Dagblaðið Vísir - DV - 27.06.2008, Side 20

föstudagur 27. júní 200820 Umræða DV
Útgáfufélag: Dagblaðið-Vísir útgáfufélag ehf.
Stjórnarformaður: Hreinn loftsson
framkVæmDaStjóri: Elín ragnarsdóttir
ritStjórar:
jón trausti reynisson, jontrausti@dv.is
og reynir traustason, rt@dv.is
fulltrÚi ritStjóra:
janus Sigurjónsson, janus@dv.is
fréttaStjóri:
Brynjólfur Þór guðmundsson, brynjolfur@dv.is
auglýSingaStjóri:
ásmundur Helgason, asi@birtingur.is
DrEifingarStjóri:
jóhannes Bachmann, joib@birtingur.is
dv á netinu: dv.is
aðalnúmer: 512 7000, ritstjórn: 512 7010,
áskriftarsími: 512 7080, auglýsingar: 512 70 40.
Umbrot: dv. Prentvinnsla: landsprent. Dreifing: árvakur.
dv áskilur sér rétt til að birta aðsent efni blaðsins á stafrænu
formi og í gagnabönkum án endurgjalds.
öll viðtöl blaðsins eru hljóðrituð.
Jón TrausTi reynisson riTsTJóri skrifar. Aðkoma ríkisins að strætó er aðeins sú að það rukkar 350 milljónir króna í virðisaukaskatt.
Ríkið er háð bensíni
Leiðari
Íslenska ríkið vinnur gegn okkur almenningi í mesta hags-munamáli síðari tíma í umhverfis- og efnahagsmálum. Bensín er vont fyrir loftið, vont fyrir fjárhaginn og vont fyrir umhverfið sem við búum í. Loftmengun í Reykjavík
fer reglulega yfir heilsuverndarmörk. Helsta hávaðamengunin
í borginni kemur frá umferðinni. Mesta sjónmengunin í borg-
inni er vegna umferðarmannvirkja. Umferðarmannvirkin eru
mesti kostnaður yfirvalda. Við sjáum fram á tugmilljarða króna
fjárfestingar, sem munu gera borgina ljótari. Stokkur í mið-
bænum, mislæg gatnamót við Kringlumýrarbraut og brú yfir
sundin. Að auki er bensín og rekstur bifreiðar vaxandi liður í
útgjöldum fólks. Rekstrarkostnaður á bíl, sem er tveggja millj-
óna króna virði, er tæplega milljón á ári. Bæði einstaklingar og
heild líða fyrir bíla og bensín.
Tveir innlendir aðilar græða hins vegar á bensínnotkun okk-
ar. Það eru olíufélögin og íslenska ríkið. Í einhverjum tilfellum
fer þetta saman. Bjarni Benediktsson, þingmaður Sjálfstæðis-
flokksins, er til dæmis stjórnarformaður í olíufyrirtækinu N1.
Ríkið hefur samanlagt tæplega 30 milljarða króna í tekjur ár-
lega af umferð og farartækjum. Þetta fæst í gegnum fjölda
gjalda: Þungaskatt, bifreiðagjöld, vörugjald af innfluttum far-
artækjum, olíugjald, vörugjald af bensíni og loks „sérstakt“
vörugjald af bensíni. Tekjur ríkisins af þessum liðum í eitt og
hálft ár duga fyrir því að koma upp jarðlestakerfi á höfuðborg-
arsvæðinu, þar sem meirihluti þjóðarinnar býr. Rekstrarkostn-
aður af strætisvagnakerfinu er aftur á móti einn tíundi af tekj-
um ríkisins af umferðinni. Þetta má ekki misskiljast þannig að
ríkið styrki almenningssamgöngur. Það gerir ríkið ekki. Að-
koma ríkisins að strætó er aðeins sú að það rukkar 350 millj-
ónir króna í virðisaukaskatt. Það jafngildir helmingi af tekjum
strætós fyrir fargjöld á hverju ári. Ríkið vill ekki gera þetta, það
er bara háð bensíni og hegðar sér eins og fíkill.
