Neytendablaðið - 01.03.2007, Blaðsíða 15

Foreldrar þeirra barna sem fermast í vor eru sjálfsagt farnir
að leiða hugann eitthvað að því hvort halda skuli veislu og þá
hvernig. Sumir kjósa að halda veisluna heima og sjá sjálfir um
veitingar á meðan aðrir kaupa bæði veitingar og aðstöðu. Það er
sama hvaða leið er valin, allir vilja halda eftirminnilega veislu
þar sem nóg er af veitingum fyrir alla.
Því miður verður reynslan ekki alltaf jafn ánægjuleg og hjón nokkur
leituðu til Neytendasamtakanna eftir að hafa orðið fyrir miklum
vonbrigðum með veisluþjónustu frá veitingastaðnum Ránni. Þau
höfðu gert samning við veitingastaðinn um að halda fermingarveislu
sonar síns og var m.a. samið um hvaða kökur og réttir ættu að
vera í veislunni. Þegar til kom voru ekki allar kökurnar bornar fram
og engu var bætt við á borðið eftir að réttir og kökur kláruðust.
Veitingarnar dugðu ekki fyrir gestina og voru hjónin að vonum
afar ósátt við þetta. Neytendasamtökin reyndu að ná sáttum með
aðilum en það tókst ekki og var málið því lagt fyrir úrskurðarnefnd
Samtaka ferðaþjónustunnar og Neytendasamtakanna. Þar sem
veitingastaðurinn er innan Samtaka ferðaþjónustunnar var hægt að
leggja málið fyrir þá nefnd.
Hjónin höfðu greitt rúmlega helminginn af reikningnum og gerðu
þá kröfu að afgangurinn yrði felldur niður. Veitingastaðurinn skýrði
ekki sína hlið málsins fyrir nefndinni þrátt fyrir ítrekanir, en hjónin
lögðu hins vegar fram ýmis gögn. Nefndin taldi gögnin sýna fram
á að veitingastaðurinn hefði ekki staðið við samninginn og féllst á
kröfur hjónanna.
Eins og kveðið er á um í samþykktum nefndarinnar er veitinga­
staðurinn bundinn við úrskurðinn þar sem honum var ekki mótmælt
innan fjögurra vikna. Engu að síður hyggst veitingastaðurinn halda
innheimtunni áfram.
Gestir svangir
í fermingarveislu
Síhringikort eru debetkort sem hringja eftir heimild í hvert
skipti sem þau eru notuð og er því ekki hægt að taka meira út
en innistæða er fyrir. Þannig eru kortin a.m.k. gjarnan kynnt
og samræmist það líka venjulegum orðskilningi. Því miður er
þó ekkert tryggt í þessum efnum og eru fjölmörg dæmi þess
að fólk hafi tekið út umfram innistæðu þrátt fyrir að vera með
síhringikort. Ástæðan getur t.d. verið sú að verslun hafi slökkt á
búnaði sem hringir eftir heimild vegna mikils álags og biðraða
við afgreiðslukassa. Kostnaðurinn fyrir neytandann er a.m.k.
750 kr. fyrir hverja færslu.
Kostnaðurinn er gjarnan kallaður FIT­kostnaður en allir bankarnir
taka 750 kr. fyrir hverja færslu umfram innistæðu ef færslan er
lægri en 5.000 kr. Þetta þýðir að kortanotandi þarf ekki að fara
fram yfir innistæðu nema um nokkrar krónur til þess að fá á sig
750 króna kostnað. Þá geta notendur farið nokkrum sinnum fram
yfir innistæðu á stuttum tíma, t.d. þegar farið er í nokkrar búðir í
verslunarleiðangri og fengið á sig mörg þúsund króna FIT­kostnað.
Nokkur atriði þarf að athuga í þessu samhengi.
Í fyrsta lagi má spyrja hvort viðskiptavinir fái réttar upplýsingar
frá bankanum þegar þeir fá síhringikortið í hendur, þ.e. að þeim sé
gerð grein fyrir því að mögulegt sé að fara fram yfir innistæðu. Í
öðru lagi þarf að skoða hvort fyrir liggi samþykki korthafa fyrir að
greiða FIT­kostnað og hvort 750 krónur endurspegli raunverulegan
kostnað sem bankarnir verða fyrir í hvert skipti sem farið er fram
yfir innistæðu. Á þetta við hvort sem um síhringikort er að ræða
eða ekki. Það hljómar ekki sannfærandi að banki verði fyrir 750
króna kostnaði vegna þess að traustur kortanotandi hefur tekið út
10 krónum meira en hann átti inni. Raunar virðist það ósanngjörn
refsing og rétt er að benda á að samkvæmt Evróputilskipun mega
bankar ekki krefja neytendur um óeðlilega háa fjárhæð í bætur í
svona tilvikum.
Neytendasamtökin hafa frétt af tilvikum þar sem kortanotendur
hafa fengið FIT­kostnað felldan niður þegar harkaleg mótmæli
voru höfð uppi og bendir það til þess að bankarnir telji sig ekki hafa
góðan málstað að verja. Full ástæða er til að skoða nánar innheimtu
bankanna á FIT­kostnaði.
Gjöld bankanna
Síhringikort og FIT-kostnaður
15 NEYTENDABLA‹I‹ 1. TBL. 2007
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om