Skessuhorn - 05.03.2014, Blaðsíða 10

10 MIÐVIKUDAGUR 5. MARS 2014
Flokkurinn Björt framtíð hef-
ur ákveðið að bjóða fram lista til
sveitarstjórna í stærstu sveitarfé-
lögum landsins. Á
vef flokksins kem-
ur fram að sveit-
arstjórnarmál BF
gangi vel. Framboð
eru komin vel á veg
í Kópavogi, Hafn-
arfirði, Reykjavík,
Akureyri og á Akra-
nesi. Þá herma heim-
ildir Skessuhorns að
stefnt sé að framboði í Snæ-
fellsbæ. Á Ísafirði, í Garðabæ og
Árborg eru stofnfundir á dagskrá
næstu daga. Síðastliðinn fimmtu-
dag fór stofnfundur BF á Akranesi
fram í Garðakaffi á Akranesi. Þar
lagði flokksfólk grunn að framboði
í vor. Kosin var fimm manna stjórn,
en hana skipa: Anna Lára Stein-
dal, Magnús Gunnarsson, Pálmi
Pálmason, Svanberg Eyþórsson og
Vilborg Þórunn Guðbjartsdóttir.
Í tilkynningu frá fundinum á
fimmtudaginn segir: „Fundarmenn
ræddu gildi Bjartrar framtíðar og
áherslur í komandi
bæjarstjórnarkosn-
ingum sem fram fara
31. maí nk. Kosið var
í uppstillingarnefnd
sem vinna mun með
framkvæmdarstjórn
að framboðsmálum
næstu vikurnar. Björt
framtíð á Akranesi er
opið og frjálslynt stjórn-
málaafl sem tekur öllum
þeim opnum örmum sem vilja
stuðla að gagnsæjum og siðrænum
stjórnarháttum, gera bæjarbraginn
fjölbreyttari og skemmtilegri. Hafa
má samband við Svanberg með
tölvupósti á svanbergjulius@gma-
il.com, en opnuð hefur verið Fés-
bókarsíða undir heitinu Björt fram-
tíð Akranesi og félagssíða á Bjort-
framtid.is.“
mm
L – listinn í Stykkishólmi hélt for-
valskosningu fyrir sveitarstjórnar-
kosningarnar í vor. Alls kusu 122 í
forvalinu. Listinn hefur einnig ver-
ið samþykktur á fundi framboðs-
ins. L-listi félagshyggjufólks vann
nauman meirihlutasigur í Stykk-
ishólmi fyrir fjórum árum. Hann
fékk 50,4% atkvæða en D-listi
Sjálfstæðisflokks hlaut 49,7%. Að-
eins munaði sex atkvæðum á milli
listanna. Þar með féll meirihluti
Sjálfstæðisflokksins sem hafði set-
ið í 36 ár. Lárus Ástmar Hannes-
son leiðir sem fyrr L-listann. Um
síðustu mánaðarmót tók hann við
bæjarstjórastólnum af Gyðu Steins-
dóttur sem lætur af störfum.
L-listinn verður svona skipaður
fyrir komandi kosningar:
1. Lárus Ástmar Hannesson
2. Ragnar Már Ragnarsson
3. Helga Guðmundsdóttir
4. Davíð Sveinsson
5. Berglind Axelsdóttir
6. Dagbjört Höskuldsdóttir
7. Baldur Þorleifsson
8. Kolbrún Ösp Guðrúnardóttir
9. Bjarki Hjörleifsson
10. Birta Antonsdóttir
11. Jón Einar Jónsson
12. Hrefna Frímannsdóttir
13. Guðmundur Helgi Þórsson.
mth
Sigurður Ingi Jóhannsson, um-
hverfis- og auðlindaráðherra, hef-
ur skipað starfshóp til að fjalla um
hugmyndir um hreindýraeldi og
hreindýraræktun sem nýja búgrein
hér á landi. Hópnum er falið að
fjalla um málið frá öllum hliðum og
að draga fram þau atriði sem gætu
skipt máli fyrir villt hreindýr hér á
landi, verndun þeirra og veiðar, bú-
fjársjúkdóma og landbúnað og land-
nýtingu. Hópurinn mun fara yfir
áhrif þess að taka stóran hluta dýra
úr stofni hreindýra til þess að koma
upp hjörð eldisdýra og þess að sam-
bærilegum fjölda eldisdýra verði
skilað aftur í villtan stofn hreindýra.
Skoða þarf fjölda atriða sem varða
hreindýraeldi, meðal annars áhrif
af breyttri landnýtingu og beit-
arálagi, áhrif á hreindýraveiðar og
sjúkdóma, sjúkdómahættu og sjúk-
dómavarnir, hvaða áhrif hreindýra-
eldi hefði á arðgreiðslur til landeig-
enda og hvort greiðslur skuli koma
fyrir afnot af hluta stofnsins, svo
fátt sé nefnt.
