Skessuhorn - 25.06.2014, Blaðsíða 34
34 MIÐVIKUDAGUR 25. JÚNÍ 2014
Mikil aðsókn á róbótasýninguna
Meðal viðburða á 17. júní á Akra-
nesi var opnun Rótbótasýningar í
kjallara hússins við Skólabraut 37,
við hlið Akratorgs. Um er að ræða
safn í eigu Björgvins Björgvinsson-
ar en það hefur ekki verið aðgengi-
legt almenningi fyrr en nú. Það eru
Björgvin og eiginkona hans Krist-
björg Traustadóttir sem standa fyr-
ir sýningunni í samstarfi við Akra-
neskaupstað en sýningin stendur
fram í júlí og er aðgangur ókeyp-
is. Á róbótasýningunni gefur að líta
á sjötta hundrað róbóta og geim-
tengdra leikfanga allt frá árinu 1950
til dagsins í dag. Stöðugur straum-
ur fólks var á sýninguna á opnun-
ardaginn og greinilega mikill áhugi
fyrir vélmennunum og geimverun-
um, ekki bara hjá ungum sýningar-
gestum.
Þess má geta að Regína Ásvalds-
dóttir bæjarstjóri á Akranesi og
fyrrum starfsmaður Reykjavíkur-
borgar náði sér einmitt í kveðju-
gjöf úr róbótasafninu þegar hún og
fleiri kvöddu Jón Gnarr fráfarandi
borgarstjóra í Reykjavík á dögun-
um. Var þessi gjöf við hæfi, þar sem
borgarstjóri lýsti, eins og frægt er í
viðtali á RUV, aðdáun sinni á geim-
verum. þá
Björgvin Björgvinsson og kona hans Kristbjörg Traustadóttir sem standa að
róbótasýningunni.
Hátíðardagskrá í Rifi með vöfflum
og Grímuverðlaunaverki
Klukkan tvö sunnudaginn 29. júní
nk. býður leikhúsið Frystiklefinn í
Rifi upp á hátíðardagskrá. Tilefn-
ið er að Árni Kristjánsson, einn
þriggja starfsmanna Frystiklefans,
vann Grímuna fyrir útvarpsverk
ársins. Frystiklefinn er leikhús og
menningarmiðstöð í Rifi á Snæ-
fellsnesi, en í Frystiklefanum rúm-
ast fleiri gestir en búa í bænum.
Kári Viðarsson leikhússtjóri er
að vonum stoltur af Árna: „Okk-
ur í Frystiklefanum fannst það til-
valið að kynna verkið hans Árna
almennilega fyrir bæjarbúum og
öðrum sem hafa áhuga. Söngur
hrafnanna fjallar um Davíð Stef-
ánsson frá Fagraskógi og við bjóð-
um fólki í leikhúsið þar sem hægt
verður að hlusta á verkið og fá kaffi
og vöfflur. Dagskráin hefst stund-
víslega kl. 14 en einnig verða söng-
lög og kynning á Davíð Stefáns-
syni. Aðgangur er ókeypis og dag-
skránni lýkur áður en næsti fót-
boltaleikur hefst í sjónvarpinu!“
Árni starfar við miðasölu og
tæknikeyrslu í Frystiklefanum en
þess á milli vinnur hann að næsta
leikriti sem er styrkt af Menning-
arsjóði tengdum nafni Jóhannes-
ar Nordal. „Það er frábært að hafa
fengið vinnustofu hér í Frystiklef-
anum til að reita hárið yfir næsta
verki,“ segir Árni glaður í bragði.
„Það tók langan tíma að skrifa
Söng hrafnanna og rannsóknar-
vinnan var mikil. Ég hef fjallað um
Davíð og þetta verk mitt á kynn-
ingum í Róm, Reykjavík og á Akur-
eyri. Ég vona að sem flestir mæti til
okkar í kaffi og vöfflur hér í Rifi.“
Nánari dagskrá Frystiklefans
má finna á heimasíðu leikhússins
þar sem fjöldi viðburða á ensku
og íslensku verða haldnir þar yfir
sumartíðina. mm
Árni Kristjánsson við skilti sem vísar leið til Frystiklefans.
Í blankheitanna köldum klóm - kvelst ég langan daginn
Vísnahorn
Þegar Kári Stefánsson samdi við björgun-
arsveitirnar um söfnun á erfðaefnissýnum
varð þar með ósjálfráð tenging milli ímynd-
anna hvort sem sú tenging er nú með réttu
eða röngu. Eitthvað fór þessi samtenging
fyrir brjóstið á Rúnari Kristjánssyni og þótti
enda að ekki hefði Erfðagreiningarforstjórinn
fengið fullan skammt af pólitískum hugsjón-
um föður síns. Varð það tilefni eftirfarandi:
Á staurfætinum stóð sig vel
Stefán faðir Kára.
En eignaðist þann syndasel
sex og tuttugu ára.
Sitthvað lagt á suma er,
sækir vandi að höndum,
þegar erfðaferlið fer
fullkomlega úr böndum.
Helst í engu sonur sá
sínum líkist pabba,
En horfði snemma hrifinn á
hrokkinkollinn Dabba!
Það verður ekki annað sagt en vorið hafi farið
vel með okkur til þessa og nú er bara að vona
að sumarið haldi því áfram. Að vísu er aðeins
raki í loftinu þessa stundina en það hlýtur nú
að stytta upp. Bjarni Halldórsson á Uppsöl-
um orti:
Allir dagar eiga kvöld,
allar nætur dögun.
Það er huggun þeim sem köld
þykir lífsins ögun.
