Neytendablaðið - 01.03.2007, Blaðsíða 5
Panasonic DMR EH65
Panasonic DMR EX85
Philips DVDR7250H
Toshiba RD-XS24S
Sony RDR-HX520
Tímahopp
Tímahopp (e. timeshift, timeslip, chase playback) er eiginleiki sem
gerir notendum kleift að byrja að horfa á upptekið efni áður en
upptöku lýkur. Þetta þýðir að ef komið er heim í miðri upptöku
er hægt að byrja að horfa á það sem þegar hefur verið tekið upp á
meðan tækið klárar að taka lokahluta þáttarins upp. Tímahoppið
gerir notendum einnig kleift að svara í símann eða hita kaffi án þess
að missa af nokkru. Með því að þrýsta á „pásuhnappinn” er hægt
að skella sér frá og þegar viðkomandi er tilbúinn að horfa á nýjan
leik er þrýst á „spila” og tækið spilar þá frá þeim stað þar sem hætt
var að horfa en heldur á um leið áfram að taka upp eins og ekkert
hafi í skorist.
Með þessari tækni er einnig hægt að nota endurspilunina (e. replay).
Það getur t.d. verið ergilegt að rétt missa af stórkostlegu marki í
fótboltaleik. Þá er hægt að ýta á „bakspilunarhnappinn” og horfa á
markið en spóla síðan hratt áfram á réttan stað og halda áhorfinu
áfram.
Aðrir eiginleikar:
· Verkseðlaval fyrir 4:3 letterbox, 4:3 pan og scan og 16:9
skjáhlutföll.
· Skrun (e. browsings) eftir smámyndum (e. thumb-nail) sem
aðstoð við að þekkja upptöku frá mynd af fyrstu senu.
· Hliðrænn magnari sem heimilar sjálfvirka og handvirka
fínstillingu á stöðvum.
· Hnapp sem leyfir að afspilun hefjist aftur eftir pásu þegar
horft er á DVD.
· Möguleika á að afrita af harða disknum yfir á DVD á
eðlilegum hraða eða meiri hraða.
· Möguleika á að afrita af DVD yfir á harða diskinn.
Vandamál með diskasniðmátin
Því miður virka ekki allir DVD-diskar í hvaða spilara sem er. Það er
vegna þess að gögn dreifast með mismunandi hætti á diskinn eftir
því hvort fylgt er forskrift frá the DVD Forum eða the DVD Alliance
en þessir aðilar eiga í harðri samkeppni og því miður fyrir okkur
neytendur á forskrift þeirra ekki alltaf saman.
Hér eru nokkur diskasniðmát:
DVD-R er DVD-sniðmát fyrir eina upptöku, ekki ósvipað DVD+R,
og getur geymt 4.7 GB. Ekki er hægt að taka aftur upp á slíkan disk.
Stutt af DVD Forum.
DVD-RW er endurskrifanlegt sniðmát, ekki ósvipað DVD+RW.
Hægt er að þurrka gögn út og skrifa aftur mörgum sinnum án þess
að miðillinn skemmist. Stutt af DVD Forum.
DVD+R er DVD-sniðmát sem gerir mögulegt að tekið sé upp á
diskinn einu sinni, ekki ósvipað og DVD-R. Ekki er hægt að taka
aftur upp á slíkan disk. Stutt af DVD Alliance.
DVD+RW er endurskrifanlegt sniðmát. Hægt er hreinsa gögn af
DVD+RW diski og skrifa aftur og aftur án þess að miðillinn verði
fyrir skemmdum. Stutt af DVD Alliance.
DVD-videó. Nánast allir DVD-spilarar keyra DVD-videódiska. Þeir
eru algengir undir kvikmyndir.
DVD-RAM (stendur fyrir DVD-Random Access Memory). Hægt
er að taka oft upp á DVD-RAM og þurrka gögn út en slíkir diskar
eru eingöngu samhæfðir tækjum sem styðja DVD-RAM sniðmátið.
DVD-RAM diskar eru yfirleitt geymdir í lokuðu hylki (kassettu).
Fleira um upptökur í DVD
NEYTENDABLA‹I‹ 1. TBL. 2007
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om
Cl
ick
to
b
uy
N
OW
!PD
F-
XCh
ange Viewer
w
w
w.docu-track
.c
om