Skessuhorn - 05.03.2014, Blaðsíða 14
14 MIÐVIKUDAGUR 5. MARS 2014
„Við höfum ekki mikinn áhuga á
að berja á karlinum, það er loðnu-
hængnum. Hrognafull hrygnan er
það sem við viljum helst. Skipin eru
því farin vestur fyrir Breiðafjörðinn
í loðnuleit,“ sagði Ingimundur Ingi-
mundarson útgerðarstjóri hjá HB
Granda í samtali við Skessuhorn á
mánudagsmorguninn. Hann segir
að lítið sé að gerast í loðnuveiðun-
um meðan karlloðnan er ráðandi,
enda engin hrogn þar af fá núna
þegar dýrmætasti tími vertíðarinn-
ar er runninn upp. Ingunn landaði
1000 tonnum á Akranesi á föstu-
dagskvöld og Faxi kom með smá-
slatta, um 100 tonn á laugadags-
kvöldið. Það var mestallt karlloðna
þannig að ekkert kom út úr þeim
skurði og allt fór í bræðslu. Bændur
úr Dölum og aðrir sem hafa unnið
við hrognafrystinguna voru því ekki
að störfum í byrjun vikunnar. Ingi-
mundur sagði að það væri þó enn
talsvert eftir að hrognatímanum og
menn vonuðu að meira ætti eftir
að veiðast, enda rúmlega helming-
ur eftir af kvótanum. Loðnukvóti
HB Granda á yfirstandandi ver-
tíð er um 40 þúsund tonn. Búið er
að veiða tæplega 19.000 tonn. Þar
af hefur verið landað tæpum 7.000
tonnum á Akranesi, allt til hrogna-
frystingar. þá
Vesturland er mjög aftarlega á merinni
þegar kemur að löndunum á uppsjávar-
afla (síld, loðnu, makríl og kolmunna)
í höfnum landshlutans. Þetta sýnir ný
samantekt hjá Fiskistofu yfir landaðar
uppsjávartegundir eftir höfnum landsins.
Þrátt fyrir að veiðar á íslensku sumar-
gotssíldinni hafi að mestu farið fram við
Vesturland á undanförnum árum, loðn-
an endi göngur sínar við Vesturland og
hrygni þar og mikið af markíl hafi ver-
ið vestur af landinu undanfarin sumur,
þá berst ekki hátt hlutfall uppsjávarafla á
bryggjur í landshlutanum. Austfirðir eru
hins vegar með yfirburðastöðu og stinga
af með vinninginn.
Fiskistofa birti nýverið samantekt-
ina á heimasíðu sinni. Fáum þarf að
koma á óvart að Akranes kemur þar fram
sem mesta og nær eina uppsjávarfiski-
höfn landshlutans. Á síðasta ári var bær-
inn í 11. sæti yfir aflahæstu löndunar-
hafnir í uppsjávarfiski. Hlutdeild Vest-
urlands er þó lítil í löndunum á uppsjáv-
arafla á Íslandi. Á síðasta ári var 4,09%
af þessum afla landað í landshlutanum.
Frá árinu 2008 hefur þetta hlutfall sveifl-
ast frá 3,655 upp í 5,22% þegar mest var
árið 2009. Til samanburðar tóku hafnir
á Austfjörðum við 58,21 til 68,53% pró-
sentum af árlegum uppsjávarafla á sama
árabili, 2008 til 2013.
mþh
Upplýsingatæknifyrirtækið Omn-
is hefur keypt fyrirtækið Net-
vistun ehf. „Netvistun hefur lagt
áherslu á að sinna litlum og með-
alstórum fyrirtækjum sem vilja
þjónustu við sínar heimasíður svo
þær verði í senn lifandi og virki
vel sem markaðstæki. Í dag er
fyrirtækið með rekstur á um 500
heimasíðum sem vistaðar eru í
hýsingu Omnis. Í hverjum mán-
uði fara 10-20 nýjar eða uppfærð-
ar heimasíður í loftið. Netvistun
verður rekin sem sjálfstæð þjón-
ustueining og mun áfram bera
sama nafn. Starfsfólkið hefur nú
þegar flutt aðstöðu sína til Omn-
is í Ármúla 11 og vinnur þar þétt
með öðru starfsfólki Omnis,“ seg-
ir í fréttatilkynningu.
