Fréttatíminn - 20.03.2015, Blaðsíða 14
Allt okkar
skipulag gerir
ráð fyrir að
við séum að
fara í verkfall
Ætla að massa baráttuna
Drífa Snædal, framkvæmda-
stjóri Starfsgreinasam-
bandsins, sér ekki annað í
stöðunni en að verkfall skelli
á eftir páska enda sé það eina
vopnið sem fólkið hafi þegar
mótaðilinn sé jafn óbilgjarn og
raun ber vitni. Hún menntaði
sig í vinnurétti beinlínis til að
geta starfað á þessu sviði og
var nýútskrifuð frá Svíþjóð
þegar hún hóf störf hjá SGS
fyrir hálfu þriðja ári. Drífa
hefur í vetur lagt stund á
kraftlyftingar af kappi og
segir bætt úthald sannarlega
koma sér vel í baráttunni sem
stendur yfir.
É g hef stundað kraftlyftingar af kappi í allan vetur og hef verið að byggja mig upp fyrir
komandi átök,“ segir Drífa Snædal,
framkvæmdastjóri Starfsgreina-
sambandsins. „Mér finnst íþróttir
almennt frekar leiðinlegar og hef
aldrei enst jafn lengi í skipulagðri
íþrótt á ævinni. Það er bara alveg
svakalegt kikk að finna hvað maður
verður sífellt sterkari og hvað orkan
og lífsgæðin aukast samhliða því,“
segir hún.
Það er sannarlega óhætt að tala
um átök framundan hjá Drífu því
það stefnir í mestu átök á almennum
vinnumarkaði í áratugi. „Ég sé ekki
annað í stöðunni en að það verði af
boðuðum verkföllum. Allt okkar
skipulag gerir ráð fyrir að við séum
að fara í verkfall,“ segir Drífa.
Starfsgreinasambandið, SGS,
kynnti í vikunni verkfallsaðgerð-
ir sem gætu hafist þann 10. apríl
mæti Samtök atvinnulífsins ekki
kröfu SGS um 300 þúsund króna
lágmarkslaun. „Lægstu taxtar eru
201 þúsund. Þegar við fórum af stað
með þessa kröfu um 300 þúsund
króna lágmarkslaun voru margir
hreinlega gáttaðir á því að það
væri fólk sem í alvöru fengi minna
en það. Framfærsluviðmið miðast
við að fólk þurfi um 300 þúsund að
lágmarki, með þann pening er fólk
ekki að leyfa sér neitt. Mér finnst
það vera á ábyrgð verkalýðshreyf-
ingarinnar og mótaðila að koma
launum upp í það sem það kostar að
lifa og meira til,“ segir hún.
Nýtir reynsluna úr pólitíkinni
Við sitjum á skrifstofu Drífu í Guð-
rúnartúni þar sem SGS er til húsa,
ásamt til að mynda Eflingu sem er
eitt af 19 aðildarfélögum. Það er
bankað á hurðina og inn um gætt-
ina lítur maður sem spyr hvort það
verði mikill handagangur í öskj-
unni í einmitt þessu húsi ef verður
af verkföllum en Drífa segist reikna
með því að það verði frekar á skrif-
stofum aðilarfélaganna. Þegar
maðurinn hefur kvatt útskýrir hún
að þetta hafi verið húsvörðurinn.
„Þetta var hann Flosi. Hann var val-
inn starfsmaður mánaðarins þegar
hann var búinn að vinna hér í tvær
vikur. Það er svo dýrmætt að vinna
með góðu fólki,“ segir hún.
Drífa tók við af Kristjáni Bragasyni
sem framkvæmdastjóri SGS haustið
2012. Hún hafði þá nýlokið meistara-
gráðu í vinnurétti frá háskólanum
í Lundi í Svíþjóð en hún er einnig
menntnaður tækniteiknari frá Iðn-
skólanum í Reykjavík, viðskiptafræð-
ingur frá Háskóla Íslands og starfaði
raunar hjá Iðnnemasambandinu á
árum áður. „Áhugi minn hefur alltaf
verið á þessu sviði. Ég fór beinlínis
að mennta mig í Svíþjóð því þetta
er sá vettvangur sem mig langar að
starfa á. Ég hef alltaf haft sterkar
taugar til verkalýðshreyfingarinnar
og verkalýðsbaráttu og þegar ég út-
skrifaðist úr viðskiptafræði skrifaði
ég lokaritgerð um kjarasamninga og
launamun kynjanna,“ segir Drífa en
hún hefur einnig starfað sem fram-
kvæmdastýraVinstri hreyfingarinn-
ar - græns framboðs og Samtaka um
kvennaathvarf. „Reynslan úr pólitík-
inni nýtist mér vel hér. Við erum að
reyna að samræma ólík sjónarmið
og fá fólk saman í sameiginlega bar-
áttu. Innan verkalýðshreyfingar-
innar eru margir öflugir karakterar
með sterkar skoðanir, rétt eins og í
pólitíkinni. Það sem kom mér mest
á óvart er hversu mikil þekking er
innan hreyfingarinnar, hvað starfið
er lýðræðislegt og hvað almennum
félögum er gert auðvelt að koma að
stefnumótun. Þó að út á við sé verka-
lýðshreyfingin með fá andlit þá er
fjöldinn svo miklu meiri. Innan okkar
aðildarfélaga starfa hátt í hundrað
manns þegar allt er talið,“ segir hún.