Fyrir kosningar 2007 lofaði Samfylkingin að gera eftirfarandi:
„Beita hagrænum hvötum og öðrum áhrifaríkum aðferðum til
að minnka notkun mengandi eldsneytis í samgöngum.“
Loforð Sjálfstæðisflokksins eru sams konar, en full af fyrirvör-
um: „Sjálfstæðisflokkurinn vill að efnahagslegir hvatar verði
notaðir í ríkari mæli til að ýta undir almenna notkun vistvænna
ökutækja.“ Og: „Sjálfstæðisflokkurinn vill að skoðaðar verði
leiðir til að efla almenningssamgöngur í samstarfi við sveitar-
félögin.“
Það er ekki nóg að ívilna metanbílum og rafmagnsbílum. Slíkar
aðgerðir eru ágætar en fyrst og fremst táknrænar. Ríkið finnur
ekki fyrir þeim. Aðeins ein leið er best og áhrifamest. Það er
almenningssamgöngur. En ríkinu er sama um þær. Það elskar
einkabílinn, tilbera sinn.
DómstóLL götunnar
Hvernig finnst þér Íslendingar fara með dýr?
„Yfirhöfuð held ég að fólk fari vel með
dýrin, kannski eitt og eitt tilfelli um
annað.“
Fanney Björk Frostadóttir,
27 ára nemi
„Bara ágætlega, þótt ég hafi ekki mikið
vit á þeim málum.“
Anna Kolbeinsdóttir,
25 ára nemi
„Ég veit það ekki, held að íslendingar
fari almennt bara vel með dýrin.“
Pétur Hugus, 46 ára sjúkraliði
„Bara ágætlega, þrátt fyrir einn hund.“
Sverrir Gíslason,
50 ára rafeindavirki
sanDkorn
n Starfsmenn Ríkissaksókn-
ara hafa nú fengið í hendur
skýrslu Lögreglunnar á Sel-
fossi um mál
séra Gunn-
ars Björns-
sonar, sókn-
arprests á
Selfossi.
Séra Gunnar
hefur sem
kunnugt er
verið sakað-
ur um blygðunarsemisbrot þó
allavega sum meint fórnar-
lömb telji að brotin séu alvar-
legri en svo. Nú er þá allavega
runninn upp sá tími þegar
starfsmenn ríkissaksóknara-
embættisins yfirfara mála-
vöxtu og ákveða hvort séra
Gunnar skuli ákærður og þá
fyrir hversu alvarleg brot. Tíð-
inda ætti því að vera að vænta
á næstunni af framvindu máls-
ins.
n Þingmenn gera, alla vega
sumir hverjir, fleira en að
sleikja sólina þessa dagana
þrátt fyrir að
Alþingi sé
komið í sitt
árvissa og
langvinna
sumarfrí.
Þannig er
Íslandsdeild
Evrópu-
ráðsþings-
ins lögst í ferðalög. Guðfinna
S. Bjarnadóttir, Ellert B.
Schram, Steingrímur J. Sig-
fússon og Kristinn H. Gunn-
arsson hafa varið vikunni í
Strasbourg þar sem Evrópu-
ráðsþingið hefur fundað. Þar
hafa þau rætt lýðræði í Evrópu
og stöðu mála í Kína.
n Evrópumótið í fótbolta á hug
og hjörtu margra landsmanna
þessa dagana. Þingmenn eru
margir hverjir engin undan-
tekning og hafa sumir þeirra
fundið sig knúna til að blogga
um leikina. Þannig greinir Val-
gerður Sverrisdóttir, varafor-
maður Framsóknarflokksins,
frá því að hún hafi fylgst með
leik Þjóðverja og Tyrkja og
fagnað mjög í leikslok - enda
sjálf stödd í Þýskalandi þar
sem hún bjó um tíma á sínum
yngri árum. Árni Þór Sig-
urðsson, þingmaður Vinstri-
grænna, er ekki síður áhuga-
samur um mótið, þó á Íslandi
sé, hann var á nálum þegar
hann fylgdist með tveimur
uppáhaldsliðunum sínum,
Rússum og Hollendingum, í
undanúrslitum.
Svarthöfða hefur ekki verið svefnsamt undanfarið enda kýrskýrt að allt er að fara til
andskotans. Krónan fellur oftar en
ofvirkur alkóhólisti og eldsneyt-
isverð setur ný verðmet nánast
daglega. Svarthöfði hefur haft það
ósköp notalegt í þenslunni en er
nú mjög uggandi um eigin hag og
annarra. Enda er enginn eyland
og þegar fjarar undan einu okkar
veit maður aldrei hver er næstur.
