Frjáls verslun - 01.03.2013, Side 22

22 FRJÁLS VERSLUN 3. 2013
stæðisflokksins teknar inn. Munurinn á
hugmyndum flokkanna er þó ef til vill
ekki svo mikill en forystan verður hjá
framsóknarmönnum. Sjálfstæðisflokkurinn
hefur ekki endurheimt fyrra traust og
stöðu“.
Ólafur telur á hinn bóginn að grund ­
vallarmunur sé á afstöðu Framsóknarflokks
og Sjálfstæðisflokks til skuldaleiðréttingar.
Sjálfstæðisflokkur hafi boðað að skuldir
heimila yrðu lækkaðar með framlagi
ríkissjóðs gegnum skattafslátt og með
lífeyrissparnaði framtíðar.
„Framsóknarmenn lögðu málið upp í
samhengi við uppgjör við erlenda kröfu ­
hafa en útfærðu ekki hugmyndir sínar
í smáatriðum fyrir kosningar. Þessi
sjónarmið hlýtur að þurfa að samþætta,“
segir Ólafur.
Jóhannes Þór telur þennan mun
yfirstíganlegan:
„Formennirnir báðum megin borðs vita
hver staðan er á heimilunum. Þeir vinna
þetta út frá því,“ segir Jóhannes Þór.
Ólafur segir að kenningar um efnahags ­
lega kollsteypu í kjölfar skuldaleiðréttingar
– nái hún fram að ganga – beri sterkan
keim af hræðsluáróðri: „Efnahagslífinu
verður naumast kollvarpað þótt fólk með
hóflegan lífsstíl sé leyst undan stökk ­
breytingunni sem það ber enga sök á og
gert kleift að borga af venjulegum hús ­
næðislánum, rétt eins og gerist í nágranna­
löndunum,“ segir Ólafur

Ótti við öldu mótmæla?
Erfiðara kynni að reynast að útskýra fyrir
fólki ef leiðréttingin kemur misjafnt niður:
„Það verður ekki áhlaupaverk að hafa
alla sátta,“ segir Ólafur. „Það verður engu
að síður að höggva á hnútinn, gera upp
eignir þrotabúa bankanna og krónueignir
annarra. Framsóknarmenn bentu á að
kröfuhafar hafa líka hag af uppgjöri. Aðrir
formenn hafa í vaxandi mæli tekið undir
það. Þarna mun reyna á pólitíska hæfileika
Sigmundar Davíðs að útskýra hvernig
hugsanlegum fjármunum verður varið.
Sigmundur verður sem forsætisráðherra að
skýra þá niðurstöðu sem fæst.“
Sigmundur Davíð hlýtur að gera ráð
fyrir að stjórn hans mæti andstöðu.
Örlög síðustu tveggja ríkisstjórna sýna að
íslenskur almenningur er refsigjarn. Stefanía
telur að þetta atriði hljóti að hafa komið upp
í viðræðum Sigmundar Davíðs og Bjarna
Benediktssonar.
„Auðvitað hljóta þeir að ræða hugsanlega
andstöðu og mótmæli,“ segir Stefanía.
„Þolinmæði fólks er lítil. Það verður
eitthvað áþreifanlegt að koma fram, fljótt.“
Ólafur er á sama hátt viss um að
Sigmundur Davíð og Bjarni hafa rætt
hugsanlega andstöðu:
„Íslenskir kjósendur hafa kastað tveimur
síðustu ríkisstjórnum, hrunstjórninni og
norrænu velferðarstjórninni, út í hafsauga
af fullkomnu miskunnarleysi,“ segir
Ólafur. „Þessi meðferð á stjórnmálastéttinni
er óþekkt í nálægum löndum. Ég tel að þeir
Sigmundur og Bjarni geri sér fulla grein
fyrir að þessi geta líka orðið örlög næstu
ríkisstjórnar.“
Hinn óskipulagði almenningur
Og hvaðan er von á andstöðu?
„Stjórnin þarf varla að glíma við mjög
öfluga stjórnarandstöðu á þingi og ef til vill
ekki frá verkalýðshreyfingunni heldur,“
segir Ólafur. „Það er hinn óskipulagði
almenningur sem hefur með einbeittum
hætti varpað tveimur síðustu stjórnum
fyrir borð; hinni fyrri í fjöldamótmælum og
hinni síðari í sögulegum kosningum sem
eiga sér vart hliðstæðu í Evrópu.“
Jóhannes Þór Skúlason segir að í þessu
efni gildi að vera skýr í málflutningi:
„Það er annar pólitískur veruleiki nú en
var fyrir bara fáum árum,“ segir Jóhannes
Þór. „Áður þurfti mikið til að fólk breytti
afstöðu sinni. Núna þurfa stjórnvöld að
skýra betur hvað þau eru að gera og það er
alls ekki slæmt.“
„Efnahagslífinu verður
naumast kollvarpað
þótt fólk með hóflegan
lífsstíl sé leyst undan
stökkbreytingunni
sem það ber enga sök
á og gert kleift að
borga af venjulegum
húsnæðislánum,
rétt eins og gerist í
nágrannalöndunum,“
segir Ólafur.
Stefanía Óskarsdóttir: „… sagan sýnir
að framsóknar menn tapa oftast
fylgi á samstarfi til hægri.“
STANSLAUSAR
FRAMFARIR
Lexus sameinar lúxus og virðingu fyrir umhverfinu
með lipurð, krafti og litlum útblæstri.
Lexus-Ísland | Kauptúni 6 | Sími: 570 5400
LEXUS RX 450h
ÍS
LE
N
SK
A/
SI
A.
IS
/L
E
X
6
38
57
0
4/
13