Eggert Herbertsson, fram-
kvæmdastjóri Omnis, segir að í
gegnum tíðina hafi mikið af við-
skiptavinum Omnis óskað eft-
ir aðstoð í vefmálum, en þeim er-
indum hafi fram til þessa þurft að
vísa annað. „Nú getum við sinnt
heimasíðugerð og þjónustu við
heimasíður og höfum til þess frá-
bært starfsfólk sem er með mikla
reynslu og þekkingu,“ segir Egg-
ert. mm
Rjómabúið Erpsstaðir er fimm
ára um þessar mundir og á dög-
unum var þar í þriðja skipti hald-
ið námskeið í skyrgerð. Átta sóttu
námskeiðið og kom hluti nemanna
gagngert til landsins til
þess að læra að gera skyr.
Þetta er þriðja skyrgerð-
arnámskeiðið á Erpsstöð-
um. Tólf manns hafa nú á
námskeiðunum lært hina
aldagömlu list að gera
skyr og hafa einungis þrír
þeirra verið búsettir hér
á landi. Áhugi útlending-
anna er eftirtektarverður
ekki síst í ljósi þess að all-
ir þessir skyrgerðarnemar
hafa leitað til Rjómabúsins
af fyrra bragði því skyr-
gerðarnámskeið hafa aldrei verið
auglýst.
Að sögn Þorgríms Einars Guð-
bjartssonar bónda og mjólkurfræð-
ings fer námskeiðið þannig fram að
þátttakendur mæta á mánudags-
morgni. Það tekur nokkurn tíma
að gera skyr og fer því mestur tím-
inn í bið. Sjálf skyrframleiðslan tek-
ur rúman sólarhring og fer fram í
fjórum þrepum. Til að brjóta upp
tímann sem er á milli þrepanna er
farið með gestina um Suðurdalina,
þeim sýndir Eiríksstaðir, borholan í
Reykjadal og sagðar sögur frá land-
námi og sögu Dalanna. Á mánu-
dagskvöldinu þegar skyrþykkn-
ið var komið í pokana er þátttak-
endum boðið í glas, en þá
er smakkað á nýrri skyr-
mysu. Einnig var boð-
ið upp á nýjan mysudrykk
sem fyrirtækið Íslandus er
að hefja framleiðslu á, en
sá drykkur er framleiddur
úr mysu frá Rjómabúinu
Erpsstöðum.
Að afloknum morgun-
mat á þriðjudagsmorgni
mætir námskeiðsfólk til að
kíkja á niðurstöðu fram-
leiðslunnar og fengu að
smakka á nýju skyri. Síð-
an var slatta af skyri pakkað í dós-
ir og fékk hver þátttakandi að taka
með sér dós til að njóta þegar heim
var komið. mm
Faxi og Ingunn við bryggju á sunnudagsmorguninn. Ljósm. mm.
Lítil spenna meðan einungis
karlloðnan veiðist
Omnis býður nú þjónustu í vefmálum
Útlendingar sækjast eftir því að læra skyrgerð
Höfn 2008 2009 2010 2011 2012 2013
Akranes 26.763 22.736 32.979 32.652 44.573 27.254
Arnarstapi 6 10 277
Rif 22 84 393 824
Ólafsvík 1 11 9 179 1.016
Grundarfjörður 8.461 533 1.724 5.192 7.547
Stykkishólmur 1 87 559 905
Vesturland alls 35.224 22.737 33.566 34.562 50.897 37.823
Landið alls 838.673 622.647 643.277 758.758 1.021.665 924.418
Hlutdeild
Vesturlands %
4,2 3,65 5,22 4,55 4,98 4,09
Nr. Höfn Afli (tonn)
1 Neskaupstaður 210.169
2 Vestmannaeyjar 173.297
3 Vopnafjörður 106.220
4 Eskifjörður 86.491
5 Hornafjörður 66.583
6 Þórshöfn 61.766
7 Seyðisfjörður 44.076
8 Keflavík 38.425
9 Fáskrúðsfjörður 37.450
10 Reykjavík 29.310
11 Akranes 27.254
Alfahæstu löndunarhafnir landsins í uppsjávarfiski (síld, loðnu, makríl og kolmunna) árið 2013.
Hér eru tíu skip á loðnuveiðum vestan við Malarrif á Snæfellsnesi.
Lítið hlutfall af uppsjávarafla berst á land á Vesturlandi
Þessi tafla er unnin upp úr gögnum Fiskistofu. Hún sýnir landanir á uppsjávarafla
á Vesturlandi í tonnum talið á árunum 2008 til 2013 og hlutdeild landshlutans í
heildarlöndunum.