Neytendablaðið - 01.03.2007, Blaðsíða 17
ICRT-gæðakönnunin náði til 27 tækja
sem teljast ekki til dýrari og fullkomnari
atvinnutækjanna. Af þessum 27 tækjum
eru 8 seld á Íslandi. Það tæki sem kom
best út úr heildarmælingunni fékk 4,40
stig af 5,50 mögulegum en það sem kom
verst út fékk 2,64 stig.
Þau tæki sem seld eru á Íslandi raðast
í neðri hluta töflunnar með tveimur
undantekningum. Canon IP5200R fær
4,40 stig og HP Deskjet 6980 fær 3,65 stig
en önnur tæki sem hér fást fengu frá 3,43
niður í 2,67 stig. Þessi niðurstaða bendir til
þess að úrvalið sem íslenskum neytendum
stendur til boða sé ekki eins gott og æskilegt
væri.
Mat á prenturunum fór fram eftir stöðluðum
prófunum á hinum ýmsum eiginleikum og
hafa þeir mismikið vægi í heildareinkunn.
Þættirnir sem skoðaðir voru eru:
· Prentun (prenthraði, prentgæði) 55%,
· Notendaviðmót 20%,
· Fjölhæfni 15%
· Umhverfisþættir 10%.
Töflur með aðalþáttum og undirþáttum
ásamt markaðskönnun er að finna á ns.is á
læstum síðum félagsmanna.
Markaðskönnun var framkvæmd
nú í febrúar hjá helstu söluaðilum á
höfuðborgarsvæðinu. Í ljós kom að 43
tegundir bleksprautuprentara eru til sölu hjá
20 söluaðilum og 14 tegundir leysiprentara
hjá 14 söluaðilum.
Hraði
Leysiprentarar eru hraðvirkastir. Þó
ber að hafa í huga að hraðvirkasti
bleksprautuprentarinn getur skilað
fimm blaðsíðum af texta á innan við 30
sekúndum. Sá hægvirkasti þarf hins vegar
meira en átta mínútur til að skila því sama.
Minniskort
Ef ætlunin er að prenta ljósmyndir beint af
minniskorti myndavélarinnar er æskilegt
að athuga hvort prentarinn taki minniskort
myndavélarinnar. Í þessu sambandi er
vert að skoða prentara með LCD- skjá þar
sem slíkir skjáir auðvelda alla vinnslu við
myndirnar, val þeirra og forvinnslu fyrir
prentun.
Hefur prentarinn PictBridge-
hugbúnað?
PictBridge-staðallinn gerir kleift að tengja
stafræna myndavél beint við prentarann
með USB-kapli. Þetta er handhægur
eiginleiki sem gerir prentun mynda úr
myndavélinni hraðvirkari þar sem ekki
þarf að færa myndirnar úr myndavélinni
yfir á tölvuna áður en þær eru prentaðar.
Ekki geta allir prentarar notað PictBridge-
staðalinn og því ástæða til að vera vakandi
fyrir þessum möguleika við val á prentara.
Kostnaður við prentun
Einn neikvæður þáttur við prentara er
hinn stöðugi kostnaður við endurnýjun á
blekhylkjum enda hefur blek á prenturum
stundum verið kallað „svarta gullið”.
Það getur verið umtalsverður munur á
prentkostnaði á milli prentara. Mögulega er
hægt að spara eitthvað í upphafi með því
að kaupa ódýran prentara, jafnvel á tilboði,
en kostnaðurinn er fljótur að stíga til lengri
tíma litið. Kostnaðurinn við endurnýjun
blekhylkja getur á örskömmum tíma farið
yfir verðið á prentaranum sjálfum. Það
er því full ástæða til að hvetja fólk til að
meta fyrirsjáanlegan prentkostnað áður en
prentari er keyptur.
Blekhylki fyrir leysiprentara eru ekki ódýr
en þau endast hins vegar lengi þannig
að leysiprentarar koma hagstæðar út
en bleksprautuprentarar þegar til lengri
tíma er litið. Það er vissulega þægilegt
að geta prentað litmyndir heima með
bleksprautuprentara en það er líka dýrt.
Gæðakönnun
á tölvuprenturum
17 NEYTENDABLA‹I‹ 1. TBL. 2007
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om