Neytendablaðið - 01.03.2009, Blaðsíða 7

Eigendur þvottavéla frá Miele, Bosch og Fisher & Paykel voru
líklegastir til að kaupa sömu tegund aftur en áberandi færri eigendur
Whirlpool, LG, Maytag eða Ariston sögðust aftur mundu kaupa þá
sömu.

Hvítu flygsurnar
Stuttur skol- og vindutími þarf ekki sjálfkrafa að skila verri
þvotti. Núna eru æ fleiri þvottavélar með styttri skolkerfi en
áður, í umhverfisverndarskyni. En stutt og ófullkomið skol getur
verið sérlega pirrandi ef um er að ræða dökkan fatnað. Þá kunna
leifar af þvottaefni að sitja á efninu sem hvítir blettir eða flygsur.
Þetta eru suðusteinar (geislasteinar, zeólítar) sem eru notaðir sem
vatnsherðandi efni í þvottaduft. Yfirleitt er auðvelt að bursta eða
hrista slíka bletti af eftir þurrkun, eða strjúka þá af með blautum
klút.
Til þess að losna við þennan vanda er gott ráð að láta minna af þvotti
í vélina en ella eða að keyra hana með aukaskoli. Annað ráð gegn
suðusteinum er að nota helmingi minna af þvottaefni en ráðlagt
er og leysa það fyrst upp í volgu vatni og hella svo í þvottahólfið.
Einnig ber að varast að nota lélegt eða gamalt þvottaefni. Sumir
sérfræðingar ráðleggja heimilum að kaupa ekki þvottaefni í stórum
pakkningum því þegar pakkinn hefur verið opnaður fer duftið að
draga í sig meiri raka og kögglast, sem getur stuðlað að hvítum
ummerkjum á þvottinum. Eitt ráð við þessu er svo að geyma duftið
í loftþéttum umbúðum svo raki nái ekki til þess.
Allt er þetta að minnsta kosti betra en að nota flest fljótandi
þvottaefni. Þau hreinsa verr en þvottaduft og fela í sér fleiri efni.
GÓÐ RÁÐ
Kaupið af yfirvegun: Þvottavélar með stóra tromlu (sem tekur sjö kg
eða meira) eru ekki hentugar fyrir einhleypa. Stóru vélarnar henta
best í heimilishaldi þar sem hrúgur eða fjöll af þvotti hlaðast sífellt
upp. Hærra innkaupsverð og notkunargreiðslur borga sig aðeins ef
vélarnar eru nýttar til fulls. Stóru vélarnar eru dýrari og nota meira
vatn og rafmagn en hinar smærri. Einhleypingum eða pörum sem
eiga litlar vélar dugar oft að fara með stóra rúmteppið sitt eða aðra
stóra gripi í þvottahús einu sinni á ári.
Þvoið af yfirvegun: Þvottareglurnar sex eru þessar: 1) Flokkið
þvottinn. 2) Fyllið vélina eins mikið og ráðlagt er sem hámark í
hverju þvottakerfi fyrir sig. 3) Þvoið við lægsta hitastig sem unnt
er, veljið viðeigandi kerfi miðað við eðli þvottanna. 4) Notið rétt
þvottaefni – sérstakt efni fyrir hvítt, annað fyrir litaðan þvott og enn
annað fyrir ull. 5) Miðið magn þvottaefnis við gerð óhreinindanna,
magn þvotts og hörkustig vatns. (Hérlendis er vatn „mjúkt“). 6)
Notið þvottaduft en ekki fljótandi þvottaefni nema nauðsynlegt sé.
Þurrkið af yfirvegun: Þvottavél með vindu sem snýst 1200 hringi
á mínútu pressar um 10% minna af vatni úr þvottinum en 1600
snúninga vél. Í könnuninni var 52-61% raki í mislitum þvotti
þvegnum við 40°C. Æskilegast er að þurrka svo blautan þvott á
snúru utanhúss eða inni í óupphituðu eða svölu herbergi. Þurrkari
eyðir miklu rafmagni.
Topphlaðnar vélar
Aðeins þrjár gerðir af topphlöðnum þvottavélum fundust á markaði
hérlendis í febrúar. Margar slíkar vélar eru dýrari en sambærilegar
framhlaðnar vélar (með lóðréttri hurð) en topphlöðnu vélarnar taka
minna pláss og eru oft eini kosturinn í þröngum íbúðum þar sem
gólfflötur er lítill og vélin má kannski ekki vera breiðari en 40-
45 sm til að komast fyrir - kjósi fólk ekki hreinlega að borga fyrir
þvottinn í þvottahúsi.
Topphlaðnar vélar nota meira þvottaefni en framhlaðnar, svo að
hver þvottur er dýrari.
Gæði topphlöðnu vélanna eru ekki lakari en
hinna, að minnsta kosti hvað varðar vélar
frá AEG-Electrolux, Miele og Quelle.
Þær eru með marga valkosti,
aukaskolun, spar- og stutt-kerfi.
Og það sem mestu varðar:
Þær eru jafn endingar-
góðar, öruggar og hag-
kvæmar í notkun og
hinar breiðu „systur“
þeirra.
HLUTFALL ÁN VIÐGERÐA %
Af öllum þvottavélum 90
BOSCH (328) 97
MIELE (432) 95
SAMSUNG (237) 92
SIMPSON (754) 92
FISHER & PAYKEL (1805) 90
WESTINGHOUSE (260) 89
ASKO (296) 88
WHIRLPOOL (697) 88
LG (698) 87
MAYTAG (207) 85
KLEENMAID (130) 83
ARISTON (127) 77
Heimild: Choice, Ástralíu, 2008