Neytendablaðið - 01.03.2007, Blaðsíða 11
Dregur úr bílasölu
Bílaumboð spá samdrætti í sölu á nýjum
bílum á þessu ári og spurning er hvort það
sé vegna þess að markaðurinn er mettaður
frekar en af þeim sökum að almenningur
sé að átta sig á alvöru umhverfisáhrifa
einkabílsins. Bílaumboðin segja reyndar
að díselbílar séu að verða vinsælli og stóru
bensínslafrandi fjórhólatrukkarnir að fara
úr tísku. Bandaríkjamarkaður hefur einmitt
fundið fyrir því og er það ekki síður vegna
hækkandi olíuverðs en umhverfismála.
Þar fer eftirspurn eftir smábílum vaxandi
og bílaframleiðendurnir Ford og General
Motors hafa þurft að bregðast við harðri
samkeppni sem japanskir bílaframleiðendur
veita þeim á heimavelli. Stjórnvöld hér
á landi geta gert ýmislegt til að ýta undir
sölu á umhverfisvænum bílum, t.d. með
breytingu á gjöldum og sköttum eftir
mengunarstigi bílsins, sbr. nýja skýrslu
vettvangs um vistvænt eldsneyti. Reyndar
hyggjast stjórnvöld hvetja til aukinnar
notkunar á vistvænum ökutækjum m.a.
með því að fella tímabundið niður vörugjöld
af metan- og rafmagnsbílum.
Íslendingar háðir innfluttu eldsneyti
Íslendingar nota um 900 þúsund tonn af olíu
á ári og notkunin fer vaxandi. Bílaflotinn
notar mest af þessari olíu, þá skipaflotinn
og loks flugsamgöngur. Það kann að koma
nokkuð á óvart að Íslendingar nota svipað
magn eldsneytis og aðrar þjóðir OECD sé
miðað við fólksfjölda. Þrátt fyrir hátt hlutfall
endurnýjanlegra orkugjafa hér á landi er
losun koltvísýrings mjög mikil. Íslendingar
eru því háðari innfluttu eldsneyti en marga
grunar.
Enginn bíll, meiri tími?
Tímaleysi er ein ástæða þess að fólk
kaupir sér bíl. Flestum þykir einfaldlega of
tímafrekt að sitja í strætó eða ganga/hjóla
í og úr vinnu. En rekstur á einkabíl kostar
sitt. Samkvæmt upplýsingum á heimasíðu
FÍB er rekstrarkostnaður á nýjum bíl með
fjármagnskostnaði frá 650.000 kr. ef miðað
er við 15.000 km akstur á ári. Það má því
spyrja hvort það sé betra að vinna lengur
fyrir rekstri og kaupum á einkabíl eða að
spara sér þann kostnað og nota tímann í
aðrar samgönguleiðir og jafnvel viðbótar
gæðatíma með börnunum. Þriggja mánaða
afsláttarkort kostar 12.700 kr. hjá Strætó
bs. Það er nokkuð ljóst að stór hluti þess
tíma sem við eyðum í vinnunni fer í að
vinna fyrir kostnaði sem myndast vegna
tímaskorts.
ÞH, BP
Bílaþjóðin Íslendingar Hversu
umhverfisvænn
er bíllinn?
Sigurður Friðleifsson, framkvæmda-
stjóri Orkuseturs, bendir á að val á
bíl sé ein mikilvægasta umhverfis-
ákvörðunin sem fólk tekur. Hver
innfluttur bíll verður í umferðinni
næstu 9-10 árin óháð því hvort hann
tilheyrir á þeim tíma einum eiganda
eða fleirum. Íslenski bílaflotinn verður
seint talinn umhverfisvænn en hann
einkennist af jeppum og jepplingum,
svo ekki sé talað um pallbílana, en
stjórnvöld lækkuðu á sínum tíma
tolla á þessum bílum og hafa þeir því
notið nokkurra vinsælda á Íslandi. Á
heimasíðu Orkuseturs,www.orkusetur.
is, er reiknilíkan sem sýnir útblástur
frá hinum ýmsu bíltegundum. Sem
dæmi losar Toyota Prius tvinnbíll
12,5 tonn af koldíoxíði á tíu árum
á meðan Toyota Landcruiser losar
frá 30-46,4 tonn á tíu árum, allt
eftir því hvaða undirtegund er valin.
Eldsneytiskostnaður á tíu árum er
567.000 krónur fyrir Prius en 2.151.000
ef eyðslufrekasti Landcruiser-bíllinn
er valinn. Það munar því um minna,
bæði fyrir budduna og umhverfið.
11 NEYTENDABLA‹I‹ 1. TBL. 2007
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om