Neytendablaðið - 01.03.2009, Side 3
Bindisamningar gegnum síma
Talsvert er um það að fólk bindi sig til samninga í ákveðinn tíma.
Þetta á t.a.m. oft við þegar samið er við öryggisfyrirtæki, líkams-
ræktarstöðvar og fjarskiptafyrirtæki eða þegar samið er um sjón-
varpsáskrift. Sér í lagi hefur verið talsvert kvartað vegna aðgangs-
hörku sölumanna hjá símafyrirtækjunum. Er þá gjarnan hringt
heim í fólk og því boðið að skipta um símfyrirtæki án þess að fá
nánari kynningu á skilmálum eða tíma til umhugsunar. Svo er fólk
einfaldlega látið staðfesta hinn nýgerða samning með tölvupósti
eða sms-i. Neytendasamtökin hvetja neytendur eindregið til þess að
ganga aldrei til samninga nema að vel athuguðu máli eftir að hafa
lesið skilmála samningsins vel og vandlega og gert verðsamanburð.
Frá leiðbeininga-
og kvörtunarfljónustunni
Ársskýrsla leiðbeininga-
og kvörtunarþjónustunnar
Árið 2008 var með fjörugra móti hjá leiðbeininga- og kvörtunar-
þjónustunni en alls bárust 12.643 erindi (þar af 9.860 símtöl)
á árinu, sem er ríflega 40% aukning frá árinu 2007. Flest voru
erindin vegna verðlags og auglýsinga, ferðalaga, fjármálafyrirtækja
og raftækja. Einnig voru margar fyrirspurnir vegna bifreiða og
fjarskiptafyrirtækja.
Mest var aukningin á seinni hluta ársins – en álagið jókst mjög í
kjölfar bankahrunsins.
Einnig hafði leiðbeininga- og kvörtunarþjónustan milligöngu í 235
kvörtunarmálum. Flest vörðuðu málin póst og fjarskipti, Evrópsku
neytendaaðstoðina (ECC) og ferðamál.
Ársskýrslan er aðgengileg í heild sinni á www.ns.is.
Hrósið
Kona hafði samband við Neytendasamtökin og hrósaði skartgripa-
versluninni Gullkúnst Helgu á Laugavegi. Konan hugðist gefa
manninum sínum bindisnælu og ermahnappa í afmælisgjöf en þar
sem maðurinn var ekki mikið fyrir glingur var hún fremur hikandi
við kaupin. Hún spurðist þá fyrir um hvernig skilaréttarreglur
væru hjá versluninni (og hugðist þá kaupa úr eða eitthvað annað
í staðinn ef gjöfin félli ekki í kramið). Verslunin bauðst hins vegar
til þess að taka niður kreditkortanúmer konunnar og bíða með að
hringja færsluna inn þar til ljóst væri hvort maðurinn vildi gjöfina.
Neytendasamtökin telja þetta fyrirmyndarþjónustu, ekki síst á
þessum síðustu og verstu tímum þegar munar um hverja krónu og
það er illt að eyða fé í gjafir sem nýtast svo ekki. Bindisnælan og
ermahnapparnir féllu vel í kramið hjá eiginmanninum og því varð
af kaupunum.
Strætókort
Strætófarþegar á Akranesi höfðu samband við leiðbeininga- og
kvörtunarþjónustuna vegna viðskipta við Strætó bs. Þeir höfðu
keypt níu mánaða kort sem gilda áttu meðal annars í strætó frá
Reykjavík til Akraness. Um áramótin vildi Strætó bs. hins vegar rifta
samningnum þar sem nýr rekstraraðili hefði tekið við samningnum.
Farþegunum var boðin endurgreiðsla og að kaupa mun dýrara kort
í stað þess gamla (fargjaldið þrefaldaðist um áramót). Eftir aðkomu
kvörtunarþjónustunnar ákvað Strætó bs. þó að kortin skyldu
áfram gilda eins og samið var um í upphafi og leystist málið því
farsællega að lokum.
Heldur þú heimilisbókhald?
Neytendasamtökin halda námskeið í neytendarétti og heimilis-
bókhaldi fimmtudaginn16. apríl frá kl. 18.30 til 21.30. Áhugasamir
skrái sig í síma 545 1200 eða á netfangið ns@ns.is Námskeiðið er
félagsmönnum að kostnaðarlausu.
Nokkur sveitarfélög hafa staðið fyrir námskeiði í heimilisbókhaldi í
samvinnu við Neytendasamtökin. Tímatöflu má sjá á ns.is.
NEYTENDABLA‹I‹ 1. TBL. 2009