Neytendablaðið - 01.03.2009, Blaðsíða 15
Reyndar er í mörgum tilvikum hagstæðara að kaupa geislaprentara
(laser) ef ætlunin er að prenta aðallega svartan texta en ljósmyndir
og grafík þurfa ekki að vera af háum gæðastaðli. Þó eru líka til
dýrir geislaprentarar sem skila góðum litmyndum.
Sumir notendur reyna að spara í blekkostnaði með því að endurhlaða
prenthylkin eða kaupa hylki sem eru ekki frá framleiðanda tækisins.
Mjög misjafnar sögur fara af því hversu hagkvæmt þetta er. Ódýrt
blek getur t.d. verið viðkvæmara fyrir birtu þannig að litljósmyndir
prentaðar með því fölna fyrr ef þær eru geymdar þar sem bjart er,
t.d. á vegg, hillu eða skáp.
Fjölbreytnin
Fjölnotatæki og öll-í-einu geta prentað, ljósritað, skannað og faxað,
eru með lítinn myndaskjá, geta prentað út af minniskortum og
myndavélum, verið tengd innanhússneti og fleira. Sum þeirra þurfa
ekki að vera tengd tölvu til að geta skilað verkum sínum. Þrátt fyrir
fjölhæfni sína eru slík sambyggð tæki ekki endilega plássfrekari en
prentari, ljósritunarvél, skanni og faxtæki hvert í sínu lagi. Það er
því augljóst að tækin eru mjög heppileg þar sem þröngt er.
Fyrst þegar svona tæki komu á markaðinn var oft bent á mögulegan
veikleika sem fælist í því að ef eitt tækið í sambyggða tækinu bilaði
þyrfti að fara með þau öll til viðgerðar í einu. Staðreyndin er hins
vegar sú að bilanatíðni er alls ekki há í þessum tækjum, a.m.k. ef
vel og skynsamlega er með þau farið. Kvartanir yfir þessum þætti
eru því sem betur fer ekki algengar. Hitt er annað að vinnsluhraði
og gæði ódýrra tækja eru minni en þeirra vandaðri og dýrari.
Nettenging og „bein prentun“
Það getur verið mikill kostur að tækin séu nettengd innanhúss,
þráðlaust eða með snúrum. Nú er algengt að margar tölvur séu í
húsinu eða íbúðinni og mikið hagræði að allir notendur geti náð
sambandi beint við tækið og þurfi ekki að arka um með afritsdiska,
minnislykla og þess háttar. Athugið samt að oft eru þetta lítil net
og getur þá jafnvel aðeins einn notandi verið í sambandi við tækið
í einu.
„Bein prentun“ vísar til þess að prentað er án þess að tölva sé
notuð sem milliliður. Þá er tækið með litlum skjá og prentað út af
myndavél eða minniskorti úr myndavél. Mörg tæki nota svokallaða
PictBridge tækni til að tengja myndavél og prentara. Stinga má
minniskortinu úr myndavélinni í önnur tæki.Væntanlegur kaupandi
þarf að kynna sér hvaða gerðir minniskorta eru í myndavélum sem
nota á með tækinu og hvaða gerðum tækið getur tengst. Algengar
gerðir eru CF, MMC, MS, SD og xD.
Prenthausar og -hylki
Eitt af því sem getur verið ólíkt í tölvuprenturum eru blekhausarnir,
þ.e. þeir hlutir sem sprauta blekdoppunum á pappírinn. Stundum
er prenthausinn hluti af prenthylkinu en stundum hluti af prentar-
anum. Best er að ráðfæra sig við sölumenn til að fá greinargóðar
upplýsingar um hvað hentar hverjum notanda. Ef prentarinn er í
daglegri notkun þarf hann kannski annars konar prenttækni en
prentari sem sjaldan er látinn vinna.
Stundum er eitt prenthylki með svörtu bleki og annað með þremur
grunnlitum; bláum, gulum og rauðum. Stundum er eitt hylki fyrir
hvern lit og getur það verið heppilegast fyrir venjulegan notanda,
svo hann þurfi t.d. ekki að henda lithylki bara af því að blái liturinn
kláraðist vegna þess að margar ljósmyndir með sumarhimni höfðu
verið prentaðar. Sumir framleiðendur selja tvö hylki til viðbótar,
með ljósbláu bleki og ljósrauðu, sem gefur ljósmyndum meiri fyll-
ingu og tilbrigði.
Til athugunar
• Þótt undarlegt megi virðast er það nokkuð algengt að USB-
tölvusnúra fylgi ekki prenturum og fjölnotatækjum. Tryggið
ykkur að hún sé í pakkanum, jafnvel fleiri en ein, því annars
er tækið til lítils gagns nema nota megi það þráðlaust til allra
verka.
• Ef tækið hefur verið sett upp samkvæmt leiðbeiningum en
vinnur síðan ekki sitt verk eru sterkar líkur á því að það vanti
viðeigandi rekil (driver) í hugbúnað þeirrar tölvu eða þeirra tölva
sem tengjast því. Þá þarf að heimsækja vefsvæði framleiðandans
með öllum tölvunum og slá inn heitið á gerð hverrar tölvu til
að leita að reklunum og hlaða þeim niður. Þetta er algengt og
ekkert óeðlilegt, hugbúnaður er oft uppfærður og notandinn fær
nýjustu og bestu útgáfuna.
Fjöldi tækja í gæðakönnun og markaðskönnun
Í markaðskönnun Neytendablaðsins
Framleiðandi
Í gæða-
könnun
ICRT
Bleksprautu-
prentarar, margnota
tæki og öll-í-einu
Geisla-
prentarar
(laser)
HP 20 30 15
Epson 15
Canon 11 18 1
Lexmark 11 1
Dell 7 2
Brother 3 8 2
Kodak 3
Oki 3 1
Samsung 3 9
Konica Minolta 2 6
Ricoh 1
Xerox 2
Alls 70 68 36
HP Photosmart C5380 HP Photosmart D5460
1 NEYTENDABLA‹I‹ 1. TBL. 2009