Skessuhorn - 02.04.2014, Blaðsíða 16
16 MIÐVIKUDAGUR 2. APRÍL 2014
Nýverið fékk Fornbílafjélag Borg-
arfjarðar, sem rekur Samgöngusafn-
ið í Brákarey í Borgarnesi, vilyrði
frá Borgarbyggð um aukið húsnæði
til umráða í eyjunni fyrir starfsemi
safnsins. Að sögn Ólafs Helgasonar
formanns Fornbílafjelagsins er um
að ræða húsnæði gömlu fjárréttar
sláturhúss Kaupfélags Borgfirðinga
og húsnæði kjötmjölsverksmiðju
sláturhússins eða Gúanósins, eins
og það hefur gjarnan verið nefnt.
Bæði rýmin eru nánast við hlið nú-
verandi húsnæðis Samgöngusafns-
ins í fyrrum gærukjallara við slátur-
hússportið í Brákarey. Ólafur seg-
ir samninga við Borgarbyggð vera
á lokastigi en hann reiknar með að
húsnæði kjötmjölsverksmiðjunnar
verði afhent mjög fljótlega. Fjár-
réttin verði síðan að öllum líkind-
um afhent í sumar.
„Við erum einfaldlega búnir að
sprengja af okkur núverandi hús-
næði,“ segir Ólafur spurður út í
stækkun safnsins. „Með því að fá
til umráða húsnæði kjötmjölsverk-
smiðjunnar og fjárréttina getum við
tekið á móti fleiri og stærri tækjum
en hingað til. Framkvæmdir munu
fara af stað eftir að við fáum húsin
afhent en líkt og áður fara þær fram
í sjálfboðavinnu félaga. Að okkar
mati er þetta rökrétt skref að taka
en safnið hefur fengið góðar við-
tökur síðan við opnuðum sumarið
2012,“ bætir Ólafur við. Félagar í
Fornbílafjélaginu er nú orðnir 160
og fer fjölgandi að sögn Ólafs.
Því má við þetta bæta að laug-
ardaginn 10. maí næstkomandi
er fyrirhugað að Forbílafjélag-
ið og Bifhjólafjélagið Raftarnir
haldi sameiginlega sýningu í port-
inu. Kemur hún í stað sýningar sem
Raftar hafa undanfarin ár haldið í
og við Menntaskóla Borgarfjarðar.
hlh
Miðvikudaginn 26. mars sl. var
skrifað undir samning um kaup
Akraneskaupstaðar á húsinu Dal-
braut 6 á Akranesi ásamt fjórum að-
liggjandi lóðum, alls ríflega 12.000
fm. Samkvæmt deiliskipulagi er
gert ráð fyrir að byggingu fjögurra
fjölbýlishúsa með sextíu íbúðum á
lóðunum Dalbraut 4, Þjóðabraut 3,
5 og 7. Húsið á Dalbraut 6 er 851
fm að stærð. Því verður á næsta ári
breytt í alhliða þjónustumiðstöð
fyrir aldraða og er auk þess ætlað að
hýsa starfsemi Félags eldri borgara
á Akranesi og nágrenni. Fram kom
við undirritun samningsins að gera
þurfi breytingar á deiliskipulagi til
að hægt verði að stækka húsið þegar
fram líða stundir, enda er því spáð
að á næstu árum og áratugum muni
fjölga mjög í hópi eldri borgara.
Bifreiðastöð ÞÞÞ er seljandi hússins
og lóðanna, en þar hafa bækistöðv-
ar fyrirtækisins verið frá því húsið
var byggt. Að sögn Þórðar Þ Þórð-
arsonar framkvæmdastjóra verður
nú farið í lokahönnun og byggingu
nýrra bækistöðva fyrir bifreiðastöð-
ina á lóð í eigu ÞÞÞ á Smiðjuvöll-
um. Þeirri byggingu verður flýtt
sem kostur er því gert er ráð fyrir
að afhending hússins við Dalbraut
verði í síðasta lagi 1. mars 2015. Þá
verður hafist handa við breytingar á
því til annarra nota.
