Víkurfréttir - 24.09.2009, Blaðsíða 18

10 BLÓMSTRANDI MANNLÍF VÍKURFRÉTTIR 11VÍKURFRÉTTIR BLÓMSTRANDI MANNLÍF
Agnar Breiðfjörð Sigurvinsson
sigrar í drengjahlaupi UMFK
á skírdag 1957. Á myndinni
eru nokkrir piltar sem síðar
urðu þjóðþekktir. Krjúpandi
við stöngina lengst til
hægri er tímavörðurinn
Sigurður Eyjólfsson. Næstir
honum standa þeir Guðni
Steini Skúlason, Gísli
Sighvatsson, Stefán Karlsson,
Eiríkur Guðnason síðar
seðlabankastjóri, Þórhallur
Guðjónsson brautarvörður
og skipuleggjandi, Ellert
Eiríksson síðar bæjarstjóri,
Guðmundur Gunnarsson,
Bjarni Valtýsson og Eiríkur
Jóhannsson. Við öxlina á
hlauparanum eru þeir Ólafur
Marteinsson, Rúnar Júlíusson
og Stefán Bergmann. Aðrir á
myndinni eru óþekktir.
„Þegar ég gekk í UMFK
stóð félagið að vissu leyti á
tímamótum,“ sagði Þórhallur
í viðtali við afmælisrit UMFK
1979. „Um það leyti voru að
verða miklar breytingar á
félagsstörfum hér í Keflavík.
Ný félög höfðu verið stofnuð
sem höfðu á stefnuskrá
sinni mál, sem lengi höfðu
verið baráttumál UMFK og
félagið var búið að hrinda
í framkvæmd að meira eða
minna leyti. Félög þessi
afmörkuðu svið sitt meira
en UMFK hafði gert og gátu
því einbeitt kröftum sínum
að ákveðnum verkefnum.
Þegar þessi staða kom
upp fór UMFK að sinna
íþróttastarfinu meira en
áður og var það í samræmi
við það sem gerðist hjá
öðrum ungmennafélögum.
Þegar ég gekk í félagið var þar
allfjörugt knattspyrnustarf.
Þá var ráðist í að senda flokk
til keppni í Íslandsmótinu.
Keppnisfyrirkomulagið var
útsláttarkeppni og fengum
við KR sem mótherja, en
það félag hafði á að skipa
harðsnúnu liði. Viðureign
okkar var hin sögulegasta,
þar sem það var ekki fyrr
en í þriðju viðureigninni
sem úrslit fengust, hinir
tveir leikirnir urðu báðir
jafntefli. Keppni þessi vakti
töluverða athygli í Keflavík
og varð til þess að ýta undir
knattspyrnuiðkanir, þar sem
menn sáu svart á hvítu, að við
stóðum jafnfætis þeim bestu.“
Þann 12. júlí 1950 kom saman hópur
ungra Keflvíkinga þeirra erinda að
stofna knattspyrnufélag. Þessi hópur
kaus sér stjórn og gáfu félaginu
nafnið Knattspyrnufélag Keflavíkur.
Stofnendurnir voru 69 talsins.
Strax eftir stofnun KFK var handknatt-
leikur ofarlega á stefnuskrá félagsins
og leikið í karla og kvennaflokkum.
Handboltinn hafði frá upphafi verið
ein aðalgreinin í starfi félagsins þótt
handknattleikur hæfist ekki fyrir alvöru
fyrr en með tilkomu nýs leikfimisalar við
barnaskólann í Keflavík í ársbyrjun 1958.
Stúlkurnar úr KFK náðu mjög góðum
árangri í handbolta og unnu Íslandsmótið
í II. flokki árið 1965, bæði úti og inni.
Úrvalslið Suðurnesja, forveri ÍBK, lék til úrslita við Akureyri 26. ágúst
1955. Þetta var síðasta sameiginlega lið Suðurnesjaúrvals með sjö
leikmönnum frá KFK, fjórum frá Reyni í Sandgerði og einum frá Víði í
Garði. Neðri röð frá vinstri: Einar Sigurðsson, Garðar Pétursson, Hafsteinn
Júlíusson, Heimir Stígsson, Eyjólfur Gíslason, Sigurður Albertsson. Efri
röð frá vinstri: Gunnlaugur Gunnlaugsson, Vilbergur Jónsson, Eiríkur
Helgason, Þórhallur Stígsson, Svavar Færseth, Páll Jónsson.
Halldór Pálsson og
Þórhallur Guðjónsson á
hlaupabrautinni á gamla
vellinum sem seinna varð
Skrúðgarður Keflavíkur.
80 ára saga
KFK - viðburðarík saga og gott veganesi
Þórhallur Guðjónsson var einn þeirra manna
sem unnu gífurlega mikið og óeigingjarnt
starf í þágu UMFK og helguðu raunar félaginu
flestar sínar frístundir. Hann var á sínum yngri
árum í fremstu röð íþróttamanna félagsins og
tók einnig virkan þátt í félagsstörfunum að
öðru leyti allt frá því að hann gekk í félagið
1947. Hann var í stjórn Ungmennafélags
Keflavíkur í 15 ár og fyrst kjörinn formaður
UMFK 1954-1956, en tók sér síðan þriggja
ára hvíld frá formannsstörfunum og var
þá varaformaður. Aftur varð svo Þórhallur
formaður félagsins og þá í tíu ár samfellt.
Að auki átti hann svo um tíma sæti í
stjórn Frjálsíþróttasambands Íslands.
Breytingar á
félagsstörfum
Afburða keppnismaður og
skipuleggjari í forystu UMFK