Neytendablaðið - 01.03.2007, Blaðsíða 4
Gæðakönnun
á DVD-upptökutækjum
Þekkir þú ekki muninn á composite video frá component? Engar
áhyggjur: hér er leiðarvísir um helstu tækniorð tengd DVD og
myndbandsvinnslu og til hvers fyrirbærin sem þau vísa til eru
notuð.
Composite video signal: Er samsett hliðrænt myndbandsmerki (e.
analog video signal) með litaupplýsingum. Það er einnig kallað
CVBS. Flest sjónvarps- og myndbandstæki hafa slíka tengingu.
Tengin eru yfirleitt gul að lit.
S-video: S-Video (þekkist sem lítil hringlaga kló með fjórum
pinnum), einnig þekkt sem Y/C og (ranglega) S-VHS, er hliðrænt
myndmerki. S-Video mun skila betri mynd en samsett merki
(e. composite) þar sem sjónvarpið þarf ekki að aðskilja birtu- og
litaupplýsingar sem eru saman í samsettu merki.
Component: Skiptir myndinni enn frekar í lita- og skerpumerki frá
composite video signal og skilar þannig enn betri myndgæðum.
Þrjá kapla þarf í þetta tengi. Enn hafa tiltölulega fá sjónvarpstæki
component video-tengi en það er þó að breytast.
RGB: Svipar til Component en er ekki eins algengt.
DVI: Digital Visual Interface (DVI) er myndbandstengi sem er
hannað til að hámarka sjónræn gæði stafrænna skjáa, eins og
LCD-tölvuflatskjáa og stafrænna skjávarpa. DVI-tengið á tækinu
ber eitt af þremur nöfnum sem tengjast virkni þess: DVI-D (aðeins
stafrænt), DVI-A (aðeins hliðrænt) eða DVI-I (bæði stafrænt og
hliðrænt). DVI nýtur aukinna vinsælda hjá framleiðendum skjákorta
í tölvur og hafa flest kort sem keypt eru í dag bæði VGA- og DVI-
útgangstengi. Til viðbótar því að nýtast sem nýjasti tölvutengillinn
er DVI óðum að verða vinsælasta stafræna yfirfærsluaðferðin fyrir
HDTV, EDTV, Plasmaskjái og aðra háskerpuskjái fyrir sjónvarp,
kvikmyndir og DVD-diska. Jafnvel nokkrir af betri DVD-spilurunum
hafa nú í vopnabúri sínu DVI-tengi til viðbótar hágæða hliðræna
Component Video-tenginu.
HDMI: High-Definition Multi-media Interface (HDMI) er óþjappað,
stafrænt hljóð/myndtengi. HDMI styður venjulegt, aukið eða
háskerpumerki, auk margrása stafræns hljóðmerkis, á einum kapli.
Scart: SCART (Syndicat des Constructeurs d’Appareils Radio-
récepteurs et Téléviseurs) er upprunalega franskur staðall með
21 pinna tengi til að tengja hliðræn (e. analogue) hljóð- og
myndtæki við sjónvörp. Tengið er einnig kallað Péritel (sérstaklega
í Frakklandi þar sem orðið SCART er lítið þekkt) og Euroconnector
annars staðar í Evrópu.
ICRT (International Research and Testing) gerði nýlega gæðakönnun
á 48 DVD- upptökutækjum. Þau atriði sem voru könnuð eru m.a.
gæði myndar og hljóðs, þægindi í notkun, orkunotkun og hvernig
tækin bregðast við ef villa kemur fram á diski.
Prófunum var skipt í tugi yfir- og undirflokka en vægi yfirflokkanna
er eftirfarandi: myndgæði 35%, hljómgæði 17,5%, hljóðtruflanir
og/eða villuleiðrétting í keyrslu 12,5%, notendaviðmót 20%,
orkunotkun 5% og fjölhæfni 10%.
Ítarlegri tafla með undirflokkum er aðgengileg á ns.is undir
Gæðakannanir en lykilorð er á bls. 2 hér í blaðinu.
Markaðskönnun var framkvæmd hér á landi nú í febrúar hjá 17
söluaðilum sem selja samtals 48 tegundir DVD-spilara. Þar af eru
10 tegundir sem prófaðar voru í gæðakönnun ICRT. Þegar taflan
fyrir DVD-upptökutækin er skoðuð sést að hæsta verðið er 79.900
krónur fyrir tæki með 250 GB hörðum disk en að lægsta verðið er
44.900 krónur fyrir tæki með 160 GB harðan disk
DVD-upptökutækin bjóða upp á mun meiri sveigjanleika en gömlu
myndbandstækin. Hins vegar er notendaviðmót ekki alltaf nógu
gott. Jafnvel tæknisinnaðasta fólk getur átt í erfiðleikum með að
finna út úr órökréttum verkseðlum á skjá, flóknum fjarstýringum og
fjöldanum öllum af tengimöguleikum. Í greininni hér á eftir , „Vel
tengdur”, eru útskýringar á ýmsum tækniatriðum sem skipta máli
þegar DVD-upptökutækið er sett upp í fyrsta sinn. Einnig er farið
yfir nokkra eiginleika og vandamál varðandi DVD-upptökutæki í
greininni “Fleira um upptökur í DVD” hér á eftir.
Vel tengdur
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om