Víkurfréttir - 24.09.2009, Blaðsíða 20

12 BLÓMSTRANDI MANNLÍF VÍKURFRÉTTIR 13VÍKURFRÉTTIR BLÓMSTRANDI MANNLÍF
Sá veldur mestu er upphafinu veldur,
segir gamalt orðtæki. Hafsteinn
Guðmundsson var brautryðjandi á
sviði íþróttastarfseminnar á Suður-
nesjum og vann ómetanlegt starf
í þágu ýmissa greina íþrótta, bæði
heima í héraði og á landsvísu. Ferill
hans er sögulegur og sennilega án
fordæma í íslenskri íþróttasögu. Hann
kleif ungur hæstu tinda forfrömunar
í íslenska íþróttaheiminum og
var sæmdur bæði heiðurskrossi
Íþróttasambands Íslands og heiðurs-
krossi Knattspyrnusambands
Íslands þegar hann varð fimmtugur
1973. Heiðurskrossinn er æðsta
heiðursmerki ÍSÍ og KSÍ og aðeins
veittur þeim sem unnið hafa
íþróttum ómetanlegt gagn. Þá var
Hafsteinn kosinn heiðursfélagi
Ungmennafélags Keflavíkur, sem
var æðsta viðurkenning félagsins,
þegar hann varð sextugur.
Hafsteinn var formaður ÍBK
frá stofnun félagsins 1956 fram
til ársins 1975. Hann var í
stjórn HSÍ 1959-1960. Hann var
stjórnarmaður í KSÍ 1968-1972,
landsliðsnefndarmaður og síðar
landsliðseinvaldur 1969-1973 eins
og það var kallað, þ.e. sá um val
á landsliði Íslands í knattspyrnu.
Hafsteinn lék í mörg ár með Val.
Hann varð Íslandsmeistari með
þeim í knattspyrnu 1942-45 og
nokkrum sinnum Íslandsmeistari
í handknattleik bæði innanhúss og
utan. Hann lék á annað hundrað leiki
með meistaraflokki Vals í knattspyrnu
og síðan með ÍBK 1956-60. Þá lék
hann fjóra landsleiki í knattspyrnu
á árunum 1946-51 og einnig þrjá
landsleiki í handknattleik. Á þessum
árum var ekki mikið um landsleiki
í knattspyrnu. Á árunum 1946-51
voru aðeins leiknir 5 landsleikir
eða einn landsleikur á ári. Sama má
reyndar einnig segja um landsleiki
í handbolta. Hér vantaði nógu
stóran íþróttasal fyrir landsleiki
og þeir fáu landsleikir sem hér
fóru fram voru leiknir úti á gamla
Melavellinum. Þetta breyttist þega
Laugardalshöllin var tekin í notkun
1965. Hafsteinn var landsliðsmaður
í handknattleik í fyrstu landsleikjum
Íslands á árunum 1950-1955, einnig
lék hann fyrsta landsleik Íslands
í knattspyrnu - gegn Dönum á
Melavellinum 1946. Hafsteinn gerði
Keflavík að knattspyrnustórveldi á
sjöunda og áttunda áratug síðustu
aldar. Keflvíkingar hrepptu á þessum
tíma Íslandsmeistaratitilinn fjórum
sinnum og unnu meistarakeppni
KSÍ fimm sinnum og urðu
bikarmeistarar 1975. Var þá oft
talað um Gullaldarliðið í Keflavík.
Íslandsbikarinn til
Keflavíkur eftir 10 ár
Hafsteinn var sjálfkjörinn sem
formaður ÍBK við stofnun þess enda
með mikla reynslu af félagsstarfi,
auk keppnisreynslunnar. Hann
segir: „Það var strax byrjað að vinna
skipulega í sambandi við fótboltann.