Kaupverð hússins og lóðanna er
212 milljónir króna. Fjármögnun
kaupanna var nýverið samþykkt í
bæjarráði Akraness sem viðauki við
fjárhagsáætlun þessa árs. Hvoru-
tveggja var vísað til umfjöllunar og
staðfestingar bæjarstjórnar. Að sögn
Regínu Ásvaldsdóttur bæjarstjóra er
það mjög ásættanlegt verð fyrir 851
fermetra hús á þessum stað auk lóð-
anna. Á aðalfundi FEBAN í byrjun
mars tilkynnti Regína um fyrirhug-
uð kaup og lét þá í ljós von um að
þetta yrði einskonar afmælisgjöf frá
kaupstaðnum til FEBAN sem fagn-
ar einmitt 25 ára afmæli um þess-
ar mundir. Viðræður á milli FEB-
AN og bæjaryfirvalda um bygg-
ingu félagsmiðstöðvar hefur stað-
ið í mörg ár en Akraneskaupstaður
tók húsnæði á þriðju hæð að Kirkju-
braut 40 á leigu fyrir samtökin árið
2002. Það húsnæði er orðið allt-
of lítið miðað við þá gróskumiklu
starfsemi sem er í FEBAN auk þess
sem leigusamningur rennur út í árs-
lok 2016.
Fyrir rúmu ári var því settur í gang
starfshópur sem hafði það hlutverk
að vinna að útfærslu hugmyndar um
þjónustumiðstöð fyrir eldri borgara
á Akranesi. Settar voru þær forsend-
ur að í þjónustumiðstöðinni gætu
allir fundið eitthvað við sitt hæfi og
þar myndi núverandi starf félags-
starfsins á vegum Akraneskaupstað-
ar og starfsemi FEBAN fá sama-
stað. Þennan hóp hafa skipað þeir
Jóhannes Ingibjartsson og Ólaf-
ur Guðmundsson frá félagi eldri
borgara og bæjarfulltrúarnir Þröst-
ur Þór Ólafsson, Sveinn Kristinsson
og Gunnar Sigurðsson. Með hópn-
um störfuðu þær Laufey Jónsdóttir
og Sveinborg Kristjánsdóttir. Meg-
inverkefni hópsins var að skilgreina
kröfur til húsnæðisins, gera tillög-
ur að rekstrarformi, skilgreina starf-
semina og gera rýmisgreiningu. Af-
rakstur þessarar vinnu hefur nú litið
dagsins ljós með undirskrift samn-
ingsins. Fram kom að mikil ánægja
er með lyktir máls, bæði af hálfu
FEBAN félaga og bæjaryfirvalda.
mm
Sláturhússportið í Brákarey. Kjötmjölsverksmiðjan er við enda portsins en fjár-
réttin í gulleita húsnæðinu með hvítu hurðinni.
Samgöngusafnið í Brákarey stækkað
Skrifað undir kaupsamning á Dalbraut 6 á Akranesi
Að undirritun lokinni stilltu viðstaddir sér upp til myndatöku enda söguleg stund. Þarna eru meðal annarra fulltrúar
kaupenda og seljenda hússins, starfshópurinn sem vann að húsnæðismálum fyrir eldri borgara og fulltrúar frá FEBAN.
Þórður Þ Þórðarson og Regína Ásvaldsdóttir staðfesta með handsali kaupin á
húsinu.
Dalbraut 6 verður á næsta ári breytt í þjónustumiðstöð fyrir aldraða á Akranesi.
Ingimar Magnússon sker fyrstu sneiðina af tertu sem reidd var fram í tilefni
dagsins. Hjá honum er Þröstur Þór Ólafsson sem sæti átti í undirbúningshópnum
f.h. bæjarins.
Fyrir hönd FEBAN áttu sæti í undirbúningshópnum vegna kaupa á húsnæði þeir
Jóhannes Ingibjartsson byggingafræðingur og Ólafur Guðmundsson fv. bygg-
ingafulltrúi. Fram kom að reynsla þeirra hefði komið að afar góðu gagni í starfi
hópsins.