Skessuhorn - 30.04.2014, Blaðsíða 20

20 MIÐVIKUDAGUR 30. APRÍL 2014
Eins og greint var frá í Skessu-
horni fagnaði Guðný Baldvins-
dóttir í Borgarnesi hundrað ára af-
mæli sínu með veislu í Hjálmakletti
á föstudaginn langa. Guðný af-
þakkaði vinsamlegast allar gjafir en
benti hins vegar gestum á söfnun-
arbauk til styrktar MND félaginu
sem var á staðnum. Nú hefur verið
talið úr bauknum og söfnuðust 270
þúsund krónur. Peningana lagði
Guðný umsvifalaust inn á reikning
MND félagsins sem á klárlega eft-
ir að njóta gjafarinnar í mikilvæga
starfi.
Rétt er að geta þess að í síðasta
tölublaði Skessuhorns varð afleys-
ingaritstjóra það á að segja í mynda-
texta við frétt um afmæli Guðnýjar
að hún hefði klæðst skautbúningi í
afmælinu. Það var ekki rétt því eins
og margir glöggir lesendur tóku
eftir þá klæddist Guðný að sjálf-
sögðu upphlut. Beðist er velvirð-
ingar á þessum mistökum.
hlh
Á Safnasvæðinu í Görðum á Akra-
nesi verður handverkskaffið HÚFA
- handbragð úr fornum arfi, hald-
ið mánaðarlega yfir vetrartímann.
Fyrr í apríl var fyrsta kvöldið hald-
ið í Stúkuhúsinu þar sem Sigríð-
ur Karen Samúelsdóttir fór fremst
í flokki og kynnti vattarsaum og
húfugerð. Næsta handverkskaffi
verður svo haldið um miðjan maí-
mánuð þar sem Sigríður mun segja
frá sauðskinnsskóm og baldýringu
á þjóðbúningana ásamt Önnu Leif
Elídóttur.
Dreymir um að koma á
þjóðbúningadegi
Sigríður Karen hefur alla tíð haft
mikinn áhuga á íslenska þjóðbún-
ingnum og öðru gömlu hand-
bragði. Hún gifti sig í upphlut 1973
en eignaðist ekki eigin búning fyrr
en tæpum tuttugu árum síðar og
var það búningur sem hún saum-
aði sjálf. „Ég gifti mig í þjóðbún-
ingi sem mágkona mín á. Mamma
bað mig svo að geyma silfrið henn-
ar ömmu, hún orðaði það þannig
að hún lánaði mér það ef ég myndi
gera eitthvað úr því. Ég fór á mitt
fyrsta námskeið 1995 og gerði þar
minn fyrsta upphlut. Það má segja
að það hafi verið upphafið af þess-
ari söfnunaráráttu minni,“ segir
Sigríður og brosir. Síðan þá hefur
hún sótt fjölda námskeiða í Reykja-
vík til að læra þessa list, ásamt því
að hafa staðið fyrir námskeiðum á
Akranesi. Hún hefur saumað tíu
mismunandi þjóðbúninga, ýmist
fyrir sjálfa sig eða aðra fjölskyldu-
meðlimi og skartar ávallt sínu fín-
asta á Þjóðhátíðardaginn. „Draum-
urinn er að koma á einum þjóðbún-
ingadegi, þann 15. júní. Þar sem
allar konur, menn og börn, komi
saman í sínum þjóðbúningi. Við
viljum gera meira úr þessu forna
handverki en nú er gert og reyna
að skapa stemningu í kringum 17.
júní, þannig að fólk noti gamla og
nýja þjóðbúninga sem leynast víða
á heimilum. Þá hafa konur tæki-
færi til að nota búninginn og æfa
sig að fara í hann. Það eru margir
sem eiga þessa búninga til en nota
þá ekki því það hefur ekki verið til-
efni til þess. Einhverjir segjast ekki
lengur passa í sína búninga en það
má alltaf laga búningana,“ útskýr-
ir Sigríður.
Ekki bara saumaskapur
Sigríður er fullviss um að áhugi
leynist víða fyrir þjóðbúninga-
gerð og einnig öðru gömlu hand-
bragði. Til stendur að halda nám-
skeið á Safnasvæðinu í Görðum og
eru hugmyndir um að þau tengist
gömlu handbragði. „Upphafið af
því eru þessi handverkskaffikvöld.
Þau eru hugsuð til að kynna ýmis-
legt sem tengist fornu handbragði
og einnig til að fá að vita hvað fólk
vill læra. Það er svo ótal margt sem
kemur til greina og tengist ekki allt
þjóðbúningum, heldur er þetta fyrir
alla. Vattarsaumur, þar sem saumað
er með bein- eða trénál, er til dæm-
is ekki tengdur búningum heldur
kemur hann beint frá víkingunum.
