Neytendablaðið - 01.03.2007, Blaðsíða 14

Nýjustu gæludýr heimilanna eru forvitnir litlir náungar sem snuðra
í öll horn og kima á meðan enginn er heima. Þetta eru svokölluð
ryksuguvélmenni og í desemberblaði TÆNK birtist umfjöllun um
ICRT gæðaprófun á þessum tegundum ryksuga. Í prófuninni var
gengið út frá venjulegri heimilisnotkun og sömu kröfur gerðar um
árangur og gert er til venjulegrar ryksugu. Vélmennin voru látin
sjúga upp mylsnu og hár og mælt var hversu nálægt veggjum og
hornum þau komust. Einnig var mælt hversu vandlega vélmennin
hreinsuðu bæði gólfteppi og harðan gólfflöt og hvernig þau
brugðust við hindrunum eins og t.d. borði. Þá var einnig kannað
hversu notendavæn ryksuguvélmennin voru og mældur hávaði og
endingartími hleðslu.
Þegar vélmennið fer af stað í húsverkin lítur út fyrir að þar sé
fagmaður að verki. Rýmið er vandlega mælt upp og herbergjaskipan
fest í minnið. En vélmennin eru misjöfnum eiginleikum búin og
það skiptir miklu máli áður en svona tæki er keypt að gera sér
grein fyrir aðstæðum á heimilinu. Ef margar lausar leiðslur liggja
á gólfinu þarf tækið að vera næmt fyrir hindrunum en ef það er
mikið um stóra auða gólffleti á heimilinu skiptir hraðinn meira
máli.
Mylsna er ekki vandamál fyrir besta tækið af þeim fjórum sem
TÆNK fjallar um, Electrolux Trilobite, en þetta vélmenni náði
um 51% árangri í gæðaprófinu. Það sýgur hratt og örugglega
upp gólfmylsnu og það sama má segja um þau tvö tæki frá
iRobot sem prófuð voru. Dýrasta tækið, Kärcher, stendur sig ekki
eins vel í gólfmylsnunni en því betur gengur því að hreinsa upp
hundahár. Hér stendur Electrolux-tækið sig reyndar einnig vel.
Þegar kemur að hundahárum bregst iRobot tækjunum hins vegar
bogalistin. Þá er stærðin á rykhólfinu vandamál. Kärcher trítlar
heim í hleðsluhúsið og tæmir sig en Electrolux Trilobite er með
langstærsta geymslurýmið, 1,2 l. Geymslurými hinna tveggja
tækjanna er svo lítið að framleiðandinn mælir með að það sé tæmt
eftir hverja ferð.
Ekkert tækjanna sem prófað var nær sama árangri og venjuleg
ryksuga. Þau geta kannski haldið heimilinu snyrtilegu en ekki gert
það hreint. Ef draumurinn er að hafa ryksuguvélmenni heima hjá
sér þá er hægt að uppfylla hann fyrir 3.000 DKK (33.000 krónur) en
það verður þó vart hjá því komist að ryksuga sjálfur af og til.
Gerð ryksuguvélmennis Verð Árangur
1. Electrolux Trilobite 10.000-12.000 DKK 51%
2. iRobot Roomba SE 2.200-3.000 DKK 40%
3. Kärcher RC3000 12.500-16.000 DKK 37%
4. iRobot Roomba basic 1.900 DKK 33%
Ryksuguvélmenni
TÆNK komst að þeirri niðurstöðu að þrátt fyrir allar kúnstirnar
kynni ryksuguvélmennið ekki að gera heimilið hreint. Það
á til að kafna í hundahárum eða festast í loðnum teppum.
Hvort sem keypt er dýrt eða ódýrt vélmenni er ekki ráðlegt að
losa sig við handstýrðu ryksuguna. Hvað varðar þær fjórar
gerðir ryksuguvélmenna sem prófaðar voru á vegum TÆNK er
nefnilega mikill verðmunur á þeirri ódýrustu og þeirri dýrustu
en ekki svo mikill munur á árangri.
14 NEYTENDABLA‹I‹ 1. TBL. 2007
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om