Hannes Smárason missti mída-
sartötsið fyrstur og loftið sem hann
snerti hætti að breytast í gull og
FL-Group-bréfin urðu eins og hver
önnur deCODE-bréf. Tískumóg-
úll hér í bæ hefur lokað sjoppunni
og sett upp svuntu og afgreiðir nú
brauðristar og mótatimbur í BYKO.
Þannig að engan þarf að undra að
Svarthöfði óttist um eigin hag.
Týndur í þoku verðbólgu, gengisfalls og eldsneytis-verðs reytti Svarthöfði hár
sitt eins og sturlaður maður í
guðlausum heimi. Svarthöfði hafði
gleymt því að bænin er síðasta
athvarf skúrksins og Guð svarar
öllum sem til hans leita í einlægni.
Svarthöfði gleymdi því í trylltum
dansi í kringum útrásargullkálfana
að Guð býr í garðslöngunni, gadda-
vírnum, gjaldheimtunni, gúmmí-
inu, galeiðunni og gengishruni. Allt
lýtur guðlegri forsjá og það er því
engin tilviljun að krónan sé á leið-
inni til helvítis á meðan bensín-
verðið teygir sig til himna.
Sá skeleggi eldklerkur Gunnar í Krossinum vakti Svarthöfða af martraðardagdraumum um
vítisvist sína í kreppunni með skar-
pri markaðsgreiningu í DV í gær.
„Auður heimsins safnast til þess
landsvæðis sem aldingarðurinn var
í upphafi. Þetta held ég að sé guðleg
ábending til allra um að gæta sín
og gera sig klára,“ sagði Gunnar um
bensínverðið. „Við eigum að hafa
það í huga að það er einn sem öllu
stýrir og stjórnar. Atburðarásin er
fyrirsögð og þetta er hluti af henni.
Hækkandi bensínverð kemur mér
ekki á óvart. Auður er vald og valdið
er flutt á þennan stað og það verður
notað gegn hinum vestræna manni.
Menn skyldu gæta sín. Það er tími
til kominn að skoða stöðu sína.
Maður spyr sjálfan sig þegar þessar
fjármálahremmingar eru um all-
an heim og enginn ræður við neitt
hvort þetta sé þetta lokahrun sem
við eigum von á eða hvort við fáum
einhvern frest. Kannski Geir H.
Haarde komi því til leiðar.“
Auðvitað er Guð prímus-mótorinn í þessu eins og öllu öðru. Guð er auðvitað
í Kauphöllinni, NASDAQ og öllu
þessu dóti, rétt eins og í gaddavírn-
um og garðslöngunni. Guð er með
spákupmönnunum í braskinu og ef
til vill er þetta rétt hjá Gunnari. Að
hann sé að leggja drög að efsta degi
með því að dæla hverjum einasta
vestræna aur til arabalanda. Svart-
höfði hefur þó meiri trú á algóðu
almættinu en svo að hann óttist
heimsenda í kjölfar kreppunnar. Nú
hefur Guð tekið fargið af herðum
Svarthöfða sem felur sig og framtíð
sína forsjá Guðs. Og það er ekkert
að óttast. Sé Guð braskari og að
störfum í Kauphöllinni rétt eins og
í hjörtum Svarthöfða og spákaup-
mannanna þá veit hann auðvitað
að heimsendir er vonlaus bisniss.
Brölt sem enginn græðir á.
Þessi él mun birta upp um síð-ir. Þegar Guð telur sig hafa veitt okkur hóflega áminn-
ingu fyrir gullkálfadýrkun síðustu
ára. Verst bara að sennilega verða
Íslendingar neðstir á upprisulista
Guðs og jafnvel þótt Geir Haarde og
Ingibjörg Sólrún myndu kasta hrok-
anum strax í dag, krjúpa á kné og
biðja Guð um hjálp þá er Svarthöfði
nú hræddur um að syndaregistur
þeirra sé nú þegar orðið það langt
að Íslendingar fái að dúsa allra
þjóða lengst í hreinsunareldinum
sem þau skötuhjú blása stöðugt lífi
í með dyggri aðstoð höfðingjans í
Svörtu Loftum.
Braskarinn Guð
svarthöfði