Listin að lifa - 01.06.2006, Síða 31

Aldrei of seint
að byrja
- segir Rannveig Sigurðardóttir
r
sundlaug Kópavogs hittist hópur af eldhressum, eldri borg-
urum þrisvar í viku, skellir sér í laugina og gerir alls konar
fettur og brettur, teygjur upp og niður og út á hlið, snýr sér
í hringi og dansar létt í vatninu. Allir snúa inn að miðjum
hópnum, en þar stendur kona sem kallar æfingarnar til hinna
og sýnir hvernig á að gera. Þetta er enginn venjulegur íþrótta-
kennari, heldur er þetta Rannveig Sigurðardóttir, fýrrverandi
handmenntakennari til margra ára, enda ekkert í vandræðum
með að nota hendurnar til að sýna æfingarnar. Ákveðin og
röggsöm stendur hún Jiarna allan veturinn í hvaða veðri sem er
og gefúr ekkert eftir. Eg hitti þessa duglegu, hressu og írísklegu
konu á fallegu heimili hennar í Kópavoginum íyrir nokkru til
að ffæðast um þetta áhugamál hennar.
Rannveig, hvað varð tilþess að þú fórst að leiðbeina í sund-
leikfimi og hvað er langt síðan ?
„Vatnsleikfimi byrjaði í Sundlaug Kópavogs fyrir 14 árum og
síðan þá hef ég verið þátttakandi. Það var svo alveg óvart að ég
datt inn í það hlutverk að stjórna hópnum. Konan, sem gegndi
því áður forfallaðist, og bað mig að vera fyrir sig á meðan hún
væri frá, en úr þeim tíma hefur aldeilis tognað. Nú eru liðin all-
mörg ár síðan ég tók við þessu. Þótt ég hafi ekki próf í faginu
lætur fólkið sér þetta vel líka, enda er þetta frábær hópur, hress
og kátur, sem alltaf mætir hvernig sem viðrar. Eg vil þó taka
ffam að fyrir nokkru var fengin kona sem þjálfar okkur á föstu-
dögum.“
Er sundleikfimin auglýst einhvers staðar og á hvaða tíma
hittistþið?
„Við hittumst í lauginni á mánudögum, miðvikudögum og
föstudögum kl. 9.30-10.00. Ég held að þetta sé ekki auglýst, en
þetta spyrst út frá manni til manns.“
„Allir sem á annað borð komast i laugina geta verið með, og
fólk þarf ekki að vera synt. Maður þarf ekkert að vera sérstaklega
hress í byrjun, en svo hressast allir við að koma í sundleikfimina.
Þeir sem eru þreklausir eftir veikindi eða aðgerðir geta tekið þátt,
en sleppa þá þeim æfingum sem þeir eiga erfitt með.“
Eru einhver aldurstakmörk?
„ALLS EKKI. Ég var t. d. 72 ára þegar ég byrjaði fyrir 14
árum og er, eins og þú sérð, enn að og margir eru eldri.“
Hvernig er þátttakan ?
„Aðsóknin er mjög góð. Að meðaltali koma um 25 manns í
tíma. Einu sinni man ég þó eftir yfir 50 manns í tíma, en þá var
orðið svolítið þröngt við bakkann. Það gerði þó ekkert til, alltaf
er pláss fyrir alla.“
Þarna sitja þær saman yfir viðtalinu, Rannveig og Hertha.
Hvernig er skiptingin á milli kynja?
„Konurnar eru í miklum meirihluta eins og alls staðar þar sem
eldri borgarar koma saman. Auðvitað er þessi hreyfing er jafh góð
fyrir bæði kynin, og gaman væri að sjá fleiri karlmenn í hópnum.“
Rannveig hvaðgerir sundleikfimin jyrirfólk?
„Hún styrkir mann á alla lund, sérstaklega vöðvana, því að
hægt er að nota vatnið sem mótstöðu og þá reynir á vöðvana.
Einnig styrkjast liðir og hreyfigeta eykst, þar sem vatnið gerir
mann léttan og auðveldar hreyfingu. Svo hefur hún mikið félags-
legt gildi, maður hittir fjölda manns og ekki spillir að setjast
niður að loknu sundi yfir kaffisopa og smáspjalli. Ég vil því segja
að sundleikfimin skapi vellíðan á sál og líkama."
Ætlar þú að halda þessu áfram?
„Já, svo lengi sem ég get hreyft mig.“
Rannveig er sannarlega góð fyrirmynd eldri borgara, kona
sem gerir ótal hluti til að halda sér í góðu andlegu og líkamlegu
formi. Hún ræktar heilasellurnar af krafti og gefur frá sér til ann-
arra. Hún tekur þátt í margskonar félagsstarfi, er t.d. formaður í
kór kennara á eftirlaunum, EKKÓ og syngja þau víða. Rannveig
segir að söngurinn lyfti manni upp og geri mikið fyrir andann.
Hún er virkur þátttakandi í alþjóðlegum félagsskap „Delta Kappa
Gamma Soc. International“ eða Félagi kvenna í fræðslustörfum
á Islandi, þar sem fjallað er um ffæðslumál, menningarmál, laga-
setningar skoðaðar með tilliti til menntamála, einnig er söngur
og ýmis gamanmál. Svo er hún í leikfimi tvisvar í viku og sækir
talsvert af námskeiðum.
Um leið og ég þakka móttökurnar, segir Rannveig, sem verður
86 ára nú í júní, - að sundið og vatnsleikfimin sé heilsubót sem
maður geti byrjað á hvenær sem er, kosti ekkert og veiti bæði líkam-
lega, andlega og félagslega vellíðan, með öðrum orðum - léttir lund
og liðkar kropp. Rannveig vill gjarnan að sem flestir sláist i hópinn.
Já, því ekki að slást í hópinn! Við berum ábyrgð á eigin heilsu
og - það er aldrei of seint að byrja!
Hertha W. Jónsdóttir, B S-hjúkrunatfrœðingur
31