Víkurfréttir - 24.09.2009, Blaðsíða 22

14 BLÓMSTRANDI MANNLÍF VÍKURFRÉTTIR 15VÍKURFRÉTTIR BLÓMSTRANDI MANNLÍF
Sundbærinn Reykjanesbær
Íþróttabærinn Reykjanesbær
Í jólablaði Keflavíkur 2008 ræðir Guðmundur Jón Bjarnason,
formaður Sunddeildar Keflavíkur um sundbæinn og
íþróttabæinn Reykjanesbæ og segir meðal annars:
„Í dag búa í Reykjanesbæ:
Aldursflokkameistarar Íslands í sundi
Bikarmeistarar kvenna í sundi
Bikarmeistarar karla í sundi
Fleiri Íslandsmeistarar í sundi, IM50,
en í nokkru öðru bæjarfélagi
Íslandsmeistarar kvenna í körfuknattleik
Íslandsmeistarar karla í körfuknattleik
Silfurmeistarar karla í knattspyrnu
Þetta er hreint út sagt ótrúleg upptalning, sé það haft í
huga að í Reykjanesbæ búa þrátt fyrir allt ekki fleiri en
rúmlega fjórtán þúsund manns. Titlarnir sem hér er vísað
til eru allt titlar á landsvísu frá stórmótum sem haldin eru
ár hvert innan viðkomandi greina. Þessir titlar eru glæsileg
kennimerki um öflugt íþróttastarf í Reykjanesbæ...
Það eru forréttindi að búa í bæ sem býr að jafn auðugu
íþróttastarfi og Reykjanesbær. Það er undir okkur sjálfum
komið að tryggja að svo verði áfram, en það gerum við með
því að hjálpa börnum okkar og unglingum að taka þátt í
skipulögðu íþróttastarfi og taka þátt í starfi íþróttafélaganna.“
Allir sem hafa komið nálægt íþróttum
í Keflavík fyrr og síðar þekkja Sigurð
Steindórsson. Íþróttir og þá sérstaklega
knattspyrna og handknattleikur hafa átt hug
hans allan frá unga aldri. Siggi Steindórs
fæddist í Skagafirði 1926 og ólst þar upp hjá
móður sinni fyrstu þrjú árin, en síðan lá leið
hans í Húnavatnssýsluna áður en hann flutti
með móður sinni til Akureyrar árið 1935.
Á Akureyri bjó Sigurður í 16 ár og lék þar
knattspyrnu með KA. Hann kom til Keflavíkur
árið 1951, 25 ára gamall, starfaði um árabil
hjá Flugmálastjórn en þegar íþróttasalurinn
við Myllubakkaskóla var opnaður fékk hann
starf sem húsvörður þar og hófust þá fyrstu
kynni hans af keflvísku íþróttalífi. Árið 1967
var hann ráðinn starfsmaður við íþróttavöllinn
í Keflavík og gegndi því starfi í ellefu ár en
hóf þá störf á launadeild Keflavíkurbæjar.
Sigurður tók mikinn og virkan þátt
í uppbyggingu á malarvellinum við
Hringbraut sem margir töldu besta
malarvöll landsins. Hann og íþróttakappinn
Hólmbert Friðjónsson sem einnig var
vallarstarfsmaður um tíma höfðu veg og vanda
af skipulagningu og framkvæmdum þegar
grasvöllurinn við Hringbraut var byggður.
Handboltinn vinsæll
Í viðtali við jólablað Keflavíkur 1999
rifjaði Sigurður upp handboltann
í Keflavík á árum áður.
„Handboltinn var nú byrjaður í íþróttasalnum
við Myllubakkaskóla og ég byrja að fikta
við hann þegar ég byrja að starfa þar sem
húsvörður. Við Höskuldur Goði Karlsson
byrjuðum að þjálfa þar saman handbolta
og ég man eftir því að það mættu 56 stelpur
á fyrstu æfinguna sem við auglýstum.
Okkur óraði ekki fyrir þessari þátttöku.
Síðan var farið að skipuleggja þetta betur og
iðkaður bæði kvenna- og karlahandbolti.
Haldin voru mót í karla- og kvennaflokki
í íþróttasalnum og mikið um að vera.
Síðan fór af stað Keflavíkurmót á jóladag
og það mót þótti mikill viðburður.
Keflvíkingar urðu Íslandsmeistarar í handknattleik kvenna í 2. flokki árið 1965.Myndin sýnir
hinn sigursæla handknattleiksflokk ÍBK. Fremri röð frá vinstri: Anna Marteinsdóttir, Hanna
Karlsdóttir, Júdý Westley, Guðríður Hreiðarsdóttir, Steinunn Pétursdóttir, Guðný Guðbjörnsdóttir.
Aftari röð frá vinstri: Dóra Ingólfsdóttir, Steinunn Guðnadóttir, Alma Westmann, Sigríður
Harðardóttir og Þorbjörg Óskarsdóttir. Þjálfari flokksins var Pétur Bjarnason (efst í hægra
horni). Keflvíkingarnir unnu Fram í úrslitaleiknum 3:5.
Eðvarð Þór Eðvarðsson
var um langt árabil einn af
öflugustu íþróttamönnum
landsins og jafnframt einn af
bestu sundþjálfurum okkar.
Árið 1986 var Eðvarð kjörinn
íþróttamaður ársins og við
það tækifæri birti Faxi þessa
forsíðumynd af honum.
Keflvískir skólanemendur
á sundæfingu hjá UMFK
veturinn 1965-1966.
Eydís Konráðsdóttir var
í mörg ár ein fremsta
sundkona sem Keflvíkingar
hafa átt. Hún tók þátt
fyrir Íslands hönd í
Ólympíuleikunum í Atlanta
1996 og í Sydney árið 2000.
80 ára saga
56 STELPUR Á FYRSTU ÆFINGUNNI
HJÁ SIGGA STEINDÓRS