Skessuhorn - 02.04.2014, Blaðsíða 38

38 MIÐVIKUDAGUR 2. APRÍL 2014
Hvernig líst þér á skuldaniður-
færsluleið ríkisstjórnarinnar?
Spurning
vikunnar
Sigurlaug Björnsdóttir:
Ég held hún sé ágæt, gagnast
sjálfsagt mörgum.
Guðmundur Gíslason:
Ég hef ekkert kynnt mér hana,
en vona að hún nýtist flestum.
Sigmar Eyjólfsson:
Ágætlega, en hún hefði mátt
ganga lengra.
Dóra Haraldsdóttir:
Mér finnst hún ágæt. Líklegt að
hún eigi eftir að gagnast fólki.
Kári Gunnarsson:
Ég er ekki búinn að skoða hana
almennilega.
(Spurt í Grundarfirði)
Skagamenn gerðu jafntefli við firnasterkt lið Breiða-
bliks úr Kópsvogi þegar liðin mættust í Akraneshöllinni
sl. laugardag í næst-
síðasta leik beggja
liða í Lengjubikarnum.
Garðar Gunnlaugsson
kom sínum mönnum í
ÍA yfir strax á 8. mínútu
leiksins. Guðjón Pétur
Lýðsson jafnaði fyrir
Blika úr vítaspyrnu á
19. mínútu og Finnur Orri Margeirsson kom síðan Kópa-
vogsbúum yfir á 26. mínútu. Andri Adolphsson jafnaði
síðan fyrir Skagamenn á 32. mínútu þannig að jafnt var
í hálfleik, 2:2. Eftir þessa markasyrpu í fyrri hálfleiknum
var ekkert skorað í seinni hálfleiknum, leikurinn þá ekki
eins opinn og í fyrri hálfleiknum og lítið um marktæki-
færi. KR og Breiðablik hafa besta stöðu í riðlinum varð-
andi trygg sæti í 8-liða úrslitum Lengjubikarsins, en
þangað fara tvö efstu lið úr þremur riðlum auk þeirra
tveggja sem hafa besta útkomuna í 3. sætinu. Fyrir síð-
ustu leikina er KR efst í riðli ÍA með 13 stig, Breiðablik
með 12 stig, Keflavík 11 og Grindavík og ÍA með 9 stig.
Sigur gegn Grindvíkingum í Reykjaneshöllinni laugar-
daginn 12. apríl færir ÍA upp í þriðja sætið og gæti fleytt
liðinu í 8-liða úrslitin. Keflavík hefur lokið sínum leikj-
um en KR á eftir að mæta BÍ/Bolungarvík og Breiðablik
Aftureldingu. þá
Skagakonur fara vel af stað í b-deild Lengjubikarins í
knattspyrnu. Síðastliðinn laugardag unnu þær góð-
an sigur á Aftureldingu
á Varmárvelli í Mosfells-
bænum 3:2, en áður
höfðu þær unnið FH 2:0 í
Akraneshöllinni. Öll leika
liðin í Pepsídeildinni í
sumar. Eftir um hálftíma
leik í Mosfellsbænum
kom Guðrún Karítas Sig-
urðardóttir ÍA í 1:0. Hún
bætti síðan við tveim-
ur mörkum sitthvorum
megin við leikhléið þann-
ig að ÍA komst í 3:0 í leiknum. Það var ekki fyrr en á 71.
mínútu sem heimastúlkum í Aftureldingu tókst að laga
stöðuna og þær minnkuðu muninn síðan í 2:3 í upp-
bótartíma. Næsti leikur Skagakvenna í Lengjubikarn-
um verður gegn Fylki í Akraneshöllinni föstudaginn
11. apríl en þessi lið hafa síðustu misserin háð jafna og
spennandi baráttuleiki. Væntanlega verður slíkt einnig
uppi á teningnum að þessu sinni. þá
Árlegt héraðsmót HSH í frjáls-
um íþróttum innanhúss var hald-
ið í íþróttahúsinu Stykkishólmi sl.
laugardag. Keppendur voru 40. 28
komu frá Snæfelli, ellefu frá UMFG
og einn úr Umf. Staðarsveitar. Ald-
ursdreifing var þannig að í flokk-
um 8 ára og yngri og 9-10 ára voru
16 þátttakendur, stelpur og strák-
ar. Það er frekar lítil þátttaka miðað
við fyrri ár, þar sem yngstu hóparn-
ir hafa verið fjölmennastir. Í flokk-
um 11-12 ára og 13-14 ára voru 20
keppendur og síðan voru fjórir eldri
keppendur; tveir 16 ára, einn 17 ára
og einn tvítugur. Það er framför frá
síðustu héraðsmótunum en þá hafa
oft ekki verið keppendur yfir 16 ára
aldri.
