Neytendablaðið - 01.03.2007, Blaðsíða 7

2007
Í mörg ár hafa legið niðri í skúffu í
umhverfisráðuneytinu drög að reglugerð
um merkingar á erfðabreyttum matvælum.
Neytendasamtökin hafa allt frá því að þessi
matvæli komu á markað krafist þess að þau
séu merkt sem slík og að neytendur hafi
val um að velja þau eða hafna á grundvelli
upplýsinga. Neytendasamtökin hafa einnig
ítrekað bent á að við njótum þess vafasama
heiðurs að vera eina landið á EES-svæðinu
þar sem ekki er skylt að merkja slík matvæli
sérstaklega.
Ráðherra boðar breytingar
Á síðasta þingi Neytendasamtakanna, í lok
septembermánaðar, hélt Jónína Bjartmarz
umhverfisráðherra ávarp þar sem hún sagðist
vera að íhuga að setja reglugerð um þessar
merkingar. Og nú hefur skúffan verið opnuð
og rykið dustað af drögunum og þau send til
umsagnar hagsmunaaðila. Neytendasamtökin
fagna mjög þessu framtaki umhverfis-
ráðherra sem fyrirrennarar hans létu
dankast. Fljótt á litið er einn ljóður á þessari
reglugerð frá neytendasjónarmiði og það
er að samsett matvæli mega innihalda
erfðabreytt hráefni sem nemur allt að 0,9%
heildarmagns vörunnar. Norðmenn ganga
lengra og miða við 0,5%. Við sækjum oftar
en ekki viðmið til frænda okkar Norðmanna
varðandi neytendalöggjöf og því ekki að
gera það líka í þessu máli?
Ekki er skylt að merkja erfðabreytt matvæli á Íslandi.
Merkingar á erfðabreyttum matvælum
Í tilefni af alþjóðadegi neytendaréttar 15. mars veittu Neytendasamtökin og Bylgjan hin
árlegu Neytendaverðlaun. Val á fyrirtæki fór fram með netkosningu, þar sem neytendur
sjálfir tilgreindu hvaða fyrirtæki þeir teldu vera best að þessum verðlaunum komin. Þau 10
fyrirtæki sem hlutu flestar tilnefningar frá neytendum komust áfram í úrslit.
Það fyrirtæki sem hlaut flest atkvæði og hlaut Neytendaverðlaunin 2007 er verslunin
Bónus. Þau tvö fyrirtæki sem urðu í öðru og þriðja sæti hlutu hvatningarverðlaun, en það
eru Iceland Express og Atlantsolía.

Röð fyrirtækjanna er eftirfarandi:

1. Bónus
2. Iceland Express
3. Atlantsolía
4. Sparisjóðirnir
5. Krónan
6.-7. Fjarðarkaup
6.-7. Rúmfatalagerinn
8. IKEA
9. Office 1
10. Húsasmiðjan

Neytendasamtökin óska þessum fyrirtækjum til hamingju.
Neytendaverðlaunin
1
2
3
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om