Skessuhorn - 25.06.2014, Blaðsíða 40

www.skessuhorn.is
Á þriðja þúsund síður af efni á ári – um 160.000 fréttir, tilkynningar, greinar og annað efni af Vesturlandi
Þetta allt færðu í Skessuhorni – hvergi annars staðar
Ertu nokkuð að missa af? Ertu áskrifandi?
Áskriftarsíminn er 433-5500 og á heimasiðunni: www.skessuhorn.is
Franski listamaðurinn Francois
Jouas Poutrel er nú staddur hér á
landi til að teikna myndir af vitum
á Vesturlandi. Myndirnar teikn-
ar hann með bambus pennum og
bleki og verða þær til sýnis í Sögu-
miðstöðinni í Grundarfirði næsta
mánuðinn. Francois er vel þekkt-
ur listamaður í heimalandi sínu en
hann var þar vitavörður í 35 ár áður
en hann lét af störfum árið 2008.
Francois kemur frá bænum Paimpol
í Frakklandi sem er vinbær Grund-
arfjarðarbæjar en koma Francois
og sýningin á verkum hans er sam-
starfsverkefni Franska sendiráðsins
á Íslandi, Grundarfjarðarbæjar og
Alliance francaise samtakanna á Ís-
landi. Þetta er þó ekki fyrsta heim-
sókn Francois til Íslands en hann
kom einnig hingað til lands í mars
á þessu ári. Þá sýndi hann verk sín í
Norræna húsinu auk þess sem hann
lagði grunninn að þeim teikning-
um sem eru til sýnis í Sögumið-
stöðinni í Grundarfriði. Alls eru 20
teikningar á sýningunni í Grundar-
firði, tíu eru af vitum á Vesturlandi
og aðrar tíu af vitum frá heimaslóð-
um Francois í Frakklandi. Sýningin
hófst föstudaginn 20. júní og stend-
ur til 20. júlí.
Hver viti er
einstakur í útliti
Francois hefur lengi fengist við
teikningar og málun og eru vitar í
sérstöku uppáhaldi hjá honum. „Ég
hef alltaf haft gaman að því að teikna
og mála. Ég byrjaði að teikna þegar
ég var strákur og þegar ég starfaði
sem vitavörður fór ég að lesa lista-
bækur og mála vitann minn í mörg-
um mismunandi liststílum. Það
besta við vita er að það eru engir
tveir alveg eins. Þeir eru reistir við
mjög mismunandi aðstæður og því
hefur hver viti sitt sérstaka útlit. Ég
hef farið víða um heiminn að teikna
myndir af vitum og er orðinn sér-
fræðingur í þeim. Ég þekki ólíkan
byggingarstíl þeirra og ég er orðinn
svo fróður um þá að ef mér er sýnd
mynd af vita get ég undantekninga-
laust giskað á hvar hann er staðsett-
ur,“ segir Francois.
Vill teikna meira
af Íslandi
Francois mun snúa aftur til Frakk-
lands eftir tíu daga ferð sína um Ís-
land en hann vonast til að koma aft-
ur og teikna meira af Íslandi. „Ég
er mjög hrifinn af Íslandi og von-
andi verð ég kominn hingað aftur
áður en langt um líður. Ég myndi
vilja fara til Vestmannaeyja og hitta
vitavörðinn þar, sem mér er sagt að
sé sá síðasti á Íslandi. Það er margt
sem ég gæti teiknað á Íslandi fyr-
ir utan vita. Ég hef mestan áhuga
á að teikna byggingar og það eru
margar kirkjur og bryggjur hér á
Íslandi sem mér finnst fallegar,“
segir Francois að lokum um fagran
byggingarstíl Íslendinga. jsb
Francois heldur hér á mynd sem hann teiknaði af gamla vitanum á Suðurflös en
hún er ásamt öðrum myndum til sýnis í Sögumiðstöðinni í Grundarfirði.
Franskur listamaður teiknar myndir af vitum á Vesturlandi
Franski listamaðurinn og fyrrum vitavörðurinn, Francois Jouas Poutrel á toppi Akranesvita.
Francois sést hér teikna mynd af
Akranesvita í bók sem hann færði
Hilmari Sigvaldasyni, umsjónarmanni
Akranesvita að gjöf.
Gleðilega Brákarhátíð!

Í tilefni Brákarhátíðar í Borgarnesi er öllum krökkum boðið á Landnáms- og
Egilssögusýninguna í Landnámssetrinu laugardaginn 28. júní

Opið alla daga kl. 10.00 – 21.00
Brákarbraut 13-15 • www.landnam.is • s: 437 1600
S
K
E
S
S
U
H
O
R
N
2
01
4
LANDNÁMSSETur Íslands