Starfshópurinn er skipaður
fulltrúum umhverfis- og auðlind-
aráðuneytis, atvinnuvega- og ný-
sköpunarráðuneytis, Sambandi ís-
lenskra sveitarfélaga, Náttúru-
fræðistofnunar Íslands, Umhverf-
isstofnunar, Bændasamtaka Íslands,
Hreindýraráðs, Náttúrustofu Aust-
urlands, Skotvís og Matvælastofn-
unar. Starfshópurinn skal skila nið-
urstöðu og tillögum sínum eigi síð-
ar en 15. desember 2014.
mm
Góð mæting var á ársfundi Vest-
urlandsskóga sem fram fór á Hót-
el Borgarnesi síðdegis á föstudag-
inn. Þetta er í fyrsta skipti sem
Vesturlandsskógar standa fyr-
ir fundi sem þessum og segir Sig-
ríður Júlía Brynleifsdóttir fram-
kvæmdastjóri að markmið hans hafi
verið að kynna fyrir skógarbænd-
um hvað væri framundan á árinu.
„Ég var mjög ánægð með fund-
inn og sérstaklega ánægjulegt var
að sjá hvað margir mættu. Á fund-
inum var starfs- og rekstraráætl-
un Vesturlandsskóga kynnt auk
þess sem haldin voru tvö örerindi.
Það fyrra var um ræktun ávaxta-
trjáa, en Hraundís Guðmundsdótt-
ir sagði þar frá lokaritgerð sinni við
LbhÍ. Seinna erindið var um rækt-
un„mini“ trjáplantna og flutti það
Trausti Jóhannsson. Í mínu inn-
leggi rakti ég síðan hvaða verkefni
verður ráðist í á árinu auk þess sem
ég brýndi fyrir skógarbændum að
halda vel utan um ræktunarbókhald
sitt. Stefnt er að því að minna verði
gróðursett í ár en í fyrra þar sem fé
verður frekar nýtt í nauðsynlegar
gæðaúttektir á jörðum. Með þessu
verður eftirlit og eftirfylgni af okk-
ar hálfu sett í betri farveg. Einnig
hyggjumst við framkvæma árang-
ursmat á eldri gróðursetningum á
þessu ári,“ segir Sigríður.
Þrátt fyrir þessa áherslubreytingu
segir Sigríður Júlía að engu að síð-
ur verði 280 þúsund plöntur settar
í jörðu á árinu auk þess sem 5 kíló-
metrar af skjólbeltum verða lögð
út. „Fjárframlag til okkar stóð hér
um bil í stað milli ára og er nú 50,6
milljónir króna. Við erum að vona
að botninum sé náð í þeim efnum.
Stjórnvöld ætla sér að auka fjár-
framlög til skógræktar á kjörtíma-
bilinu og liggur þingsályktunartil-
laga um eflingu skógræktar sem at-
vinnuvegar nú fyrir á Alþingi.“
Sigríður segir Vesturlandsskóga
stefna að því að halda ársfundi ár-
lega á þessum tíma árs til að efla
tengslin við skógarbændur. Það
henti vel þar sem starfsáætlun ligg-
ur jafnan fyrir á þessum tíma og
sömuleiðis horfur á plöntufram-
boði ársins.
hlh
Meðfylgjandi mynd var tekin um
síðustu helgi í sundlauginni í Borg-
arnesi. Ágæt mæting var í laugina
og mikið spjallað í heitu pottunum.
Greinilegt var að vorhugur var kom-
inn í gesti jafnvel þótt hitastigið væri
ekki hátt og sólin enn lágt á lofti.
Vegna framkvæmda við Íþrótta-
miðstöðina var útisvæðinu og sund-
lauginni hins vegar lokuð á mánu-
daginn. Verður lokunin til og með
morgundagsins, fimmtudagsins 6.
mars. Sundlaugin verður svo opnuð
á nýjan leik föstudaginn 7. mars og
geta gestir þá tekið gleði sína á ný.
mm/ Ljósm. Helena Guttormsd.
Björt framtíð stofnuð
á Akranesi
Starfshópur um
hreindýraeldi
Vorhugur í sundlaugargestum
Efstu frambjóðendur á L-listanum í Stykkishólmi. Frá vinstri: Davíð Sveinsson,
Berglind Axelsdóttir, Lárus Ástmar Hannesson, Helga Guðmundsdóttir, Ragnar
Már Ragnarsson, Dagbjört Höskuldsdóttir og Baldur Þorleifsson. Ljósm. sá.
L­listinn skipaður í Stykkishólmi
Skógarbændur fjölmenntu á fundinn sem fram fór á Hótel Borgarnesi.
Vesturlandsskógar héldu
ársfund í Borgarnesi
Sigríður Júlía Brynleifsdóttir framkvæmdastjóri Vesturlandsskóga fer yfir starfs-
áætlun ársins.