Eina vopnið sem fólkið hefur
Drífa segir að stærsta áskorun-
in framundan séu samningarnir
sjálfir. „Við erum með sérstaklega
óbilgjarna mótaðila sem hafa sýnt
mikla hörku,“ segir hún og vísar
þar til Samtaka atvinnulífsins.
„Þeir hafa boðið lægst launaða fólki
landsins 3-4% hækkun. Allar aðrar
stéttir hafa verið að semja um tugi
þúsunda króna hækkanir, svo sem
kennarar, læknar og flugstjórar. Það
er tónninn sem hefur verið gefinn.
Síðan þegar við komum að borðinu
voga þau sér að bjóða innan við 10
þúsund krónur í hækkun. Það er
gríðarlegur ábyrgðarhluti að stefna
fólki í verkfall en okkur er nauð-
ugur sá kostur því það var ekkert
annað í stöðunni. Þegar ég var að
læra vinnumarkaðsfræði á sínum
tíma var talað um að verkfallsvopnið
væru úrelt baráttutæki því við vær-
um búin að ná svo miklum þroska í
samningum og þyrftum því ekki að
nota þetta vopn. Ég segi á móti að
þetta er eina vopnið sem fólkið hef-
ur og það sýnir sig á svona tímum
að það þarf að nota það,“ segir hún.
SGS fer með samningsumboð
fyrir 16 af 19 aðildarfélögum en
þau sem tilheyra Flóanum semja
sér. „Við höfum sett saman sam-
inganefndir sem eru fulltrúar allra
þeirra félaga sem við erum með
umboð fyrir og öll þessi félög eru
með samninganefndir hjá sínum fé-
lögum og aðgerðarhópa. Þetta eru
því fleiri hundruð manns sem koma
að svona aðgerðum,“ segir Drífa.
Hún telur að miðað við þann
hljómgrunn sem kröfur verkalýðs-
hreyfingarinnar hafa fengið hjá al-
menningi reikni hún með því að
þeim verði sýndur skilningur. „Verk-
föll eiga að bíta og hafa sem mest
áhrif. Þetta mun hugsanlega hafa
áhrif á daglegt líf fólks og ég treysti
á að almenningur sé með okkur í því
að mynda þrýsting til að kröfum okk-
ar verði mætt,“ segir Drífa en þeir
sem leggja niður störf ef verður af
verkfalli er meðal annars fólk í fram-
leiðslu, ferðaþjónustu og ræstingum.
Í þeim gríðarlegu önnum sem
hafa verið og eru framundan hefur
það sannarlega komið sér vel hversu
orkumikil Drífa er eftir kraftlyfting-
arnar. „Ég fann fyrir því í fyrrasum-
ar þegar ég var að klífa fjöll hvað ég
var orðin léleg og móð. Ég ákvað
að styrkja mig og þegar ég spurðist
fyrir ráðlögðu flestir mér að fara í
kraftlyftingarnar. Allar konur sem
ég þekki sem hafa byrjað í þessu
eru virkilega hrifnar,“ segir Drífa
en hún er að æfa hjá hinum vinsæla
þjálfara Ingimundi Björgvinssyni
ásamt fleiri konum. „Ég ætla ekki að
gefa upp neinar tölur um hverju ég
er að lyfta en Ingimundur heldur vel
utan um sitt fólk. Ég hef líka verið
að miða mig við vinkonur mínar og
við jafnvel farið í góðlátlega sam-
keppni. Ég er gríðarlega ánægð
með hvað ég er komin með mikið út-
hald og orku, og það skiptir sérstak-
lega miklu þegar álagið í vinnunni
er eins og þessa dagana,“ segir hún.
Erla Hlynsdóttir
erla@frettatiminn.is
Drífa Snædal, fram-
kvæmdastjóri Starfs-
greinasambandsins, fór
að æfa kraftlyftingar í
haust til að auka þol og
segir þá auknu orku sem
því fylgir koma sér ein-
staklega vel í baráttunni
sem framundan er
kjaramálum verkalýðs-
ins. Ljósmynd/Hari
14 viðtal Helgin 20.-22. mars 2015
Siemens -
Spanhelluborð
EH 651FE17E
Án ramma. Fjórar spanhellur.
Aflaukaaðgerð. Tímastillir.
Snertisleði.
Tækifærisverð:
114.900 kr.
(Fullt verð: 139.900 kr.)
Siemens -
Bakstursofn
HB 63AB522S (stál)
Með brennslusjálfhreinsun.
Sex hitunaraðgerðir. Hraðhitun.
Nákvæm hitastýring.
Tækifærisverð:
157.900 kr.
(Fullt verð: 189.900 kr.)
Tækifæri
í mars