Lúðvík Kemp orti um vin sinn Eið á Skálá
sem var holdugur nokkuð svo að sagt var að
í Skagafirði bæri hann aðeins einn reiðhestur
sem hann átti sjálfur.
Sunnanblærinn kyssir kinn.
Hvar mun tíðin betri?
Ekki lagði Eiður minn
af á þessum vetri.
Það verður ekki annað sagt en það sé vorleg-
ur tónn í þessari vísu eftir Þórarinn Þorleifs-
son frá Skúfi:
Geðið fangar gamanið
grös í anga haga,
golan vanga gælir við
góða, langa daga.
Löngum hefur komið einhver órói í ungviðið
á vorin og breytir ekki alltaf mestu hver dýra-
tegundin er eða hvort um er að ræða ferfæt-
linga eða tvífætlinga. Um innri óróa í ungum
mönnum kvað Jón Bjarnason í Garðsvík:
Ungir menn í minni sveit
margir órótt sváfu
þegar fögur fyrirheit
falleg augu gáfu.
Ennþá glepja gamla menn
gömul fyrirbæri.
Suma þeirra angra enn
ónýtt tækifæri.
Ásgrímur Kristinsson frá Ásbrekku þurfti um
skeið að bregða búi vegna aðstæðna sem hann
réði ekki við en svo fór þó að hann hóf búskap
að nýju og ekki ólíklegt að þá hafi eftirfarandi
vísa orðið til:
Ýmsu breyta örlög hörð
eg það veit með sanni
Gott er að leita á gróna jörð
gömlum sveitamanni.
Lengi hafa menn haft misjafnar skoðanir á
aðgerðum stjórnarinnar og skiptir ekki öllu
hver stjórnin er. Það eru þá bara ekki ná-
kvæmlega sömu mennirnir sem eru með eða
móti viðkomandi aðgerðum eftir því hvaða
flokkar eru við völd í hvert sinn. Ekki virð-
ist sem Óskar í Meðalheimi hafi verið allt-
of hrifinn af starfandi ríkisstjórn þegar hann
stakk þessu að vini sínum:
Sýnir flaustur stjórnarstarf
stefnulaust og hrynur.
Forsjá trausta þjóðin þarf.
Þetta kaustu vinur.
Einhvern veginn virðist það loða við marga af
okkar stjórnmálamönnum að þeir sýnast vera
nokkuð ánægðir með eigið ágæti og jafnvel
sannfærðari en aðrir um yfirburði sína. Um
einhvern ágætismann kvað Guðmundur Val-
týsson:
Vís til frama verður hér,
veginn breiða gengur,
ágætlega af sjálfum sér
sýnist vita drengur.
Ein ágæt frímúrarastúka fór fyrir allmörgum
árum í skemmtiferð austur að Hlíðarvatni í Sel-
vogi og gistu menn í tjöldum. Eftir að búið var
að tjalda fóru menn að gera sér gott af einhverri
vökvun sem með var í ferðinni og mun hafa
verið í ætt við veitingar sem fram voru born-
ar í brúðkaupsveislu í Kana þarna suðurfrá fyr-
ir margt löngu. Meðal þátttakenda voru þeir
Björn Sveinbjörnsson sem þá hefur líklega ver-
ið sýslumaður í Hafnarfirði og séra Garðar Þor-
steinsson. Hluti þátttakenda gekk niður að vatn-
inu en ekki höfðu allir gangmátt til að koma sér
í tjöldin aftur enda veður hið blíðasta. Morgun-
inn eftir er Björn Sveinbjörnsson á fótum þeg-
ar hann sér prestinn koma gangandi neðan frá
vatni og heldur þreytulegan. Björn tók nú flösku
sem hann hafði nærtæka og gekk í mót klerki og
rétti að honum með þessum orðum:
,,Séra Garðar; Súptu á.“
Klerkur tók við og dreypti á sakramentinu og
rétti síðan til baka og segir:
,,Svona vín er gott að fá.“
Sýslumaður réttir aftur til baka og segir:
,,Súptu á aftur. Súptu á enn.“
Ekki þurfti að eggja klerkinn til góðra verka
en réttir svo til baka með orðunum:
,,Svona læknast timburmenn“.
Það er nú með timburmenn eins og marga
aðra sjúkdóma að þeir læknast með tímanum
séu menn ekki dauðir áður. Hinsvegar hefur
mönnum ekki alltaf gengið vel að lifa á loftinu
eða ástinni einmata þó hvorutveggja sé nauð-
synlegt bæði líkama og sál. Brynjólfur Kúld
mun hafa ort eftirfarandi á námsárum sínum í
Kaupmannahöfn.
Í blankheitanna köldum klóm
kvelst ég langan daginn.
Vestislaus á vondum skóm,
vandra ég um bæinn.
Tóm er buddan, tómt er allt,
tómar báðar hendur.
Þar á ofan er mér kalt;
yfirhöfnin stendur.
Maginn eignast ekki hót,
alveg tómur munnur.
Ég er allur eins og rót
og ákaflega þunnur.
Stundum hafa flogið einhverjar smá hnútur
milli sjómanna og bænda þó allt sé það í góðu.
Ingvar Magnússon fór fyrir margt löngu
til Reykjavíkur og ætlaði að þéna grimmt á
vertíðinni en minna varð úr því en til stóð þar
sem lítið aflaðist. Ekki veit ég hvort að eftir-
farandi vísa varð til þegar hann kom til baka
úr þeim leiðangri en vel gæti það verið:
Margir sækja sjóinn fast,
syrgja ei gengin sporin,
þó finnst mér ávalt fallegast
fram til dala á vorin.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715