Neytendablaðið - 01.03.2009, Blaðsíða 23
plönturnar ekki of þétt. Hafðu a.m.k. 30 sm milli kálplantna en
20 sm milli salatsplantna. Vökvaðu varlega yfir jarðveginn eftir
gróðursetninguna.
Umhirða yfir vaxtartímann
Þegar plönturnar eru orðnar stálpaðar (u.þ.b. 5-7 sm) má þekja
beðin með t.d. nokkurra sm lagi af þurru grasi til þess að minnka
myndun illgresis. Illgresi keppir við grænmetið um næringu, birtu
og pláss.
Hægt er að ná betri árangri í ræktuninni með því að leggja akrýldúk
eða netdúk, sem hleypir bæði vatni og ljósi í gegn, yfir beðið til
þess að hækka hitastigið.
„Smáplöntur þarf að vökva oftar því þær hafa lítið rótarkerfi sem
liggur grunnt og jarðvegurinn í kringum þær þornar fljótt”, bendir
Nonni á. Blaðplöntur, svo sem salat og kál, þurfa ríkulega vökvun
til þess að vaxa vel og verða ekki beiskar á bragðið. Best er að
vökva vel (rakinn á að ná 7-10 sm niður), helst seinni part dags
þegar jarðvegshiti er hæstur.
Næsta ár...
Meðan á ræktuninni stendur er gott að skrifa hjá sér hvað hefur
gengið vel og hvað mætti betur fara.
Til þess að koma í veg fyrir sjúkdóma, skaðvalda og „jarðvegsþreytu”
á ekki að rækta plöntur af sömu ætt í sama beði, eða á sama stað
í beðinu, ár eftir ár. Svokölluð skiptiræktun er nauðsynleg og gerir
líka illgresinu erfiðara fyrir. Í heimilisgrænmetisgarðinum er þriggja
ára skiptiræktun nóg. Grænmetið er flokkað eftir þeim áhrifum sem
það hefur á næstu ræktun á eftir og gott er að rækta rótargrænmeti
eftir blaðgrænmeti, eins og dæmið hér sýnir:
Næsta ár eru tegundir sem voru ræktaðar á svæði 1 ræktaðar á
svæði 2, tegundir á svæði 2 á svæði 3 og tegundir sem voru á svæði
3 færast yfir á svæði 1. Svona gengur þetta koll af kolli.
LW
Svæði 1 Svæði 2 Svæði 3
Baunir, blaðlaukur,
radísur, salat, sellerí,
spínat og steinselja.
Gulrætur, kartöflur,
rauðrófur og aðrar
rófur.
Blómkál, grænkál,
hvítkál, kínakál og
spergilkál.
Nonni með glænýtt grænmeti á markaðinum í Mosfellsdal
Um þessar mundir gætir ört vaxandi áhuga á matjurtarækt og
óskum eftir leigu á garðlöndum hefur fjölgað. Í höfuðborginni
var ákveðið að stíga grænt skref og fjölga garðlöndum til útleigu
sumarið 2009. Leigugjald verður 4.400 kr. og skiki fyrir garðhýsi
verður leigður út á 5.200 kr.
Neytendablaðið kannaði hvort fleiri sveitarfélög bjóði íbúum sínum
garðlönd til leigu og hafði samband við 18 stærstu sveitarfélög
landsins. Eftirfarandi sveitarfélög leigja út skika sumarið 2009:
Akranes, Akureyri, Borgarbyggð, Fjallabyggð, Garðabær,
Hafnarfjörður, Hornafjörður, Hveragerði, Ísafjarðarbær, Kópavogur,
Mosfellsbær, Reykjavík og Vestmannaeyjar.
Fyrirspurn okkar var nokkuð snemma á ferðinni og í flestum
tilfellum var ekki búið að ákveða leigugjald, stærð eða jafnvel fjölda
garðlanda. Við munum því birta verðkönnun og aðrar upplýsingar
á heimasíðu Neytendasamtakanna þegar líða tekur á vorið.
Dæmi eru um að garðyrkjubændur og jarðeigendur bjóði uppá
útleigu á skika. Til dæmis munu Mosskógar í Mosfellsdal bjóða
leigubeð í sumar þar sem fagmaður veitir upplýsingar og fræðslu.
Matjurtarækt er einmitt tilvalin afþreying, holl útivist og góð búbót
fyrir fjölskyldur á erfiðum tímum.
Neytendasamtökin vilja gjarna fá upplýsingar um aðila sem bjóða
garðlönd til leigu og þá einnig um hvort aðrir kostir séu í boði eins
og þátttaka í haustuppskeru þar sem utanaðkomandi geta mætt
í vinnu við uppskeru gegn ákveðnum hlut á móti bóndanum.
Viðkomandi eru beðnir um að senda línu á netfangið ns@ns.is þar
sem fram kemur staðsetning, verð og tengiliður.
Matjurtagarðar til leigu
NEYTENDABLA‹I‹ 1. TBL. 2009