Skessuhorn - 02.04.2014, Blaðsíða 13
13MIÐVIKUDAGUR 2. APRÍL 2014
Eigendur fyrirtækisins Eðalfisks í
Borgarnesi komu færandi hendi í
Grunnskólann í Borgarnesi í síð-
ustu viku og gáfu skólanum átta
iPad spjaldtölvur. Tilefnið er 10
ára rekstrarafmæli núverandi eig-
enda Eðalfisks sem eignuðust lax-
vinnsluhluta fyrirtækisins 1. mars
2004. Eigendur Eðalfisks eru þau
Kristján Rafn Sigurðsson, Dagný
Hjálmarsdóttir og Birgir Bene-
diktsson. Það voru þau Signý Ósk-
arsdóttir skólastjóri og Hilmar Már
Arason aðstoðarskólastjóri sem
tóku við gjöfunum frá Eðalfiski.
Að sögn Kristjáns Rafns Sigurðs-
sonar eru spjaldtölvurnar gefnar til
að nota við kennslu í skólanum og
munu þær bæði nýtast til almennrar
kennslu og sérkennslu. Hann segir
mikilvægt að nemendur og kenn-
arar grunnskólans hafi aðgang að
góðum tækjum eins og iPad spjald-
tölvum í kennslunni, enda er völ á
ótal góðum kennsluforritum eða
„öppum“ til að hala niður og nota
í tölvunum.
„Við í Eðalfiski tókum ákvörðun
fyrir áramót að gera eitthvað fyrir
samfélagið í tilefni tíu ára afmæl-
isins. Þar sem grunnskólinn hefur
mátt þola niðurskurð til tækjakaupa
á undanförnum árum fannst okk-
ur því einboðið að gefa skólanum
spjaldtölvur til að nota til kennslu.
Við teljum að gjöfin nýtist sam-
félaginu einna best svona,“ sagði
Kristján Rafn í samtali við Skessu-
horn.
Grunnskólafólk var að vonum
ánægt með gjöfina og sagði Signý
Óskarsdóttir skólastjóri í samtali
við Skessuhorn að vélarnar muni
nýtast vel í skólastarfinu. „Þær
munu auka á fjölbreytni í kennslu
og í úrvinnslu nemenda á hug-
myndum sínum í náminu. Á þess-
um tímamótum vill skólasamfélag-
ið þakka Eðalfiski fyrir þann hlý-
hug sem fyrirtækið sýnir skólanum
með þessari gjöf,“ sagði Signý.
Þess má geta að Eðalfiskur færði
einnig Barnaspítala Hringsins
spjaldtölvu að gjöf í tilefni afmæl-
isins en það var Birgir Benedikts-
son stjórnarformaður fyrirtækisins
og fjölskylda hans sem afhenti spít-
alanum gjöfina.
hlh
Eðalfiskur gaf Grunnskóla
Borgarness átta spjaldtölvur
Kristján Rafn Sigurðsson eigandi og framkvæmdastjóri Eðalfisks afhendir Signýju Óskarsdóttur skólastjóra og Hilmari Má
Arasyni aðstoðarskólastjóra spjaldtölvurnar. Með þeim á myndinni eru þær Eydís Alma og Elísabet Kristjánsdætur, nemendur
við skólann.
Fyrir um fjórum árum varð bana-
slys á Langjökli. Mæðgin féllu í
sprungu og lét móðirin lífið en það
tókst að bjarga ungum syni hennar.
Í framhaldi af slysinu tóku nokkr-
ir ferðafélagar þeirra sig saman og í
samvinnu við Landsbjörgu var haf-
in kortlagning á helstu sprungu-
svæðum á jöklum landsins. Þess-
ari vinnu er nú lokið og geta þeir
sem ferðast á jöklum sótt í GPS
tæki sín sprungusvæðin og nýtt sem
mikilvæg hjálpartæki við akstur-
inn. Skrá fyrir GPS tæki má finna
á vefsíðunni www.safetravel.is. Þar
má einnig finna leiðarpunkta sem
saman mynda þekktar hættuminni
leiðir yfir jöklana. Hér er því um að
ræða öflugt öryggistæki fyrir alla þá
sem ferðast um jökla landsins.
mm
Hluti forsíðumyndarinnar af Útkalls-
bókinni sem kom út fyrir síðustu jól og
fjallar um umrætt slys.
Hafa kort-
lagt helstu
sprungusvæði
jöklanna
Fundurinn verður haldinn í félagsheimilinu
Hlöðum á Hvalfjarðarströnd, miðvikudaginn
�. apríl ���� og hefst kl. ��:��.
Á fundinum verða kynntar niðurstöður um-
hverfisvöktunar á Grundartanga fyrir árið
����. Þá flytur forstöðumaður Nýsköpunar-
Grundartangi og umhverfið
miðstöðvar Íslands erindi um loftgæðamæl-
ingar í Hvalfirði og fulltrúar fyrir tækjanna
á Grundartanga fjalla um starfsemi sína og
mengunarvarnir.
Fundurinn er opinn öllu áhugafólki um
umhverfið í nágrenni Grundartanga.
Opinn kynningarfundur um umhverfismál og framleiðslu
fyrirtækjanna á Grundartanga.