Allir flokkar kepptu í 35 m sprett-
hlaupi, langstökki með atrennu og
langstökki án atrennu. Níu ára og
eldri kepptu auk þess í hástökki og
hjá 11 ára og eldri bættist kúluvarp
við. Mótið gekk mjög vel fyrir sig
undir vaskri stjórn Guðnýjar Jak-
obsdóttur mótsstjóra, duglegra for-
eldra og fleiri sem sáu um mæling-
ar, skráningu og að allt gengi vel
fyrir sig. Allir 10 ára og yngri fengu
þátttökuverðlaun en veitt voru
verðlaun fyrir efstu sæti í flokkum
11 ára og eldri. „Í þeim flokkum
eru því miður fáir í hverjum flokki.
Jafnvel svo að dugar ekki alltaf til að
fylla verðlaunasætin, gull, silfur og
brons. Þar eigum við verk að vinna,
að auka þátttöku unglinga í frjáls-
um íþróttum,“ segir í tilkynningu
frá HSH vegna héraðsmótsins. Við
verðlaunaafhendinguna var not-
ið aðstoðar sonar Guðnýjar móts-
stjóra, Brynjars Gauta Guðjónsson-
ar knattspyrnumanns úr Breiðu-
vík á Snæfellsnesi, sem kominn var
á mótið að styðja yngri systur sína.
Brynjar leikur nú með ÍBV og hef-
ur verið í U21 landsliðinu. Hann
var á yngri árum liðtækur frjáls-
íþróttamaður og á ennþá allnokk-
ur héraðsmet sem ekki hafa verið
slegin, t.d. í hástökki, langstökki,
þrístökki, spjótkasti og kúluvarpi
13-14 ára pilta, innan- og utanhúss.
„Við trúum því að frjálsíþróttirnar
á sínum tíma hafi hjálpað Brynjari
að verða enn betri og fjölhæfari fót-
boltamaður,“ segir einnig í tilkynn-
ingunni frá HSH.
Eitt héraðsmet var sennileg-
ast jafnað á mótinu. Stefán Karel
Torfason, fæddur 1994, sem keppir
undir merkjum Snæfells í körfu-
bolta, tók sig til og sá mótsgestum
fyrir æsispennandi hástökksseríu
undir lokin. Stefán Karel stökk 1,90
m. Eftir er að kanna hvort Stefán
Karel er löglegur keppandi í frjáls-
um íþróttum hjá HSH. Þessa hæð í
hástökkinu í unglingaflokkum hafa
einnig stokkið Sæþór H Þorbergs-
son og Hilmar Sigurjónsson. þá
Sunnudaginn 30. mars héldu tíu
krakkar úr 7.-10. bekk áheita-
maraþon til styrktar barna- og
unglingastarfi Umf. Íslendings í
Andakíl í Borgarfirði. Vikuna áður
fóru krakkar í öll hús á svæði ung-
mennafélags til að safna áheitum.
Samtals söfnuðust 83 áheit og ung-
mennafélagar hétu á hverja klukku-
stund sem krakkarnir myndu spila
körfubolta. Krakkarnir spiluðu í
átta klukkustundir og allan tím-
ann af fullum krafti. Eftir fjóra tíma
var tekinn skemmtileikur þar sem
„eldri“ ungmenni tóku leik sín á
milli og sýndu gamla takta. Þetta
voru allt strákar sem hafa verið
öflugir í barna- og unglingastarfi
Ungmennafélagsins Íslendings.
Krakkarnir eru mjög þakklát-
ir fyrir allan þann stuðning sem
þeim barst. Þrátt fyrir þreytu að
loknu maraþoni voru þau þegar
farin að hugsa hvenær þau ættu að
hafa næsta maraþon. Frábær atorka
í þessum krökkum og leikgleðin
skein af þeim allan tímann.
shb
Körfuboltamaraþon hjá Íslendingi
Efri röð: Einar Benedikt, Guttormur Jón, Heiðar Sigurmon, Aron Máni og Pétur
Snær. Neðri röð: Svava Sjöfn, Freyja, Embla Dís og Melkorka Sól. Á myndina
vantar Ölmu Hlín. Ljósmynd: Helena Guttormsdóttir.
Þorsteinn, Pétur Snær, Heiðar Örn, Embla Dís, Davíð, Axel Máni, Anton Freyr,
Andrés og Birgir Örn. Neðri röð: Aron Máni, Svava Sjöfn, Freyja, Melkorka Sól,
Einar Benedikt, Guttormur Jón og Heiðar Sigurmon. Á myndina vantar Ölmu Hlín.
Ljósmynd Helena Guttormsdóttir.
Jafnt hjá Skaga-
mönnum gegn
Blikum
Andri Adolphsson skoraði
annað mark ÍA gegn Blikum.
Skagakonur unnu
Aftureldingu í
Mosfellsbænum
Guðrún Karítas
Sigurðardóttir skorar
grimmt fyrir Skagakonur.
Strákar sem unnu til verðlauna á héraðsmótinu.
Skemmtilegt héraðsmót HSH í
frjálsum íþróttum
Ungar stúlkur sem unnu til verðlauna á héraðsmóti HSH, ásamt Brynjari Gauta
Guðjónssyni sem afhenti verðlaunin á mótinu.