Fréttatíminn - 20.03.2015, Page 34

É g hef alltaf verið með mikla hreyfiþörf og stundaði hlaup lengi vel. Ég kynntist svo
Kristbjörgu Kristmundsdóttur jóga-
kennara og lærði jógafræðin hjá
henni,“ segir Gyða Dís, eins og hún
er gjarnan kölluð. Gyða Dís segir að
jóga snúist um svo mikið meira en
bara jógastöður. „Öndunaræfingar
og hugleiðsla er stór hluti af jóga
og ávinningurinn er fallegur og
tónaður líkami. Við þurfum að líta
á jóga sem meira en bara líkams-
rækt. Það skiptir miklu máli að líta
inn á við og ég legg áherslu á það í
tímunum hjá mér. Eftir að ég byrjaði
að stunda jóga af krafti finnst mér
ég vera heilli manneskja. Ég stend
meira með sjálfri mér og vil alltaf
fara aðeins lengra.“ Það hefur Gyða
Dís svo sannarlega gert því í dag er
hún í framhaldsnámi í jóga. „Það
er alltaf hægt að bæta einhverju við
sig í þessum fræðum. Í náminu er
munkur meðal kennara og það er al-
veg einstakt að fá að læra hjá svona
góðum kennara.“
Erfitt að setja eigin heilsu í
fyrsta sæti
Gyða Dís hefur hins vegar ekki allt-
af sett heilsu sína og hugarrækt í
fyrsta sæti. „Við hjónin eigum þrjá
uppkomna syni og er einn þeirra
hreyfihamlaður og þarf hjálp við all-
ar athafnir daglegs lífs. Þegar mað-
ur á langveikt barn er mjög erfitt að
setja sína eigin heilsu í forgang, en
það er samt lífsnauðsynlegt. Árið
2003 ákvað ég að taka sjálfa mig í
gegn og byrjaði á mataræðinu og
svo kom hreyfingin seinna meir.
Synir mínir segja að ég sé eins og
Benjamin Button, heilsan og útlitið
verður bara betra með aldrinum,“
segir hún og hlær.
Ætlaði aldrei að verða jóga-
kennari
Gyða Dís fór ekki í jógakennara-
nám til að verða jógakennari, held-
ur til að rækta sjálfa sig og kynn-
ast sjálfri sér. „Ég sá ekki fyrir mér
að fólk myndi mæta í tíma til mín.
„Jóga með Gyðu Dís“ var fjarlæg til-
hugsun. En ég hoppaði út í djúpu
laugina og kenndi alls konar hópum,
bæði þeim sem ég þekkti og þekkti
ekki. Ég tók til dæmis hlaupahóp-
inn minn í kennslu og foreldra í fé-
laginu Einstök börn.“ Í dag kennir
Gyða Dís í Hreyfingu, Gerplu og
Ljósinu, endurhæfingarmiðstöð
fyrir fólk sem hefur fengið krabba-
mein og aðstandendur þeirra. „Þar
er fólk sem er að koma til baka eft-
ir lyfjameðferð og það hefur verið
virkilega gefandi og skemmtilegt
að vinna með þeim. Svo hef ég líka
verið að vinna með afrekskrökkum
í fimleikum í Gerplu sem er mjög
skemmtileg upplifun.“
Jógadýnan er þinn heilagi
staður
Hugleiðsla spilar stóran þátt í jóga-
kennslunni hjá Gyðu Dís. „Mér
finnst mikilvægt að tengja inn á við.
Þegar þú rúllar dýnunni þinni út í
byrjun tímans er það þinn heilagi
staður. Ég fer svo með möntru í lok
hvers tíma. Jóga kennir okkur að
hugsa fallega, tala fallega og gera
góðverk. Fólk þarf ekki að vita af
því. Jóga snýst í raun um að gefa af
sér til annarra, því við fáum þetta
svo allt til baka. Þetta snýst allt um
karma.“
Af hverju að lyfta lóðum þegar
þú getur lyft eigin líkama?
Jógastöðurnar eru margar og fjöl-
breytilegar en Gyða Dís segir að
fólki finnist almennt skemmtileg-
ast að reyna við erfiðustu stöðurnar.
„Handstaðan er ein af þeim og þeg-
ar ég rakst á áskorun erlendis sem
fólst í því að gera eina handstöðu á
dag í 365 daga langaði mig að taka
þátt sjálf og dreifa boðskapnum.“
Áskorunin hófst 15. september en
Gyða Dís hvetur fólk til að hoppa
inn í hvenær sem er. Hún birtir
myndir af handstöðunum sínum
undir merkinu #handstada365 á
Instagram og Facebook og segir
viðtökurnar vera fyrst og fremst
skemmtilegar. „Fólk er einnig farið
að fylgjast með og hugsa hvar ég
verði eiginlega næst, þannig ég
reyni að gera flestar handstöður úti,
en það hefur verið frekar erfitt síð-
ustu vikur.“ Gyða Dís segir ávinn-
inginn af því að gera handstöðu sé
margþættur. „Með því að gera hand-
stöðu daglega styrkir þú kviðvöðv-
ana, úlnliði, handleggi og hrygg-
súluna. Þú róar einnig hugann,
blóðflæði til höfuðs eykst og orkan
eykst til muna. Aukið blóðflæði er
líka eins og náttúrulegt bótox þar
sem gott blóðflæði hægir á öldrun.“
Það er því um að gera að prófa, en
Gyða Dís segir að það sé mikilvægt
að fara rólega af stað. „Leggðu lóf-
ana í gólfið upp við vegg og fáðu til-
finninguna, svo kemur að því að þú
nærð að sparka öðrum fætinum upp,
lengra og lengra.“ Gyða Dís heldur
úti bloggsíðu: www.gydadis.is og
þar er hægt að finna ýmsa fróðleiks-
mola um jóga og hugleiðslu, en líka
margt annað, til dæmis matarupp-
skriftir og vangaveltur um lífið og
tilveruna.
Erla María Markúsdóttir
erlamaria@frettatiminn.is
Handstaða á
dag í 365 daga
Jóga spilar stórt hlutverk í lífi Gyðu Þórdísar Þórarinsdóttur.
Fyrir tíu árum hefði hún hins vegar aldrei trúað því að hún ætti
eftir að kenna jóga fyrir fullum sal af fólki á hverjum degi, hvað
þá að hún myndi standa á höndum út um allan bæ og birta
myndir af því á veraldarvefnum.
Gyða Dís tók þeirri áskorun að gera eina handstöðu á dag í eitt ár og birta myndir
af því á netinu undir #handstada365. „Handstaðan er ein erfiðasta jógastaðan sem
gerir áskorunina enn skemmtilegri.“
Gyða Þórdís
Þórarinsdóttir tók
þá ákvörðun fyrir
12 árum að setja
eigin heilsu í fyrsta
sæti. Nú stundar
hún og kennir jóga
daglega og ræktar
hugann í leiðinni.
Mynd / Hari.
34 viðtal Helgin 20.-22. mars 2015
LONDON flug f rá
9.999 kr.
BERLÍN flug f rá
13.999 kr.
ALICANTE, BENIDORM flug f rá
18.999 kr.
KÖBEN flug f rá
9.999 kr.
PARÍS flug f rá
12.999 kr.
ÞÚ
GETUR
FLOGIÐ!
KATRÍNARTÚNI 12 WOWAIR.IS WOWAIR@WOWAIR.IS
Gerðu verðsamanburð,
það borgar s ig!