Víkurfréttir - 18.12.2008, Side 12

12 HANDHAFI MENNINGARVERÐLAUNA REYKJANESBÆJAR 2007VÍKURFRÉTTIR I 51. TÖLUBLAÐ I 29. ÁRGANGUR
Húsfyllir var á jólatónleikum í safnaðar-
heimili Keflavíkurkirkju á sunnudagskvöld.
Þ e i r h ó f u s t m e ð ó v æ n t u s ö n g a t r i ð i
bæjarstjórahjónanna, Bryndísar og Árna
Sigfússonar þar sem þau sungu frumsamið
lag eftir Árna. Fjórir kórar komu síðan fram,
Karlakór Keflavíkur, Kvennakór Suðurnesja,
Gospelkór Hjálpræðishersins og Kirkjukór
Keflavíkur. Hinn landskunni tónlistarmaður,
Sigurður Flosason lék í mörgum laga kvölds-
ins. Undirleikur var í höndum Arnórs Vilbergs-
sonar, hins nýja organista Keflavíkurkirkju. Þá
söng Jóhann Smári Sævarsson sem er nýkom-
inn heim frá útlöndum. Hjálmar Árnason,
kynnir kvöldsins sagði að það hefði verið gott
að endurheimta þessa tvo syni Keflavíkur en
Arnór var á Akureryri við störf undanfarin ár
og Jóhann í Austurríki og víðar í Evrópu.
Það var jólaandi yfir vötnunum þetta kvöld
og séra Skúli Ólafsson flutti stutta tölu í anda
ástandsins og komandi jóla. Í lokin var há-
punktur kvöldsins þegar allir kórarnir sungu
saman með Jóhanni Smára og með undirleik
Arnórs og Sigurðar. Aldeilis frábær flutningur
og góð skemmtun.
Yfir 300 manns voru í safnaðarheimilinu þetta
skemmtilega kvöld sem var til styrktar Velferð-
arsjóði Suðurnesja en séra Skúli og Keflavíkur-
kirkja veita honum forstöðu.
Aðrir tónleikar til styrktar Velferðasjóði verða
haldnir í Lava sal Bláa lónsins á fimmtudags-
kvöld.
HÚSFYLLIR Á VELFERÐARTÓN-
LEIKUM Í SAFNAÐARHEIMILINU
Árni og Bryndís, Jóhann Smári og
kórarnir í safnaðarheimilinu sl.
sunnudagskvöld.