Svo má nefna að það verður einn-
ig haldið eldsmíðanámskeið,“ segir
Sigríður. Hún segir þó margt tengj-
ast þjóðbúningagerðinni. „Þetta er
samt ekki bara saumaskapur, held-
ur má líka nefna silfursmíði, spjald-
vefnað, baldýringu, útsaum, sauð-
skinnsskó og rósaleppa. Þetta teng-
ist allt ef fólk kýs að búningurinn
sé eins og upprunalegur og hand-
gerður. Áhuginn hjá okkur sem
stöndum að þessu liggur sem sagt
í gömlu handbragði og við viljum
kynna það ásamt því sem tilheyr-
ir þjóðbúningnum,“ útskýrir hún.
Næsta handverkskaffi verður hald-
ið fimmtudaginn 15. maí og þar
verður kynning á sauðskinnsskóm
og baldýring á þjóðbúningana.
Það þarf ekki annað
en áhugann
Í framhaldi handverkskaffisins
stendur til að halda búningadag
sunnudaginn 15. júní. Þann dag
mun Guðrún Hildur Rósinkjær,
sagnfræðinemi og kjóla- og klæð-
skerameistari, halda fyrirlestur um
sögu þjóðbúningsins. „Þá verðum
við öll sem eigum búninga að sjálf-
sögðu uppáklædd. Við viljum endi-
lega gera meira úr þessu og koma
einhverju af stað með þessum fund-
um. Það eru svo margir sem eiga
hluti sem tilheyra þjóðbúningnum
og vita ekki hvað er hægt að gera
við þá. Margir hafa hringt í mig
eða stoppað mig úti á götu og vilj-
að sýna mér hvaða hluti þeir eiga.
Þessi fundur í maí er til að und-
irstrika að fólk komi og hafi fólk
áhuga á að koma með það sem það
á til að fá að vita hvað er hægt að
nota er það alveg sjálfsagt. Margar
hafa komið og gert búninga úr ein-
hverju eldgömlu sem þær héldu að
ekki væri hægt að nota þannig að
oft er eitthvað lítið sem ýtir manni
af stað og í raun þarf ekki annað en
áhugann. Það er um að gera að ýta
fólki af stað. Það er nóg um að vera
í bæjarfélaginu og fólk mætti alveg
vera duglegra að taka þátt og mæta
þegar eitthvað er um að vera,“ seg-
ir Sigríður Karen. Hún bætir því
við að lokum að haldið verði áfram
með starfið að loknu sumri. „Við
förum af stað aftur í haust. Þetta
sem er núna í maí og júní er bara
upphafið af einhverju sem verður
vonandi stærra og meira.“ grþ
Karlakórinn Heiðbjört á sunn-
anverðu Snæfellsnesi og Kvæða-
mannafélag Heiðsynninga héldu
sína árlegu vortónleika í Langa-
holti í Staðarsveit síðasta vetrar-
dag. Um skemmtilega tónleika var
að ræða þar sem bæði góður söng-
ur og líflegur flutningur þeirra tíu
kórfélaga sem sungu í Heiðbjörtu
setti mark sitt á kvöldið. Sungin
voru fjölbreytt lög, m.a. lagið Kell-
ingin eftir Ólínu Gunnlaugsdóttur
og lag í útsetningu Valentinu Kay.
Fjöldi gesta mætti á tónleikana og
var klappað vel fyrir kórnum í lok
kvöldsins sem brást vel við og söng
nokkur aukalög. Kynnir á tón-
leikunum var Kristján Þórðars-
son bóndi á Ölkeldu, sem einnig
sagði nokkrar gamansögur af kór-
meðlimum milli atriða. Stjórnandi
kórsins er Árni Kristjánsson. Fyrir
tónleikana bauð Keli vert, staðar-
haldari í Langaholti, gestum uppá
kjöt- og fiskisúpu sem gekk vel ofan
í gesti.
Karlakórinn Heiðbjört var stofn-
aður árið 2010 og eru kórfélagarnir
sem alls eru þrettán talsins bæði úr
Staðarsveit, Eyja- og Miklaholts-
hreppi og Breiðuvík. Kórinn hef-
ur staðið fyrir öflugu kórstarfi frá
stofnun og eru vortónleikarnir í
Langaholti einn af hápunktunum í
starfi hans.
psj/hlh
Sigríður Karen og Guðjón Sólmundar-
son eiginmaður hennar í fullum skrúða
á 17. júní.
Handverkskaffi haldið mánaðarlega á Akranesi
Sigríður Karen hefur gert marga þjóðbúninga síðastliðin ár. Hér er hún ásamt
fjölskyldu sinni í uppáklædd í búninga eftir Sigríði.
Sómakonan Guðný Baldvinsdóttir á hundrað ára afmæli sínu.
Færði MND félaginu
270 þúsund krónur
Karlakórinn Heiðbjört á sviði í Langaholti. Ljósm. psj.
Skemmtilegir tónleikar
í Langaholti