Við settum okkur það markmið að
Íslandsbikarinn væri kominn til
Keflavíkur eftir 10 ár. Það tókst og gott
betur því eftir aðeins 8 ár var bikarinn
kominn til Keflavíkur. Ástæðan var
sú að við byrjuðum strax að leggja
rækt við yngstu aldurshópana. Við
vorum með mikið af ungum og
efnilegum strákum, héldum þeim við
efnið og þjálfuðum þá uns þeir urðu
Íslandsmeistarar í fjórða flokki 14
ára gamlir, aðeins þremur árum eftir
stofnun ÍBK. Síðan héldum við áfram
með þessa stráka og lögðum mikla
vinnu í þjálfun þeirra uns við náðum
fyrsta Íslandsmeistaratitlinum 1964.
„Þremur árum eftir stofnun
bandalagsins, árið 1959 voru
allir yngri flokkarnir hjá Keflavík
komnir í úrslit og fjórði flokkur
varð fyrsti Íslandsmeistari ÍBK.
Rjóminn úr þessum flokki er síðan
gullaldarliðið sem varð Íslandsmeistari
fimm árum síðar, 1964.
Markaði dýpstu sporin í íþróttasögu Suðurnesja
Gullaldarliðið
Sigursælasta knattspyrnulið Keflavíkur
Tímamót með ÍBK
Árið 1956 stóð KFK
ásamt UMFK að stofnun
Íþróttabandalags Keflavíkur
og lagði þeim samtökum
síðan lið sitt allt. Stofnun
ÍBK markaði tímamót í
íþróttasögu Keflavíkur, því
þá hófst sameiginleg þátttaka
félaganna í Keflavík í öllum
keppnisgreinum og ÍBK tók
við allri almennri þjálfun í
knattspyrnu, handknattleik
og sundi. Skipulagðar
æfingar voru hafnar fyrir
alla aldursflokka í þessum
íþróttagreinum.Nokkur
keppni var þó inn byrðis
á milli félaganna, KFK og
UMFK, og árlega voru
haldin Keflavíkurmót og
Suðurnesjamót í knattspyrnu.
Íslenska landsliðið í knattspyrnu árið 1948 sigraði
Finna 2:0 og var það fyrsti sigur íslensks landsliðs í
knattspyrnu. Hafsteinn Guðmundsson er fjórði leikmaður
frá vinstri í fremri röð. Hafsteinn í bikarflóði. Borðið sem Hafsteinn stendur við svignar undir bikurum eftir
afraksturinn á hápunkti gullaldar 1973 m.a. Íslandsbikarinn, Meistarabikarinn ásamt öðrum
bikurum sem unnust þetta árið. Guðni Kjartansson, fyrirliði, situr við borðið en stóru styttuna
á miðju borði fékk hann eftir að íþróttafréttamenn höfðu útnefnt hann íþróttamann ársins
sama ár. Aðrir á myndinni eru Tómas Tómasson forseti bæjarstjórnar, Jóhann Einvarðsson
bæjarstjóri og Árni Þorgrímsson formaður knattspyrnuráðs.
Íslandsmeistarar ÍBK 1973, yfirburðarlið sem tapaði ekki leik í Íslandsmótinu. Tíu leikmenn liðsins voru í landsliðinu og er það
einstakt í íslenskri knattspyrnusögu að svo margir landsliðsmenn skuldi vera frá einu og sama félaginu.
Fremi röð f.v.: Steinar Jóhannsson, Karl Hermannsson, Einar Gunnarsson, Friðrik Ragnarsson, Jón Sveinsson, Þorsteinn
Ólafsson, Lúðvík Gunnarsson, Ástráður Gunnarsson, Albert Hjálmarsson og Vilhjálmur Ketilsson.
Aftari röð f.v: Joe Hooley þjálfari, Hjörtur Zakaríasson, Ólafur Júlíusson, Guðni Kjartansson, Grétar Magnússon, Stefán Jónsson,
Gunnar Jónsson, Gísli Torfason, Jón Ólafur Jónsson og Hafsteinn Guðmundsson form. ÍBK.
Hafsteinn Guðmundsson gerði
Keflavík að knattspyrnustórveldi: