í undir-
búningi í Dölunum
Elísabet Ásdís Kristjánsdóttir einn
þriggja fulltrúa í ungmennaráði
Dalabyggðar.
Frá undirskrift neyðaráætlunarinnar. Gylfi Þórðarson
framkvæmdastjóri Spalar og Stefán Eiríksson lög-
reglustjóri höfuðborgarsvæðisins.
Ný og endurskoðuð viðbragðs-
áætlun vegna Hvalfjarðarganga
Rekstur Dalabyggðar
verði í jafnvægi